JEREMIYA 2:23 - BAIBEL (BSI)

²³ Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

Sumi Naga CL (Re-edited) Bible (BSI)

²³ No ye kishino ‘Ni ye Baal lhouqo lau wu püamo ke kitiqe mphi,’ ipini kea? Akhila lo o laghi julo; nono kiu mlave akeno ithilo, sayeshi lhothe no ngosümla no hile hule powu aketoi,

JEREMIYA 2:23 Mawu Ofanana

ESTHER 8:16

Judami ighono alovi sheve eno aqha kumtsu lono panongu ikhiluve.

LESHELE 36:2

Pa likhi pa shelo paye qhemghayi kumsulu acheni kehu Alhou ye paxine phumla eno pa levemo nani kepi kumsu acheni.

LESHELE 50:21

Nonguno hi kumtsu shicheni ikemu niye inaqhoi acheni; ikehu nonguno kumsukeuno niye nongu toi kughashi achenike. Ikemu itehi niye nongu sakiyi ani, eno avehu mutsumishei xathape nongu qhitsu ani.

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

AHOLE 30:12

Timi khamiye pano xineno kuchhube kutsula shi apulaghi mithemighei ani kepi kumsu cheni.

AHOLE 30:20

Amlo pumokemi anipu lakhiye kishi shicheni keno hiani: lino salhave puzu azu kuchhuveno ishi picheni, “Ike niye kiumu akumou shipe puamoe!”

JEREMIYA 14:10

AMPEU no timi hipaqo ghili ishi pi, “Panonguye ilauno pove nikeuno pano lokutu acheni eno pano likhi pano ghasuni chemoe. Ikehu niye panoqo lau amlo kiqi kuhae. Panonguno akumou jeli shikeu ino kumsupu che nani eno panoqo xine ghenguno ghimeqhi nani.”

JEREMIYA 16:10

“Kughou nono panoqo vilo hipaqo kumtsu pinikeno panonguno ovilo niye kushiye mughachhoikeu lono panoqo ghimenikeu kughathaluve akelapi ovilo iniju nani. Panonguno panoqoye kiu kumla lhoksa shivekeu lono kuquve eno panoqo Lhou AMPEU shou kiu xine shive kelapi iniju nani.

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

JEREMIYA 7:31

Hinom khilalo panonguno akipti-a lakhi Tofet ipi keu shipe qhi, tishianguno panonguno pano nu ngo angaqo amilo heqhi mllaniyeke. Niye panoqo vilo hipau shilo pi ahza tsumoe, tiye ikukumsu loghi kuhake.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

HOSIYA 1:2

Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

Luke 10:29

Ikemu Ayezah kukutsumi huno pa likhi paye achipie pinishive kehu pano Jisu vilo iniju, “Khuuno ikisughumi kya?”

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.