JEREMIYA 23:16 - BAIBEL (BSI)

¹⁶ Aqokitikhi MPEU no Jerusalem lo akemiqo lau pike, “Tungkupmino kiu pikeno ini kevilo; panonguye kichileu lajupu pesu nongu lolo chhitoi sutsu anike. Panonguno kumsulukeu pesu nongu vilo piani kethono ino kiu pikeno tipau pesu piamoe.

Sumi Naga CL (Re-edited) Bible (BSI)

¹⁶ Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

JEREMIYA 23:16 Mawu Ofanana

KUKAMI ATUGHIU 22:11

Panongu gholo milakhi Kenaana nu Zedekiya ipikeuno ayino akibo shipe qhino ishi Ahab vilo pi, “Hiye AMPEU no ishi pi ani: Ayikibo hipau pesu Siriyami sasu aghushi nani eno panongu theqhilu nani.”

KUKAMI AKINIU 17:15

Panonguno pawu mijekutsu puloshoqhi shikeu hephove eno pano pikumsa ghutukeu ikhilumono peve. Panonguno ame kuhakeu asu-atu mllauve eno panongu pesu ame kukuhau shiuve eno sukumxa lo akeqo shiyeh khuayeh panonguno tiu papeuveno AMPEU zah kutsuqo hebidevetsu.

YEKIKITHI AKINIU 18:5

Tighenguno Ahab no tunkupumi pano 400 kutolo kusaghipe eno panoqo vilo ishi iniju, “Niye wu puzu Ramot lewu kepu kemo kya?” Panoqono khochile pi, “Tipau lewulo, Alhou no tokulu otsu nanike.”

AHOLE 19:27

Anu, opelo ithipenike shikakeu lakha aye nono ithive keu ghi payikhavino kughuchove nani.

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 2:5

AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

JEREMIYA 23:21

AMPEU no pivae, “Niye tungkupmi hipaqo puwu moke ikeghi panonguno wuke. Niye kiu tsapemu panongu tsumoe, ikeghi panonguno ije lono picheni.

JEREMIYA 23:26

Tungkupmi hupaqoye pano likhi panono akimki iqiphekeu pesu ado khitohi iwu timiqo sapimi anani kya?

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 9:12

Ino iniju, “O AMPEU, kushiye aghakhuye kutsapinyive eno asayeqha toi qhiveno timi khunomu tipau kathasu izuwumovea kya? Khuno hipau vethakulupu shi alokutsu lukumkha ani kya? Noye khuvilo hipau chixechilei pivea puzu pano kutami vilo pilukepu ani kya?”

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

EZEKEL 13:16

Tiye tungkupmi khunoqono Jerusalem ye thwokha kumtsu vimono akeghi viani kepi piche keqoke.” Akughushu MPEU no pivae.

EZEKEL 13:23

Ike itehiye nowu kichile kungunhetsu ngo sabidekeu ashe azutsa pikeu kumtsu tavae. Niye nongu kuka launo iwu timiqo hakholuveni cheni, tishianguno niye AMPEU kepi nonguno ithi nani.”

EZEKEL 13:3

Akughushu MPEU no kiu piani keno tiye hike: “Anikha tungkupmi hipaqoye ahakusapue! Panonguye pano likhi pano nguagha pape ani eno pano likhi pano kungunhetsu iqiphe anike.

EZEKEL 13:6

Panongu kungunhetsu ye kichileuke eno panonguno ashe azu shi pikeu tsaye akimkike. Panonguye itsa kepi picheni ikemu niye panongu puwumoke, ikeghi panonguye panoqo tsa kuchou shiaghi penishi acheni!

EZEKEL 22:28

Tungkupmiqoye timino metsughoi nudakeu pesu atozu nuda akeshi axine tipaqo kusuvetsu cheni. Panonguno kichileu kungunhetsu ithulu cheni eno kichileu she-azu tsa picheni. Panonguno Akughushu MPEU tsa piani kepi picheni, ikemu ni, AMPEU ye panoqo putsa puamoe.

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,