JEREMIYA 17:9 - BAIBEL (BSI)

⁹ ‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

Sumi Naga CL (Re-edited) Bible (BSI)

⁹ Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 17:9 Mawu Ofanana

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

SAMUEL AKINIU 11:15

Pano hitoi yeve: “Khipa alono ighono aghu shikuchou shi ani keno tipa alo Uriya puwulo, tishino pa likhi tile qhivelo tishi keu lono pa heqhi pithive pekepu shilo.”

LESHELE 51:5

Niye punu kelono alhoksalo acheghi imishike lono niye axinelo acheghike.

LESHELE 64:7

Ikemu Alhou no pa piji tipanoqo lau kapuwu cheni, eno tipano qoye zuleno izave cheni.

AHOLE 28:26

Olikhi okukumsu papekeuye mbomzuke. Alokutsumi kukutsu papekeuloye xapheluve kepu ani.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

ISAIAH 1:5

Kushiepi nongu ghimeqhi anipe kya? Nonguye kushiye hebide auve cheni kya? Itaghi alaushi nongu ghimeqhi peniye kesha? Israilmio, nongu kutsuye azakuno nhaluvae eno nongu mlo phomoyivae.

ISAIAH 1:6

Nongu kutsu lono apukhu mza kuto lo vithaikeu-a kuhavae, ikemu veshokeu ngo apiyi eno azakuno nhakhavae. Nongu zakuye shikimtheve momu khave momu teli pesu vakumtsha puamoe.

ISAIAH 6:10

Tileno pano ivilo ishi pi, ‘Timi hipaqo kukumsu pumhomhoi shive tsulo, panoqo kini kughupove tsulo eno panoqo nhethi kighicheve tsulo, tishianguno panonguye ithumla chimla momu vethamla penike. Panonguno ithulu, chilu eno vethalu kenapiaye ilau xaide ghino shipiviluni cheke.’ ”

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

MATTHEW 13:15

Kughengu timi hipaqo mloye tekhoimoke: Panongu kiniye ini kushughivae, Tikumokenapiaye, panongu nhethino michiluve niche, Panongu kinino chilu niche, Panongu mlono ithikuthu nicheke, eno panongu shipivi peniye ilau tsughu ighi nicheke.’

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

Mark 2:17

Jisu no ti chiluve eno panoqo khochile. “Timi khunoqono akivishi ani keno shikipiviu avehupu shiamoe, ikemu suakeqo no shikipiviu avehupu shichenie. Niye achipiushichekemi kuniye ighike kumoe. Ikemu axinemi kuniye ighike.”

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

Rommi 7:11

Axineno adokivi phuluveno pa zah kutsu vechewo ipishiqhi pithive.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.