James 5:15 - BAIBEL (BSI)

¹⁵ Akupulushi inikhukeu lono akusuu viluve nani, Ampeu no atho puthotsu nani eno pano axine shivekeu pevetsu nani.

Sümi Tiqhelimi Bible

¹⁵ Eno aküpülü lono akighini shikeu vechewo aküsǜu pelo viluve pe nani; Ampeu no panongu xüputhu nani. Tsalá panongu no axiné shipüaghi aye, panongu xiné qhivetsü nani.

Sumi Naga CL (Re-edited) Bible (BSI)

¹⁵ Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

James 5:15 Mawu Ofanana

ISAIAH 33:24

Niyeghilo auvekemi khunomu suani kepi itaghi muchhomo nani eno axineye kumtsu pevetsu nanike.

MATTHEW 17:20

Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

John 5:14

Athiuno Jisu no achinekilo timi hu ithulu eno pa vilo pi, “Julo, noye vithayivae! Hinguno hilau oshou kiuwala alhoksau ikughi penishi moaye axine shi kithe kevelo!”

John 6:39

Ipuwu puakeu ghopulouye hike: pano khunoqomi itsuveakeno niye tipaqo lakhimu puhavepemo niyeke, eno ashekha tsalalo niye tipaqo kumtsu akuxupu shi xuputhu peniyeke.

1 Kor. 1:21

Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.

2 Kor. 4:14

Ninguno ithi akeuno Alhou no Ampeu Jisu xuputhu kehu pano Jisu gholono ningu ghi xuputhu nani, eno ningu kumtsa pa zulo saghi nani.

James 1:6

Ikemu paye amlo lipimono akupulu shi inikhu pelo, kughengu khunono amlo lipini keno panonguye azughilo amulhuno azufukucho pesu tukucho sawuve keu toike.

James 5:13

Nongu gholo khualano shilusa ani kesha? Paye inikhulo. Khualaye alovi ani kesha? Paye shekiqhe le phelo.

James 5:16

Tighenguno nongu xine lakhino lakhi vilo piphelo eno lakhino lakhi ghenguno inikhutsulo, tishianguno nonguye viluve penike. Amikuchomi kukhu kighiniye shikulupu kuka kije ani.

James 5:20

hipau kumsululo: khunono axinemi lakhi alakumolo chechekeu lono sachile saghi nikeno axinemi tipau kuxu akithipu lono xalu anie, eno axine kumzapu pevetsulu kepu shilu anipeke.