JEREMIYA 16:13 - BAIBEL (BSI)

¹³ Tishike ghenguno ino ayeghi hipau lono nongu haphe pesu nongu momu nopuasuqono khilemu muthano achekeu yeghilo puwuve nani. Tilano nonguno putho pucho kutau lhouqo qenani eno niye kimiye qhiyi keu nongu lau piyemo nani.”

Sumi Naga CL (Re-edited) Bible (BSI)

¹³ Tighenguno I no ayeghi hipau lono no eno o puasüqo no mthakeu yeghi lo küza puwuveni, eno tilauno putho pucho nono kütau lhouqo huthu nani, kughengu Ni ye I pulou o piye moae.’

JEREMIYA 16:13 Mawu Ofanana

KUKAMI AKINIU 25:21

Hamat ghakhulo Ribla phughilo ngo akeno pa lau sawuve. Tileno akukauno panongu heqhi pithive. Hitoi shi Judamiye panongu yeghi lono hapupokhave.

YEKIKITHI AKINIU 7:20

tileno ino nongu tsupua keu yeghi lono nongu ikhive nani eno imlla penike-a lakhi likhi ino shikimthe pesu ikhilu keu Achineki hipau ino qhive nani. Aqha kumtsulo timiqono hipau thaigha eno kutha kughapu shi hipau peitha nanike.

LESHELE 81:12

Ikehu ino panoqo pelo aghelumo kemi laghilo wuvepeke, eno panonguno kiu shinishi keno shipeke.

JEREMIYA 10:18

AMPEU no ayeghi hipau lono nongu ikhipeveni cheni; nongu milakhimu aghike kutolo paye nongu chishedaqhini cheni. AMPEU no piveake.

JEREMIYA 14:8

Israilw lajupuye olikhiake; kutsakungokeu lono nixalukeuye nonoke. Noye kushiye nighakhulo inami toi ani, kicheghuzumi lakhino kijili lakhi ngokeu toi shi ani kya?

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 15:14

Panonguno kiumu mthakeu yeghilo ino panoqo pelo aghumi qepe nani, kughengu imlo kighideye ami toike eno tiye alhokupuju piti ananike.”

JEREMIYA 15:4

Ino ayeghiqhalo akemi kumtsu pelo panoqo jupesu akumsano kutuxoxoyivepe nani tiye kughenguno kumono Hezekiya nu Manase no Juda lo akukau shiakelo Jerusalem lo shikeu ghengunoke.

JEREMIYA 16:5

“Aki khipaulo qanimlo aghini keno noye tipaulo ilokepu kumoe. Khuu ghengu nomu amlo ghime shikevilo. Niye iwu timiqo shou iquighaikeu pesu kitilamu kumghatsumo nani momu panoqo lau kikimiye eno amlo ighiqhiyikeu piyemo nani.

JEREMIYA 17:4

Nonguye ino ayeghi nongu tsu keu qhivetsu kepu shi nani eno ino nongu pelo nonguno kiumu mthano akeu yeghilo noghumiqo qepe nani, kughengu iloghuye ami toike eno tiye alhokupuju iqu ananike.”

JEREMIYA 22:26

Ino anguka lono no eno oza okujo pesu hakughutsuve nani. Okujo khuumu punumokeu yeghilo puwuve nani eno okujo kinikujo tilauno thive nani.

JEREMIYA 22:28

Ino pike, “Akukau Jehoiachin ye ayeghili kubove no peveke toi khunomu lumove nani kesha? Tighenguno paye pa tianuli sasu panonguno kitilamu mtha keu yeghilo hale sawuvepe kesha?”

JEREMIYA 5:19

Kushiye niye hikithipu shivetsu kelapi panonguno iniju aye, Jeremiya, noye panoqo vilo pilo, panonguno ilauno tsughusu wuve puzu panolikhi pano yeghilono inaghami lhouqo qeuveke, ike tihutoi panonguye inaghami qeuvepe nanike.”

JEREMIYA 6:15

Panonguno aphi kumqhupu hikithipu shikeu ghenguno panonguye kujo cheni kesha? Moe, panonguye kiumu kujo chemoe panonguye kujoke yeh ghi mthake. Ikehu kutamino ikiqiveke toi panongu ghi ikiqive nani. Ino panongu ghimeqhi aye tino panoqo shekha shive nani. Ni, AMPEU no piveake.”

ZAKINIU 28:36

“AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 29:28

AMPEU ye shishe aloghu ideveno pa loghu kije lono pano yeghi lono panoqo akuhu lono nhuve eno inaghami yeghilo hapuwuveno ishi tsalalo panonguye tilau ani.’