James 4:9 - BAIBEL (BSI)

⁹ Amlo kughutashi ighalo eno amlo kighishi shi qalo. Nongu kunu pesu amlokighishi shi qakeu shivepelo eno nongu lokivi pesu amlo kumtshu shivepelo!

Sümi Tiqhelimi Bible

⁹ Amlokighishi shi qalo, mloqa lo eno amloghuju shilo. Nongu kunú pesü mloküqa shive pelo eno nongu lokiqi pesü agi küzü shive pelo.

Sumi Naga CL (Re-edited) Bible (BSI)

⁹ Amlo küghütashi mloqa ighamku lo. Nongu kunu pesü akumlo shivelo eno alokivi pesü alomtshüve lo.

James 4:9 Mawu Ofanana

NEHEMIA 8:9

Ayezah lo kiu shilopi puakeno timiqono chilu puzu panongu mlo shishe buvetsu eno panonguye qaithuve. Tileno ahng Nehemia, Ezra achineu eno ayezah kighithimino timi kumtsu vilo pi, “Ishi tsalaye AMPEU oLhou lau akimthe shi keu tsalake, tighenguno nonguye mloqa momu ighaqa kepu kumoe.

JOB 30:31

Iwu akighi lebo ghi muloqah auvae, eno iwu ayihu lebono qahkemi sutsa ilhouvae.

LESHELE 119:136

Inhezuye aghoki toi qoiqighi ani, kughengu timino oyezah ghokulu shimoke.

LESHELE 119:67

Nono ighime mphi loye niye akumoulo wucheke ikemu itehi niye otsa ghokulu shi ani.

LESHELE 119:71

Ighimeqhi keuye ighenguno aloke, kughengu tino ipelo ozahkutsu shikalupeke.

AHOLE 14:13

Akununo amloksa nhaluvi. Kughono alokivi cheveni keno pulhapuju tilehi amlo ghime anie.

YETSAPIU 2:2

Ino phuphelukeuno kunuvuqai keuye anikha eno alokivi jeliye kiumu akivipu kuhae.

JEREMIYA 31:13

Tileno ilimiqono ilhe puzu alokivi shi nani, kiptimi lhothemi ngo mucho-mino alovi nani. Ino panoqo lokughunotsu nani eno panoqo mlo kughujuye alokivi shikitheve nani, pano mloksaye amlo kiqi shive nani.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

AKUMLO 5:15

Nikuxu lono alokivi chekhavae; amlo kughujuno nino ilhechekeu zuqhushi auvae.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

EZEKEL 7:16

Panongu khamiye akhilalo achekeu miqhedu hakumsavekeu toi naghutoqolo pokawuve nani. Panoqo kumtsu pututa xine kumsu pesu isughughuyi anani.

MATTHEW 21:41

Ikelo panonguno ishi pa khochile, “Pano tipanoqo pesu akithi kiji-kusashi pithive nani, eno atsayilu pesu mishi-chichekemi kutami pichive nani, tipaqono axathi xoluke tusholo pa saje achipishi tsu nani.”

MATTHEW 5:4

‘Mlo qa chekemi kumghae, kughengu Alhou no panoqo lokughuno tsu nanie!

Luke 16:25

Ikemu Abraham no pi, ‘Kumsuchilejulo, anu, okuxu kupuju akivi nhemgha ithulu ache eno Lazar ye shilukusa kumtsu ithulu ache ikemu hileye paye alokughuno tsu ani eno nono ime ani.

Luke 6:21

‘Nongu itehi muzuthi akeqo kumghae; nongu ghapiqi tsulu nani: Nongu itehi qa akeqo kumghae; nonguno nulu nani.

Luke 6:25

“Nongu itehi chhikhoi akeqo ghengu ahasapue, kughengu nonguye muzuthi nani! ‘Nongu itehi nu akeqo ghenguno ahasapu, kughengu nonguye mulo eno qa nani!