JEREMIYA 23:4 - BAIBEL (BSI)

⁴ Panoqo tuchomujo penike ino ayehkipemi susupe qhi nani. Iwu timiqoye musa momu ighu kithepemo nani eno niye panoqo ghime kithemo nani. Ni, AMPEU no piqhiveake.”

Sumi Naga CL (Re-edited) Bible (BSI)

⁴ I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 23:4 Mawu Ofanana

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 31:10

AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

EZEKEL 36:11

Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

ACHINE 26:9

Ino nongu kumghatsu nani eno atianuli kutomo nongu tsunani; ino nongu sasu puloshoqhi shikeu isheamzu loye tipau peche nani.

MICAH 4:4

Pututa shelo kumtsuno alokughunoshi pawu atsayili eno khughuthibo qholo xucheuve nani eno khunomu pa shikumsamo nani. Aqokitikhi AMPEU no hipau piqhiveake.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MICAH 7:14

O AMPEU, owu timi nono kisheluve kemiqo shou bherikheu shilo. Panongu kutoshi timi kughunamoke-alo xuaghimu ayeghi ghumakivino panoqo suhupe ani. Kha-ghi shicheke toi panoqo pelo Bashan ngo Gilead lo achu kumzapu kinikulu shi akeulo chupelo.

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

AKIKIHI 31:49

ishipithive, “Akijeu, ninguno ghushimi khijehi ni zahkutsu qholo akeno tipaqo kihijuke timi lakhimu puhapighi keu kuhae.

John 17:12

Ino panoqo gholo akeloye oje kuka pesu panoqo khepe qhicheke. Ino panoqo susho cheke eno kuchoyesu kupunike ghenguno ti puhave nikeushi akeu timi lakhi thono panoqo gholo lakhimu puhatsumoe.

John 18:9

Jisu no hipau pikeuye pano ishi piqhipuakeu shikupuni kehuke: “Apuo, nono itsuvekemiqo lakhimu puhatsumoe.”

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.