James 4:11 - BAIBEL (BSI)

¹¹ Athikuzumiqo, lakhino lakhi shou alhoksa pikevilo. Khunono pa thikuzumi shou alhoksa picheni momu pa thikuzumi shou kughathabe cheni keno paye Ayezah shou alhoksa pianike eno tipau shou kughathabe anie. Nono Ayezah shou kughathabe aye noye Ayezah papelukemi kumovae ikemu tipau shou kughathabekemi shiauvae.

Sümi Tiqhelimi Bible

¹¹ Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

Sumi Naga CL (Re-edited) Bible (BSI)

¹¹ Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 4:11 Mawu Ofanana

LESHELE 140:11

Akimki lono kutami pipusa chekemi pelo a-a shilupe kevilo; alhoksa pelo heqhi buqhi chekemi qhive pe eno kutsavepelo.

Luke 6:37

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Rommi 2:13

Kughengu Alhou zuloye Ayezah inikemino achipiu shilu chenike kumoe, ikemu ayezah papelukemino Alhou lau achipiu shilu cheni.

Rommi 7:7

Tishiaye ninguye kiu pini kya? Ayezah ye axine kesha? Tiye khilemu kumoe! Ikemu Ayezah ghenguno kethono niye axine kiu keno ithini chemoe. Ayezah lo “Jumine kevilo” ipi puaghimo keaye niye juminekeu ye kiu keno ithini chemoke.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 12:20

Kughengu kughou ino ighini keno nonguye kiu toikemi shipenishi anikeno tipau nguno kutau shiaghivekeu musa ani eno nonguno niye kiutoi kemi shipenishi anikeno tipau nguno kutau shiaghivekeu musa anike. Ishiake, anhekushu, mutokeu, axukighide, aghukha shikeu, thaighakeu, timi ghili kughakeu, lahilazakeu eno kuthamlakeu aghi nani keniake.

Ephesiami 4:31

Kuqhu mo,aloghu, amlo kighide, muqhumuza eno thaighakeu jeli kumtsu pevelo.

1 Tim. 3:11

Panongu nipu ghi mutsumisheyi kemi shimasa kutami ghili kughakemi shimoni; panonguye tsukhuyikemi eno thwokhalo pichhebe kulumi shimasa.

2 Tim. 3:3

timi kimiyekilekeyeh kukuha, kusuqhimla, axikishi, ghasukumla, ayikusa, akivipu kimithi,

Titus 2:3

Tihutoi topumi shivekeqo vilo Alhou sukumsa kuxu xulopilo. Panonguye timi xishi jekukemi shimoni momu aji kushomi shimoni. Panonguye kiuno akivi keno tipau pesu kutami kutsukepu,

James 1:16

Ino kimiyechekemi athikuzumiqo, nongu pishiqhivepe kevilo.

James 1:19

Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

James 1:25

Ikemu khunono timi kuqhophelu chekeu yezah ti viwotolukeu yezahlo jusuni eno khuno tipau kumsukutoju cheni keno, paye inike likhi ini puzu kumsumavekemi kumoe ikemu paye akumla shikichekemi ke. Timi tipanoye pano mlaithakeulo Alhou no kumghatsu cheni.

James 2:8

Nonguno kuchou Akukaqha yezah khikhi kuchoyesulo, “Okusami olikhi otoi kimiyelo,” ipi puakeu shikupulu aye nonguye achipiu shilu ani.

James 5:10

Athikuzumiqo, tungkupmi khunoqono Ampeu jelono piche keno panoqo kumsululo eno panonguye kishi aghimeshi kheakulu shi chekeno tipau pesu kichekipiye shilulo.

James 5:7

Athikuzumiqo, tishiaye Ampeu ighinike kutolo kheakulu shilo. Julo,alukichimi lakhiye pa lulo akughupushi axa ipeghi nikeu khe acheni, paye tsutsughu atughiu ngo ashekhau tsutsughu ithumlake kutolo kheakulushi khe acheni.

James 5:9

Athikuzumiqo, nongu lakhino lakhi shou muchho kevilo, tishianguno Alhou no nongu shou kughathabemo nani. Julo, Kughakuthauye ahukikhalo puthugho ani.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.