JEREMIYA 14:19 - BAIBEL (BSI)

¹⁹ AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

Sumi Naga CL (Re-edited) Bible (BSI)

¹⁹ No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

JEREMIYA 14:19 Mawu Ofanana

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

JOB 30:26

Ino akivi laju akelauye alhoksa ighie eno akuvu khe akelauye akuzu ighie.

LESHELE 78:59

Alhou no tipau ithulukelo axuideve, ikehu pano pawu timiqo qhoi peveke.

LESHELE 89:38

Ikemu noye nono kisheluvekeu aku kau lau axuideke; nono pa pheve eno pa peveke.

AHOLE 29:1

Oshikumzu tsukeu kumtsulo nono alaushi omlo hekighike auve aye ghulo lakhilo noye mukhumuno shive nani eno khilemu idethughi mlave nani.

JEREMIYA 12:7

AMPEU no pi, “Niye Israil phevae; Niye ino kishelukeu shiayeh qhivae. Ino kimiye chekemi timiqo pesu pano ghumi ulo phesuve tsuake.

JEREMIYA 12:8

Ino kishelu kemiqono aghasulo abongushu toi ihebideke, panonguno ijupesu ighake, ikehu ino panoqo jumithike.

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 15:18

Kushiye niye ishi ime akepushi kya? Kushiye ighuzakuye vimlakeu kya? Kushiye vimla nikeu shiauve kya? Noye mutsu tsalalo aghoki lakhi qhaiveke toi ilo shipusu tsu nike kumsupu ani kesha?”

JEREMIYA 30:12

AMPEU no pawu timiqo vilo piani, “Nongu ghuzakuye shipivikulupu kumoe, nonguno ghuza ghugha shilukeuye vilumo nani.

JEREMIYA 30:13

Nongu tucho hijuni kemi milakhimu kuhae, nongu piyiye vikulupu kuha ke, nongu ghengu shipivi kepu lakujupu kuhae.

JEREMIYA 51:5

Ni, Aqokitikhi MPEU Alhou ye Israil ngo Juda pheve mphike, panonguno ni, Israil wu Akimtheu shou axine shipuaghi namu niye panongu qhimphike.

JEREMIYA 6:30

Panonguye amekuha keu bazu ipi kunani kughengu ni, AMPEU no panoqo peveake.”

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

JEREMIYA 8:15

Ninguno alokughuno eno shipivikeu do ghuloki laju ake, ikemu tiye avehu kuhae; tipau zuqhulo shipughuqhi keu ighike.

JEREMIYA 8:22

Gilead lo kusughu kuha kesha? Tilehi shikipivimi kuha kesha? Tishiaye, kushiye iwu timiqoye shipivivemo kya?

AKUMLO 2:13

O Jerusalem, kupuqhiyi chekeu Jerusalem Niye okugha pesu kiu kimihi shitsuni kya? niye kishi puzu olokughunotsu luni kya? Khumu hikithipu shi aghime shimphike. Azughi mighiwo tomlake toi okutsa kungovekeuye titoivae; lajupu kiumu kuhavae.

AKUMLO 2:22

Nono ighumi kusuno aqha kumtsu lo isuhu pesu shikumsa keu ghulhu shipe, eno omlo kighide tsalalo khunomu pokaulu momu puxulu pe move. Ino ati anuli khunoqo tuchomujo saputhu keno panonguno ghiqhivetsuke.

AKUMLO 4:17

Akukuphu ighini malaye ninguno kheju ache kemu khilamu ighimo veno ninguye khepukave. Ashiayeh hami launo akukuphu ithuluni malaye kheche kemu ithumlave.

AKUMLO 5:22

Ikeo, noye alhokupujulo ni peivea kya? Omlo kighideye kihikutha kuha kesha?

MICAH 1:12

Marot lo kughuna akemiqono anhemgha ghenguno kutakihi kheakhani, kughengu AMPEU no Jerusalem kupunulo kutsakungo keu sughike.

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.