JEREMIYA 20:7 - BAIBEL (BSI)

⁷ AMPEU, nono ipishiqhike, eno ipishiqhi putsake. Noye inguno akuka kumtouke, eno nono itheqhivae. Kumtsuno ithaigha ani, atsala kupujulo niye panoqo zukutunupubo shiauvae.

Sumi Naga CL (Re-edited) Bible (BSI)

⁷ O Ampeu, Nono I pishiqhivae; No ye I nguno akumtou, eno Nono toluvae. Ni ye atsala kupuju azükutunupu shiauvae; kümtsü no I thaigha anie.

JEREMIYA 20:7 Mawu Ofanana

KUKAMI AKINIU 2:23

Elisha ye Jerikho qhiveno Bethel lo wuche eno tile taun lono itimi khamino ipeghino pa junuqhi, “Boghesho, hileno mtazu chevelo,” ipi panonguno ighamuku pi.

JOB 12:4

Ikeghi, niye ishounoqo zukutunupu shi auvae, puzuuye Alhou vilo inikhu kelo ikhochiletsu chekehu! Niye atiche kuha eno amikucho shi anamu azukutunupu kughulhovae.

JOB 30:9

Itehiye panonguno ikughape atsa ale shiauvae, eno niye panongu tsabo shiauvae.

LESHELE 119:51

Aqhekuzamino pulhapuju ithaigha acheni ikemu niye oyezah lono shothiu wumphike.

ISAIAH 8:11

Pa kuka kumto kije pesu AMPEU no ipiputo keuno timiqono papechekeu la pula kevilopi pike. Pano ishi pike,

JEREMIYA 15:10

Niye kiutoi ahakusapu timi kela! kushiye iza polono ayeghilo ipunu supe kela! Niye aghakhulo timi kumtsu sasu muto eno kutsalakepu shike! Niye khuu vilo mu pisa nalu puamoe momu puna puamoe; ikeghi kumtsuno imusuinike.

JEREMIYA 15:18

Kushiye niye ishi ime akepushi kya? Kushiye ighuzakuye vimlakeu kya? Kushiye vimla nikeu shiauve kya? Noye mutsu tsalalo aghoki lakhi qhaiveke toi ilo shipusu tsu nike kumsupu ani kesha?”

JEREMIYA 17:16

Ikemu AMPEU, niye khilemu ovilo panoqo shou kutsakungokeu puku tsulepi tsuyikhomo pimoke; niye panoqo shou shiluksa tsala ighipenishi puamoe. AMPEU, nono hipau ithi anike; imutsu lono pikeuye kiu keno nono ithi anike.

JEREMIYA 20:9

Ikemu kughono ino, “Niye AMPEU kumsumaveni eno paje lono khilemu pimoake,” ipini keno, otsa huno ami toi ilolo pitiqhi auve cheni. Ino pukaputsa otsa tipau tsuqupe auveniye shicheni, ikemu tipau suchilepe auvemlake.

JEREMIYA 29:26

“AMPEU no Jehoiada zuqhulo opelo achineu shipeke! itehi noye Achinekilo kijemi atou shianike. Okumlapu sajeye kughuzumi khijeno tungkupmi lakhi kepi amuqukini tsa pini keno tipaqoye ayikichhe pesu tshu puzu pa kuolo ayikuo kukha pipe kepuke.

JEREMIYA 38:19

Ikemu akukauno ishi khochile, “Niye nighakhumi khunoqono Babilonmi lau posuwuve keno tipaqo musa anike. Niye tipaqo ulo suvetsu puzu pishipiyi nani keniake.”

AKUMLO 3:14

Timino atsala kupujulo ijunuqhi; niye panoqo kumtsu zukutunupu shive.

EZEKEL 3:14

AMPEU kuka kumto kuloghi ishou ikughi, eno pa ghunguno ixapuwuve kelo niye khumtsayi imlo ide ae.

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

MICAH 3:8

Ikemu ighenguye, AMPEU no pa ghungu eno akuka pesu ishepichhike eno kucho xakutha ithinikeu eno Israil lo akemi vilo panongu xineye kiu keno pikulupu kumto pesu itsu ke.

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

Luke 23:11

Herod eno pawu ghushimino Jisu thaqhi eno jumthiqhi ghi peitha. Panonguno aphi aghile lakhi pe pa pu-u eno Pilat lau saidewuvepe.

Apostolmi 17:18

Epikure kukutsu papekemi eno Stoiks kukutsu papekemi khami ghi ighieno pa sasu kighe. khamino ishi pi, “Tsathipa hipauye kiu piniepi ani kya?” Kutami khamino ishi pi, “Paye kutami shiayeh lhou ghili pi aghikepu toi anike.” Panonguno ishi pikeuye kutau ghenguno kumo puzu Paul no Jisu ghili eno xuchilethughi keu ghili pikeu ghenguno ke.

Apostolmi 17:32

Kithimi xuputhukeu tsa kughou panonguno chilu keno khamino pa junuqhi, ikemu khamino ishi pi, “Hipau vehu itaghi ninguno olauno chiluni shi anie.”

1 Kor. 9:6

Ikeo Barnaba ikujo likhino akumla shipuzu xumasa kya?

IBRIMI 11:36

Khamiye ghushoqhi eno heqhi buqhie, tshuluve eno akughu shipeke.