James 5:16 - BAIBEL (BSI)

¹⁶ Tighenguno nongu xine lakhino lakhi vilo piphelo eno lakhino lakhi ghenguno inikhutsulo, tishianguno nonguye viluve penike. Amikuchomi kukhu kighiniye shikulupu kuka kije ani.

Sümi Tiqhelimi Bible

¹⁶ Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

Sumi Naga CL (Re-edited) Bible (BSI)

¹⁶ Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

James 5:16 Mawu Ofanana

BOTHUBO 19:29

Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.

BOTHUBO 20:17

Abraham nipu Sara ghenguno Alhou no Abimilek kibo lo totimi akeqo kumtsu pelo mishi mla kepu shivetsuke. Ike Abraham no Alhou vilo inikhutsu kelono Alhou no Abimilek ngo pa nipu ngo pa qelimiqo shipivitsu eno panonguye atianuli punu luwuve.

BOTHUBO 20:7

Mtazu totimi hu li kimi lau tsuchilevelo kughengu timi huye tungkupmi lakhie pano oghenguno inikhutsu aye noye thimo nani. Nono li tsuchileve monapi aye no eno ogholo akemi kumtsu thini putsa kepi ithilo.”

BOTHUBO 32:28

Timi huno pi, “Hinguno hilauye oje Jakob ipi moni, ikemu Israil ipini. Kughengu nono Alhou sasu eno timi sasu kukhakulue eno okhaqhilu pemoe.”

SAMUEL AKINIU 19:19

pi, “Akukau Akijeu, nono Jerusalem qhiveno wuveniye ake tsalalo ino pimivekeu kipimi kumsumavetsulo. Imithi tsu kevilo momu ikipimi khilemu kumsutsu kevilo.

KUKAMI ATUGHIU 13:6

Akukau Jeroboam no tungkupuu vilo pi “Ighenguno oMPEU Alhou vilo inikhutsulo eno iu hipau shipivive tsulo pilo!” Tungkupuu huno AMPEU vilo inikhu, eno kuchono akukau u viluve.

YEKIKITHI AKINIU 30:20

AMPEU no Hezekiya kighini khochiletsu; timiqo xine peivetsu eno panoqo shipsatsumo ke.

JOB 42:8

Tighenguno amshitsu, tsuni bheritsu tsugho pesu iqeu Job lau wuno nongu ghenguno akipiti kumllagho shi-ghi tsulo, eno pano nongu ghenguno inikhu tsunani. Ino pano inikhukeu vechewo nonguno ighili pipusavekeu kipimi qhivetsu nani, kughengu nongu ye iqeu Job no ighili pitsu keu toi pitsumoe.”

LESHELE 34:15

AMPEU no amikuchomi jukuto acheni eno pa ghugha initsu cheni;

IPEKULU 17:11

Muse no pau peqhepe ake thaqhuloye Israilmino tolu ake ikemu pano pau peqhiluve aye Amalikmino toluwuveke.

IPEKULU 9:33

Muse no akukau qhiveno aphughi lono khalau ipe puzu pau peqhe pesu AMPEU vilo khu inike. Tsutsukusu, apughu eno tsutsughu kumtsu tave.

AHOLE 15:29

Kughou akivimino inikhuni keno AMPEU no initsu cheni ikemu alhoksami launo paye putosuwuve cheni.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

AHOLE 28:9

Nono ayezah peluchemo aye Alhou ye okighini initsunikeu ighono mithi kutu cheni.

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 33:3

“Ikulo eno ino okhochile nike; akumzapu ngo akichiqhi kepu thime nono kitilamu mthano achekeu pesu ino ovilo pinike.

JEREMIYA 42:2

eno ivilo pi, “Kishimoake ninguno ovilo inijukeu shi tsulo! Nighenguno niLhou AMPEU vilo inikhutsulo. Ningu khunoqo puxu puaghitsu keno tipaqo ghenguno inikhutsu alo. Ghuthu lakhiye ningu kutomo acheke; ikemu itehiye ningu aghulo likhiveake, nono ithulu anike.

AKIKIHI 11:2

Timiqono Muse vilo kuphu tsulepi ighamukuke; pano AMPEU vilo inikhu eno ami inheve.

MATTHEW 21:22

Eno nonguno akighini shikelo kiukiu khuepinamu, nonguno akupulu aghiaye, nonguno ti ithulu nani.”

MATTHEW 3:6

Timiqono panoqo xine pipheve eno pano panongu Jordan lono baptiz shitsue.

Mark 1:5

Judia tokujo qhalo eno Jerusalem phughilo timi kumtsuno Johan tsa ininiye wukhae. Panonguno pano xine pipheve eno Jordan lono pano panoqo baptiz shitsu.

Luke 9:6

Panonguno cheve eno aphu kumtsulo izuwuno Asutsa kiviu pesu asheshu eno wukeqha kumtsu timi shipivie.

John 9:31

Ningu kumtsuno ithi anike, Alhou ye axinemi tsa initsu chemoe, ikemu khunono pa qhoqhu cheni eno pa pulou shicheni keno Alhou no tipano tsa initsu chenie.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Apostolmi 19:18

Pululuvekeqo gholo kutomono ighi puzu panonguno kiu mlachekeno kusumono aqha zulono piphe.

Apostolmi 8:24

Simon no ishi khochile, “Nongu kumtsu ighenguno Ampeu vilo inikhulo, tishianguno nono pikeu hipaqo lakhimu ishou ighi pemonike.”

Rommi 3:10

Kuchoyesu lo ishi pipuakeu toi: Timi lakhimu amikucho shikemi kuhae,

Rommi 5:19

Kughengu timi lakhi aghokulu kumo lono timi kutomo axinemi shive peke toi, timi lakhi ghokulu lono timi kutomo Alhou lau achipikalupe nani.

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

1 Thes. 5:17

tamono inikhulo,

1 Thes. 5:23

Alokughuno tsuchekeu Lhou ampi pelo nongu pesu akimthe shilu peniu, eno nongu phimpi, angulho eno angu-gha achipishi puatsuno ningu Mpeu Jisu Khristo ighikelo nongu pelo tukutiye kuhapeniu.

1 Thes. 5:25

Athikuzumiqo, ni ghenguno inikhutsu alo.

IBRIMI 11:4

Akupulu lono Abel ye Kain nguno akiviushi Alhou no ikhikulupu lhoxu heqhipe mllakeu lakhi shilue, eno pa kupulu vechewo paye amikuchomi kepi Alhou no ikhilukepu shilue, kughengu Alhou ampino pa kumllagho ikhilukeu shepe shitsuke. Abel ye thive pinamu pa kupulu vechewo itehi ghi piacheni.

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

IBRIMI 12:13

nonguye ala kumzulo chechelo, tishianguno apukhu kinitavekeu huye ala chepimivemo nani ikemu shipiviluve nani.

IBRIMI 13:18

Nighenguno inikhutsu alo, Nimlolo kiumu susushikeu kuhakepi ninguno mutsuqheyi shilu ani, kughengu ado kumtsulo kiuno achipi keno tipau shinishiqhiyi achenike.

JOSHUA 10:12

AMPEU no Amarimi shou tokulu pe Israilmi tsuveke tsalalo Joshua no AMPEU putsa. Israilmi nhekithe lono ishi pi,” Tsukinhe noye Gibeon shou ngo auvelo, aqhi, noye Aijalon khila shou ngovelo.”

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 John 3:22

Ninguno pa vilo kiukiumu khukeu ninguno ithulu cheni, kughengu ninguno pano ahza tsukeu pelu cheni eno pa pulou shi cheni.

SAMUEL ATUGHIU 1:12

Lino tamo mithe AMPEU lau inikhu ake ghulokilo Eli no li kichi kukulo jukuto ae.

SAMUEL ATUGHIU 12:17

Hiye qhaikeu tusho ke, tishie ma? Ikemu ino inikhu aye AMPEU no tsutsu kusu tsutsughu puwutsu nani. Kughouno hi shikeu sholu nikeno nonguno AMPEU lau axine kije mlavekeu eno nonguno pa vilo akukau lakhi tsulepi khukeuye kuquve kenapi kumsukidelu nani.”

SAMUEL ATUGHIU 12:18

Ikehu Samuel no inikhu eno tipa tsalani no AMPEU no tsutsukusu eno tsutsughu puwutsu. Ikelaye kumtsuno AMPEU eno Samuel msauve,