JEREMIYA 23:8 - BAIBEL (BSI)

⁸ Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

Sumi Naga CL (Re-edited) Bible (BSI)

⁸ ikemu ishi pi nani, ‘Ampeu xüani ke Pa no haküghütsü puwuve keu ghakhu eno ahuu ghakhu lono Israel kibolomi saipeghi.’ Tishino panongu ye pano yeghi lo xüsülu nani.”

JEREMIYA 23:8 Mawu Ofanana

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 14:1

AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

JEREMIYA 16:14

AMPEU no pi, “Aghuloki wochenie, kughono timiqono tushoqhini eno Alhou no Ijip yeghi lono Israil saipeghikeuye xuanike ghenguno ipi pimo nani.

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

EZEKEL 28:25

Akughushu MPEU no pike, “Ino ashiayeh kutami khunoqo gholo Israil kuthole puwuve keno tipaqo launo Israilmi sachile saghi nani, ashiayeh kumtsuno niye akimthe kepi ithi nani. Israilmiye pano ghakhulo xucheuve nani, tiye ino iqeu Jakob tsukeu ghakhuke.

EZEKEL 34:13

Ino inaghami ghakhu lono panoqo saipeghi, puzu panoqo hekutsu kumqono pano yeghilo sachile saghi nani. Ino panoqo Israil naghutoqo eno aghokitiqo lo sachile saghi nani eno atsuni kivilo panoqo achukumza nani.

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

EZEKEL 36:35

Ayeghi hipau atughuloye aghasa keloye kishi puzu itehiye Eden Ghutu kimihi shiluvea eno aphughi hipaqo puzuuye tuleqhive, xulepuwuve eno ixapinyi qhive keno itehiye kughunauve eno aliwono putukhave akelapi timi kumtsuno pi nani.

EZEKEL 37:25

Ino iqeu Jakob tsukeu yeghi shou panonguno kughuna nani, tiye panoqo puasuno achekeu yeghike. Panonguno alhokupujulo tilehi kughuna nani, pano tianuli eno atikughukomi kumtsu titoi shi nani. Akukau lakhi iqeu David toikeuno alhokupujulo panoqo shou ayehpe nani.

EZEKEL 39:28

Tileno iwu timiqono niye AMPEU panoqo Lhou kepi ithi nani. Panonguno hipau ithini putsake kughengu ino halephevekeulo panoqo puwuve eno itehiye panoqo lakhimu qhivemo puzu panoqo hekutsu pesu panoqo ghakhulo saideghi nani.

JOYIL 3:7

Itehiye nonguno panoqo khilehi jesuvekeno tipa-alono ino panoqo saghi nani. Nonguno panoqo lau kiu shikeno tipau ino nongu lau shi nani.

MICAH 7:15

O AMPEU, nono Ijip lono nisasu ipeghike ghulokilo shikeshi nighenguno akumzapu kumla shitsulo.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.