JEREMIYA 11:7 - BAIBEL (BSI)

⁷ Kughou ino pano puasu Ijip lono saipe ghikeno igholupe nike ino tsaquino panoqo piputo puanike eno ishi tsala kutolo ino timiqo kutughu achenike.

Sumi Naga CL (Re-edited) Bible (BSI)

⁷ Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 11:7 Mawu Ofanana

KUKAMI AKINIU 17:13

AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

YEKIKITHI AKINIU 36:15

AMPEU, panoqo puasu Lhou no pawu timiqo lau kutughutsu penike tungkupmi puwu ache, kughengu pano Achineki ngo timiqo puxu puatsu niyeke.

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

JEREMIYA 11:4

Tiye ino panoqo puasu sasu puloshoqhi shi keu tsake; panoqo puasu ghenguno amiphokilo ami iqu akeu toikeu yeghi Ijip lono ino panoqo sasu ipeghi kelono puloshoqhi shipuakeu huke. Ino panoqo vilo igholu eno ino ahza tsukeu kumtsu shilo pike. Ino pikeuno panonguno aghokulu shiaye iwu timi shi nani eno ino panoqo Lhou shinikeu pike.

JEREMIYA 25:3

“Amun nu Josiya no Juda lo akukau shikeu mpe chighi akuthuu lono ishi tsala kutolo, hi ampe muku kuthu dolo AMPEU no iputsa ke eno pano ivilo kiu pikeno niye khilemu nongu vilo pimovekeu shipuamoe. Ikemu nonguno amlo tsuqhiyikeu kuhae.

JEREMIYA 25:4

AMPEU ye pa qemi tungkupmi nongu lau puwutsu acheni kemu nonguno initsumo momu amlo tsuqhiyimoe.

JEREMIYA 31:32

Tipauye ino pano puasuqo au lono sunhepe puzu Ijip lono panoqo saipevekeu ghulokilo panoqo sasu puloshoqhi aqau shikeu toimo nanike. Niye panoqo kimi toi shiakemu panonguno puloshoqhi tipau pemoveke.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 34:14

ampe tsuninilo panonguye Ibrimi khukhumu ampe tsugho panoqo qevekemiye phepuwuveni keu pike. Ikemu nopuasuqono ilau amlo tsuqhiyi keu kuha momu ino kiu pikeno tipau initsumoe.

JEREMIYA 35:14

Jonadab tikughukomiqoye pano aji shokevilo pi ahza tsukeu papelu acheni eno ishi tsala kutolo panonguye khunomu aji shochemoe. Ikemu niye nongu putsa acheni eno nonguye ipapelumoke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 7:13

Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 5:1

“Nongu achinemiqo, hipau inilo! Israil lo akemiqo amlo tsuqhiyi inilo! Nongu kukami bolomiqo, hi inilo! Nonguye achipiu xakutha pesu kughathabe kepuke tighenguno nongu shou kughathabe keu ikughi nani! Nonguno Mizpa lo alichhe lakhi ilhouveke, Tobor toghilo akhame sukhope akeu shiveke,

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

ZAKINIU 12:32

“Ino ahza nongu tsukeu thwokha shilo; tipaulo kiumu sukupha kevi momu tipau lono kiumu ikhive kevilo.”

ZAKINIU 30:20

AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

ZAKINIU 4:6

Amikucho shi tipaqo pelulo eno tishi keu lono shiayeh kutami gizulo nonguye kiutoi alokutsumi keno piyelu nani. Panonguno ayezah hipaqo kumtsu chilu kelo ishi pinani, ‘Ashiayeh kuloghi hipauye kiu lokutsu eno kiu kighithi ishi ani kela!’

ZAKINIU 5:29

Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 8:6

Tighenguno AMPEU no ahza nongu tsukeu toi shilo; Pa yezah kiqi lono xuchelo eno pa sumsalo.

2 Thes. 3:12

Ampeu Jisu Khristo jelono nino timi tipaqo vilo piputo eno hakite anike, panonguye kithikiyi xumayesa eno pututa kuxu ghenguno mla mayesae.

SAMUEL ATUGHIU 8:9

Tighenguno panongu tsa inijulo, ikemu aloqhi panongu shikumsano panongu kukauno kiutoi panongu peitha wonani keno kishekulu panongu vilo pitsulo.”