James 1:19 - BAIBEL (BSI)

¹⁹ Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

Sümi Tiqhelimi Bible

¹⁹ I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

Sumi Naga CL (Re-edited) Bible (BSI)

¹⁹ I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,

James 1:19 Mawu Ofanana

NEHEMIA 8:18

Apinye huthukeu tsala lono ashekha kutolo panonguno ghulo atsu-tsu Alhou Yezah amqo lakhikhi phisue. Panonguno atsala tsuni kutolo pinyike eno akutacheni loye Ayezahlo shilo pikeu toi kishekhakeu pinye shike.

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

NEHEMIA 9:3

Ayi kihedo kuthu kutolo panongu Lhou AMPEU Yehza phipe panongu piye eno tipa shelo ayi kihedo kuthuye panonguno pano xine piphe eno pano Lhou AMPEU mllake.

JOB 32:16

Panonguno kiumu pikepu kuhave eno kiumu khochilemono inaqhoi puthugho auveke ghenguno niye ishi khe ani kesha?

AHOLE 10:19

Nono khijehi alau atsa pini keno noye axine shinikeu shi aghiluvike. Noye alotsu aghi napiaye iqunei akepuke.

AHOLE 13:3

Nono pikeulo kutokupuilo eno okuxu susholulo. Kutokupui mono zale kemiye pa likhi pa kutsave cheni.

AHOLE 14:17

Ajih kumqhomiye anikha kumla shi cheni; alokutsumiye iquighayi acheni.

AHOLE 14:29

Iquneyi chekeiye alokutsumike ikemu ayiksami ye mbomzu likhi piye anike.

AHOLE 15:18

Ajih kumqhomiye kighekile keu huthu cheni ikemu kusuqhi keu lono alakishi ani.

AHOLE 15:2

Alokutsumi tsapilo akighithi aloqhi peitha cheni ikemu mbomzumi kichi lono aghuzu tsa piphe cheni.

AHOLE 16:32

Kutuu kuluye akuka kumto nguno akiviue. Olikhi oghasulu keuno aphughi kuchopu qhasulukeu nguno akiviuke.

AHOLE 17:14

Mutomushu huthu keuye azu khetha puakeu mpale ipeghi aketoike; tinguno alau wumphi lono tipau lakhaluvelo.

AHOLE 17:27

Timi khamiye pano thebei ithi anamu ado kumtsulo zale khave chemoe. Timi khunono iqunei ani keno tipanoye jupililukeu kuchou anie.

AHOLE 18:13

Khochile mphi lono inipaghilo. Tishimo aye noye mbomzumi eno opipunhave nani.

AHOLE 18:21

Nono pivekeu tsano puxuluvi momu kutsaveluvike; ike nono piqhive keu tsano kiu sughini keno tipau ikhilumasa nani.

AHOLE 19:11

Nono kumsukulu shiaye oxukighide ghasulu nani. Kughono timi khamino olau pimiveni keno tipau palokutove keuno suqesuli kivi lakhike.

AHOLE 19:19

Ajih kumqhomi pelo shekichile makho pupelo. Nono akupuna lono pa ikhiphe aye akiniughi tishi masa kepu shi nani.

AHOLE 21:23

Nono akupuna lono putou anishi aye kiu picheni keno kutokupui luvelo.

AHOLE 25:28

Alikhi aghasumla kemiye akuptu kuboleveno aphughi leluve ketoike.

AHOLE 29:20

Khunono kumsu kutojumono papashi piqhive cheni keno anikhami lajupu pachi anie.

AKIKIHI 22:27

Itehiu loye, gadaha no kungumi ithulu puzu iqi ihozuluve. Balam ye agha ideveno pa kusu pesu gadaha ghaqhi thuve.

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Mark 12:37

David ampi ghi pa vilo Ampeu ipi aye kishi puzu Khristo ye David Nu kya?” Timi kutomo akeqo huno amlo kiqishi pa tsa ini.

Mark 2:2

Ike timi kutomo ighieno kumqoluve kehu tile a-a kuhave eno ahukikha phivilomu a-a kuhave. Jisu ye timiqo vilo Alhou tsa pi ae.

Luke 15:1

Ghuthu lakhi zahme kuqhami eno kutami aghilikusami ghi kutomo Jisu tsa ininike ighie.

Luke 19:48

Ikemu panonguye kishino shikepu kela phumlave, kughengu timi kumtsuno pa tsa ini auve eno atsa lothi lakhimu pheqhini shimoe.

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Apostolmi 10:33

Ikehu okuwu penike ino mutazu timi puwu kelo nono ighitsukeu ghenguno alovae. Itehi Alhou zulo kumtsu hi ani, eno Ampeu no ovilo kiu pilo pi ahza tsukeno chilu nike ngokhe anie.”

Apostolmi 13:48

Kughou Judakumomino hi chilukeno, panonguye alokivi shive eno Ampeu tsa sheqhe; eno khijehino lhokta kuxupulo kishesuve akeno tipaqoye puluve.

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

Apostolmi 2:42

Panonguno Apostolmino kutsukeu ngo kuposhukeulo eno kuposhukeu ghulhu ngo akighini lono ado peitha ae.

Ephesiami 4:26

Axuide kepushive namu tipau pelo axinelo osailove pekevilo, eno atsala kupuju axuide auvekevilo,

Ephesiami 4:31

Kuqhu mo,aloghu, amlo kighide, muqhumuza eno thaighakeu jeli kumtsu pevelo.

Kolosiami 3:15

Khristo launo ighikeu lokiqi pelo nongu mlolo ayehkipe shipelo; hipau lokiqipu ghenguno Alhou no aphimpi lakhilo nongu kukumqoluvae; ike Alhou shikimthi chelo.

Kolosiami 3:8

Ikemu itehiye amlo kighide, aloghu, akimthi, kuthakugha nongu kichi lono xikishi tsa pikeu kumtsu peve khavelo.

1 Thes. 2:13

Ninguno tamono Alhou shikimthi achekeuye hipau ghenguno ghike. Kughou ninguno Alhou tsa pesu nongu lau sughikeno, nonguno tipau initsuke eno tipauye timi tsa toi kumono Alhou tsa toi ikhilutsuke, mtsuqheyino tiye kuchouke. Kughengu Alhou ye nongu kupulumiqo gholo mla anike.

James 1:16

Ino kimiyechekemi athikuzumiqo, nongu pishiqhivepe kevilo.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

James 1:26

Timi khuno paye achineyehlo amlo tsuqhiyikemi kepi kumsu cheni ikemu pa mili ghasumo nikeno pa chineyehye avehupu kuhae eno pa likhi pa pishiqhi anike.

James 2:1

Ithikuzumiqo, nonguno niMpeu Jisu Khristo, Akimthe jukuvu Mpeu lono akupulu tsuqupe akeulo, nonguye khilemu ashou koghekughu jupesu timi peitha kevilo.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

James 3:10

Akichi lakhi lono kumghake tsa ngo ghushoke tsa ipeghi cheni. Ithikuzumiqo, hipau shipekepu kumoke.

James 4:11

Athikuzumiqo, lakhino lakhi shou alhoksa pikevilo. Khunono pa thikuzumi shou alhoksa picheni momu pa thikuzumi shou kughathabe cheni keno paye Ayezah shou alhoksa pianike eno tipau shou kughathabe anie. Nono Ayezah shou kughathabe aye noye Ayezah papelukemi kumovae ikemu tipau shou kughathabekemi shiauvae.

James 5:12

Ikemu ithikuzumiqo, kumtsu nguno alauno, nonguye kungugha, ayeghi momu kiukiumu pesu tushoqhi kevilo. Nonguye iye ipikepulo “Iye” ipilo eno moe ipikepulo “Moe” ipilo, tishianguno nonguye Alhou no kughathabe keulo ilomo nani.

James 5:19

Ithikuzumiqo, nongu gholo milakhino kuchou launo alakumolo wuvenikelo kutami lakhino timi tipau sachile saghilu aye

1 John 2:21

Tishiaye ino nongu lau hipau yelu akeuye nonguno kuchou mthake ghenguno kumoe ikemu nonguno ti ithi ani kehu eno nonguno ithi akeu toi kuchou lauye akimki khilemu ighi chemoe.