JEREMIYA 12:15 - BAIBEL (BSI)

¹⁵ Ikemu panoqo ikhisawuve kethiu ino panoqo shou kimiye qhiyikeu anani. Ino ashiayehqo lakhikhi pututa yeghi eno pututa ghakhulo saideghi nani.

Sumi Naga CL (Re-edited) Bible (BSI)

¹⁵ Panongu nhüve kethiu I no itaghi panongu shou kimiyeqhiyi nani, eno I no itaghi pütüta mheghi yeghi lo saghi nani.

JEREMIYA 12:15 Mawu Ofanana

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

JEREMIYA 48:47

Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

JEREMIYA 49:6

“Ikemu hithiuno ino itaghi Amun pesu kinikulu shitsu nani. Ni, AMPEU no piveake.”

DANIEL 11:4

Ikemu pa kuka awole shi ake lono pa kukaqha amqo bidi shi kijeve nani. Kukamiqo pa lagha lono ighi kemi kumqono pa zuqhulo ka nani ikemu panonguye pa kuka toi akumto shimo nani.

AMUS 9:14

Niye iwu timiqo pano yeghilo sachile saghi nani. Panonguno ixapinyivekeu phughi shikitheno tilehi ngo nani; panonguno atsayibo shosuno atsayiji sho nani. Panonguno aghutu putuno tile ipeghikeu chu nani.

AKIKIHI 32:18

Israilmi kutami kumtsuno panoqo saje shi ayeghi kotha puatsu keu lulumoke kutolo ninguye ni ghakhulo idewomoke.

Apostolmi 15:16

‘Hipa tikhau ino xaideghi nani; eno David ki ilaqivekeu ino shikithetsu nani. Hi ixapinyi akeu ino shikithetsu nani eno hipau pelo itaghi puthugholupe nani.

ZAKINIU 3:20

Nokusami Israilmi kutami no Jordan kulolau AMPEU no ayeghi panoqo tsuakeulo ngoluvemoke kutolo eno AMPEU no panongu pelo iqunei xuluve pemoke kutolo kuphulo, tiye pano hilau nongu ghenguno shivetsu ake. Tipa thiuno nonguno aghakhu khipau ino nongu kophetsu akeno tipaulo ideighilu nanike.’

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.