JEREMIYA 13:25 - BAIBEL (BSI)

²⁵ Hipauno nongu saje shinikeu pano pike. Pano nongu pesu hi kithipu shinikeushi kughathavae kughengu nonguno pa kumsumove eno kichileu lhouqo shou pulubeke.

Sumi Naga CL (Re-edited) Bible (BSI)

²⁵ Hi no o saje, I no o saje mighi phevae, Ampeu no asheshu, kughengu nono I kümsümave eno akimki shou pükhübe ke.

JEREMIYA 13:25 Mawu Ofanana

JOB 20:29

Hiye kusakughami sala Alhou no angukusa kughuthape qhipuatsu ake.

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

LESHELE 9:17

Alhou phevekemi ashiayeh eno kusakughami kumtsu Akithi ghimelo wuve nani.

ISAIAH 17:4

AMPEU no pi, “Tipa tsalalo Israil jekipiye ashekha shive nani, eno tipaulo kinikulu zuqhulo aquagha shive nani.

ISAIAH 28:15

Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 34:17

Tipaqo gholo ayeghi kijepesu pututa saje tsunikeuye AMPEU no shi nani. Panonguno tiqheli lakhi lono tiqheli lakhi kutolo tishi acheuve nani eno ayeghiye alhokupuju tipaqow shive nani.

ISAIAH 65:7

Panonguno tughachine naghutolo tsungquikeu ta piti kumna cheni eno ilhoksa picheni. Tighenguno wovekeulo panonguno mlapuakeu qhemi niye panoqo ghimeqhi nani.”

JEREMIYA 10:14

Hipau ithulu kelo, timiye mamaive eno kumsukulu hauve; Ajulho shichekemiye kujokhave, panoqono alhouqo mlape qhikeuye kichileu eno akuxu kuhake.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:32

Ilimi lakhiye liwu akughupuchi kumsumaveni kesha? Momu kulaliuye kulakupu phimini kumsumaveni kesha? Ikemu iwu timiqoye atsala phikha kumlapushi ikumsumavae.

JEREMIYA 3:21

Naghuto toghiqolo asutsa lakhi chilu. Hiye Israil lo akemino qa ani eno qhuiniju anike, kughengu panonguno axine shikeu kuxu xuke eno pano Lhou AMPEU kumsumaveke.

EZEKEL 23:35

Akughushu MPEU no kiu pi ani keno tiye hike: “Nono ikumsu mlave eno ozupo ilau kughopuwove ke ghenguno osalha shupu eno okiyighe ghenguno ime nanike.”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZEFANIA 3:2

Hiye AMPEU tsa ini tsumoe momu shikithe tsukeu ikhilutsumoe. Hiye AMPEU shou pukhukeu kuhae momu pa kukuphu mu khumoe.

MATTHEW 24:51

Ampiu huno pa kughape ghaqhitha piniyive nani, eno kuhakughamiqo gholo qhive nani, tilehi pa ye igha qah ahu-tsughu nani.”

Rommi 1:25

Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!