JEREMIYA 18:15 - BAIBEL (BSI)

¹⁵ Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

Sumi Naga CL (Re-edited) Bible (BSI)

¹⁵ Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 18:15 Mawu Ofanana

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

ISAIAH 3:12

Pisa kupunamino iwu timiqo qaqhike, eno iwu timi qono api lokepushi akeqono panoqo pishiqhike.

ISAIAH 41:29

Hi alhouqoye kumtsu adouke; panonguye kiumu shimlake, ajulho kimihi hipaqoye miqemilei eno akuka kuhake.”

ISAIAH 57:14

AMPEU no pi, “Iwu timiqo pelo ilau ideighi pelo. Panongu laghi lono lakukha kugha kumtsu ikhivelo! Ala ghelo eno tipau kutope qhilo!”

ISAIAH 62:10

Jerusalem lo akemiqo, aphughi lono khalau ipelo eno nowu timi idewoche kemi ghenguno alaghi lakhi ghelo! Alaghila shikepu lakhi kutolo; tipalalo atuqo kichevelo! Amchi shikepu lakhi suqhelo tishi anguno ashiayeh kutamino

ISAIAH 65:7

Panonguno tughachine naghutolo tsungquikeu ta piti kumna cheni eno ilhoksa picheni. Tighenguno wovekeulo panonguno mlapuakeu qhemi niye panoqo ghimeqhi nani.”

ISAIAH 9:16

Kughengu khunoqono timiqo saphe chekeno alakumo lono panoqo sapheke eno panoqo saphekemi kumtsu kubang khavae.

JEREMIYA 1:16

Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 11:12

Tithiu Juda ngo Jerusalem lo kuamiqoye panoqono akumllagho heqhipe mllache keu lhouqo lau wu nani eno tipaqo vilo kuphulepi ighamuku pi nani. Ikemu kughou kutsakungo keu hipau ighini keno alhou tipaqoye panoqo xamla nani.

JEREMIYA 11:13

Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 13:25

Hipauno nongu saje shinikeu pano pike. Pano nongu pesu hi kithipu shinikeushi kughathavae kughengu nonguno pa kumsumove eno kichileu lhouqo shou pulubeke.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 18:14

Libanon tuxu qhemghaikeulo murasu kuhaveju akesha? Tipau naghuto lono ighikeu ghoki qhayivejua kesha?

JEREMIYA 19:5

eno panonguno Baal ghenguno akipti-a mlape qhike, tishi puzu panoqo tianuli heqhipe ami lono pitipe mllakeu shiniyeke. Niye panoqo vilo hipau shilopi khilemu ahza tsumoe; hiye ikukumsulo ghi kuhakeuke.

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 2:32

Ilimi lakhiye liwu akughupuchi kumsumaveni kesha? Momu kulaliuye kulakupu phimini kumsumaveni kesha? Ikemu iwu timiqoye atsala phikha kumlapushi ikumsumavae.

JEREMIYA 3:21

Naghuto toghiqolo asutsa lakhi chilu. Hiye Israil lo akemino qa ani eno qhuiniju anike, kughengu panonguno axine shikeu kuxu xuke eno pano Lhou AMPEU kumsumaveke.

JEREMIYA 44:25

Aqokitikhi MPEU, Israil Lhou no pianike: Nongu eno nonipunoqono Atsutsu Kukaliu lau iquighai keu shoqhi shipe puanike. Nonguno li lau akumllagho tsunikeu eno aji pesu akumllagho shi li lau leqhitsu nikeu tushoqhike eno nonguye ashoqhi tipau pelu acheni. Ighono alovae! Tishi nongu shoqhi pechelo! Nochine shoqhi tipau shiachelo!

JEREMIYA 51:18

Panonguye ame kuhake eno mithive kepuke; AMPEU no panoqo ghimeni keu do ghulokilo panonguye kutsaleve nani.

JEREMIYA 6:16

AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 21:15

Hipauno iwu timi pelo amlo kuloghi puhavepe eno kupuxalu chenipeke. Ino tsutsupha ti kulokeu zutakihi pesu panoqo phughi shikichi anike eno ghiqhi nike kutope anike.

EZEKEL 36:15

Aghakhuye ashiayehqono tipau thaighakeu hinguno hilauye ini kepu shimo nani momu timiqono tipau phimo akeu ithulu kepu shimo nani. Aghakhuye ashiayeh tianuli luvekeu shimove nani. Ni, Akughushu MPEU no pivae.”

HOSIYA 11:2

Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 2:6

Tighenguno niye asahupho pesu li putukhani cheni eno aliwo shipesu li lakhani cheni.

MALAKI 2:8

“Ikemu nongu achinemiye alaghi achipiu vezuvae. Nongu kukutsu lono timi kutomo pelo akumou laghilo wuveapeke. Nonguye ino puloshoqhi nongu sasu shikeu kubolevae.

MATTHEW 15:6

Ikehu nongu wu pepimhe chekeu kukutsu papeniye Alhou tsa pesu adou shivetsu cheni.

Rommi 14:21

Othikuzuu pelo shokukholu pemonike ashi chumo, aji shomo momu kiumu shokukholu kepu shimo keuno achipi.

ZAKINIU 32:21

Pano julho pesu panonguno iloghu kighide, pano wu alhouqo ipikeu lau anheshu, alhou ipi kemu kuchouno alhou kumoe. Tighenguno ashiayeh ipi chekemi ino peithano pano loghu kighideve tsu nani; Kughuzumi shiayeh qo shou ino panongu pelo anheshuvepe nani.