JEREMIYA 23:14 - BAIBEL (BSI)

¹⁴ Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

Sumi Naga CL (Re-edited) Bible (BSI)

¹⁴ Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 23:14 Mawu Ofanana

BOTHUBO 13:13

Ikemu Sodom phughilo akemiqoye AMPEU zulo ighono lhoksakughami eno axinemiqoe.

BOTHUBO 18:20

AMPEU no pi, “Sodom ngo Gomora shou ngukube keu kije anie, panongu xineye shishe ihulokeu shivae.

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

BOTHUBO 19:25

Pano aphughi, abokhuqa, aphughiqolo kughunakuami eno ayeghilo lhoipeghi aghikeu kumtsu kutsavetsue.

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 18:13

AMPEU no piani, “Thime tikithipu puzuu shipepuani kemo keno ashiayeh kumtsu vilo inijulo. Israil lo akemiqono akumou kuchou lakhi shiveake!

JEREMIYA 20:16

Timi tipauye, aphughi khipaqo AMPEU no kimiyemono kutsaleve keno tipaqo toive pelo. Pa pelo inaqheno sukeu ghugha chilupe eno puchouno aghukishi kutughukeu sutsa chilu pelo;

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 23:22

Panonguno iwu tuqhou kukumsu ithike aye panonguno iwu timiqo lau itsape pesu asheshuni cheke eno iwu timiqo pelo panonguno akuxu lhoksa shi xuachekeu eno kixikila ghili panonguno shichekeu qhiluvepeni cheke.

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 29:21

“Aqokitikhi MPEU, Israil Lhou no Kolaiya nu Ahab ngo Maaseiya nu Zedekiya pama ghili piveake, pamaye nongu vilo paje lono akimki tsa piani. Pano pive ake pano hipama pesu Babilon lo Akukau Nebukadnezar ulo suvetsuni cheni eno nongu gizu lono pano pama pithive nani.

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 36:2

“Likuzu kaku lakhi lupuzu tipaulo Israil ngo Juda eno ashiayehqo kumtsu ghili ino ovilo pivekeu yesulo. Josiya no akukau shiake ghulokilo ino atughushi oputsakeu lono ishi kutolo ino ovilo pivekeu thwokha kumtsu yesulo.

JEREMIYA 49:18

Tiye Sodom ngo Gomora eno tipaqo cheaxulo taun akeqo kutsaleveke toi Edom lau ghi tipatho shi nanike. Khuumu itaghi tilehi kughuna kithe pemove nani. Ni, AMPEU no piveake.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

EZEKEL 13:16

Tiye tungkupmi khunoqono Jerusalem ye thwokha kumtsu vimono akeghi viani kepi piche keqoke.” Akughushu MPEU no pivae.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

HOSIYA 6:10

Niye akuighupu lakhi Israil lo ithulu puani; iwu timiqono ajulho mllakeu lono shipixi khavae.”

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

MICAH 1:5

Hipaqo kumtsu shini cheni kughengu Israil lo akemi qono axine shike eno Alhou hebideke. Israil no hebide akeuye khuu nguku kepu kya? Tiye Samaria phughi ke! Juda lo asu-atu mlla akeuye khuuno kuqu ani kya? Jerusalem no ke!

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

ZEKHARIA 13:2

“Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

MALAKI 1:1

Israil lo akemi timiqo vilo pipe nike AMPEU no atsape hipau Malaki tsuke.

MATTHEW 11:24

Ino nongu vilo pini, kughakutha tsalalo nongu lau nguno alau Sodom lau Alhou no kimiyeqhiyikeu ananie!”

ZAKINIU 32:32

Pano ghumino Sodom ngo Gomora toi kixikula, atsayibo khumtsai eno tughu kupu tsayithi pithi keu toi,

1 Tim. 4:2

Akukutsu hipaqoye timi pishikiqhimi kimkimi vechewo ighi cheni eno timi tipaqo loloye kivikusa ithichekeu huye ayino pitikushughive keu toivae.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Piyeküsü 11:8

eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.