JEREMIYA 17:18 - BAIBEL (BSI)

¹⁸ Ishikighime chekemiqo shou kujomzave kepu pukutsulo, ikemu ipelo kujomzavepe kevilo, AMPEU. Panoqoye akuighupuno chhivepelo ikemu ishikumsa kevilo. Panoqo shou kutsakungokeu sughilo eno panoqo kutsa piniyivetsulo.

Sumi Naga CL (Re-edited) Bible (BSI)

¹⁸ I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 17:18 Mawu Ofanana

JOB 16:14

Ino shokukha mlapuakeu pano anguno anguno vexu ighie pano aghutomi toi ihaighi anie.

LESHELE 35:4

Ipithiveniye pukaputsa chekemi pelo haqhivetsuno kujove pelo! Ishou kuchughupe akemi pelo tsughuchile wovepe eno kubangve pelo!

LESHELE 35:8

Ikemu panonguno mtha aphi lono kutsakungo keuno panoqo shou ighive nani; Pano likhi pano lichhe lono kitimeluve nani eno panowu kutsakungo keulo ikiqi ilove nani!

LESHELE 40:14

Khunono ipithiveniye pukaputsa ani keno tipaqo shikukujove eno kubangve tsulo. Khunono ino shilusave keulo alovi akhani keno tipaqo hachilevetsu eno kujomzaqhiyive pelo.

LESHELE 70:2

Khunono ipithiveniye pukaputsa keno tipaqo pelo tomlavepe eno kubangve pelo. Khunono iwu shiluksalo alovini keno hachileve eno kujomzave pelo.

LESHELE 71:1

AMPEU, niye sushokulu phu susu olau ighi ani; khilemu ishikukujove kevilo!

JEREMIYA 1:17

Jeremiya, kutolulo, wulo ino ovilo pilopi ahza tsukeu kumtsu pesu panoqo vilo pilo. Noye panoqo musa ichi kevilo tikumo aye nono panoqo zulo akelo ino opelo alau msa ichivepe nanike.

JEREMIYA 11:20

Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 12:3

Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

JEREMIYA 14:17

AMPEU no timiqo vilo imlokusa pipenike ahza itsuke. Ishi pilo pike; “Ipelo putho pucho qaita pemono inhezu qowu apeniu kughengu ni timiye aghuza kitikhi shi izavae eno ighono shipusuvae.

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 17:16

Ikemu AMPEU, niye khilemu ovilo panoqo shou kutsakungokeu puku tsulepi tsuyikhomo pimoke; niye panoqo shou shiluksa tsala ighipenishi puamoe. AMPEU, nono hipau ithi anike; imutsu lono pikeuye kiu keno nono ithi anike.

JEREMIYA 17:19

AMPEU no ivilo pi, “Jeremiya, wuno Timiqo Khagholo itsa pesu asheshulo, tiye Juda lo kukamino aphughi vechesu ipe ilochekeu ake; tipa thiuno Jerusalem lo akikha kutau kumtsulo wulo.

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

ZAKINIU 33:11

AMPEU, panoqo lagha mutotoi thuwulu pelo; Panonguno kiu shikeno tipaulo amlo kiqi shitsulo. Pano ghumi kumtsu chine qhivelo; Tipaqo pelo khilemu idethughi kithe pekevilo.”

Piyeküsü 18:6

Lino nongu peithake qhemi li peithalo, Lino shivekeu qhemi ghuthu kini li lochilelo. Lino nongu pelo shopeniye kutope qhi kehu toi, Li jukhulo ghuthu kini kutolo mukamughayi yekepu lesutulo.