JEREMIYA 27:7 - BAIBEL (BSI)

⁷ Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

Sumi Naga CL (Re-edited) Bible (BSI)

⁷ Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 27:7 Mawu Ofanana

LESHELE 37:13

Ikemu AMPEU no kixikilami junu cheni, kughengu panongu tsala wovechekeu AMPEU no ithulu ani.

ISAIAH 13:1

Hiye Babilon ghenguno asutsa sughikeu lakhi khikhi Amuz nu Isaya no Alhou lau ithulukeu ke.

ISAIAH 21:9

Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

JEREMIYA 27:22

Tipaqoye Babilon lo pewuve nani eno ino tipau shou imlo tsuqhiyi kumsulumo ke kutolo tilau ache nani eno hipa alo sughi no qhi nani. Ni, AMPEU no piqhiveake.”

JEREMIYA 34:1

Kughou Babilon kukau Nebukadnezar ngo pawu aghumiqo, ashiayeh jeli khunoqono pa qholo achekemiqo muqono panoqo choqhepe puzu Jerusalem ngo tipau holo taunqo le akeno AMPEU no iputsake.

JEREMIYA 44:30

Ino Ijip kukau Hofra pesu pa ghumi pa pithive nishi akeu ulo tsuve nani, tiye ino Juda kukau Zedekiya pesu Babilon kukau Nebukadnezar ulo suvetsukeu toi nanike; paye Zedekiya ghumike eno pa pithive nishi acheke.”

JEREMIYA 46:13

Kughou Babilon kukau Nebukadnezar no Ijip lenike ighi keno AMPEU tsa ilau ighi. Pano pike,

JEREMIYA 52:31

Ewilmerodak no Babilon lo akukau shike mipelo, pano akukau Jehoiachin shou kimiyeqhiyi keu piyeke, tiye akughu shiakeu lono pa khaqhipheveke. Hiye Jehoiachin akughumi shi sawuvekeu mipe shighi akutsuniu aqhi chighi akiniulo atsala muku apunguu shi ake lonoke.

EZEKEL 30:24

Tithiuno ino Babilon kukau umlo mutotoi shitsuni. Ikemu Ijip kukau umlo hephovetsu nani eno pano sukutu igha nani eno pa ghumi gizu lono thi nani.

DANIEL 2:37

Akiqheu, noye kukami kumtsu nguno akughushuke. Kungulo Lhou no opelo akukau shipe eno akuka, akumto, agigihu pesu otsuke.

DANIEL 4:22

“Akiqheu, asubo chuqu mughai eno ighono akumtoshi ithulu akeuye no ampeuke. Nono kije shi thuu iku atsutsu toke eno okukano ayeghiqha kumtsu chhitoike.

HABAKUK 2:7

Ikemu nonguno tipau ithi mphi lono nongu kutami leluveche keqoye apiagha pu nani eno anguka lono akighishe tsukepu shipe nani. Aghumino ighi puzu nongu pelo musa khokhoshipe nani. Panonguno nongu xulepuwuve nani!

HABAKUK 2:8

Nonguno ashiayeh kutomo xulepuwuke ikemu tipaqo gholo puxupe puaghi keqono nongu xulepuwu nani, kughengu nonguno timi ghiqhileke eno nonguno ayeghiqhalo akemiqo eno panoqo phughi shou a-ubeke.

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.