James 1:14 - BAIBEL (BSI)

¹⁴ Ikemu kughono alikhi ampi wu shinishikutu keu lhoksano pa musu sawuve eno pa zuluveni keno tileno pa ghuju cheni.

Sümi Tiqhelimi Bible

¹⁴ ikemu kughou alikhi ampi no küsakügha shinishikütü keu no pa müsü sasü wuve no pa züluveni keno tipau no panongu ghuju cheni.

Sumi Naga CL (Re-edited) Bible (BSI)

¹⁴ Ikemu kughou alikhi ampi ngosükümla no pa müsü no züluveni keno, tileno pa ghuju cheni.

James 1:14 Mawu Ofanana

BOTHUBO 3:6

Atotiuno asuboye jukivipushi ithulu, tipau xathiye chukivipushi ithulu eno lino kumsu keuno alokutsu tsuluni keulo minemighe kepushi aghi. Ike lino axathi tipau xope chuve, tishino tipau xathi pesu li kimi tsu eno pa ghi ti chuve.

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

SAMUEL AKINIU 11:4

David no aghinimiqo pelono li saghipenike hapuwu; ike panonguno pa lau li saghitsu eno pano li shipusave.(Tipa ghulokilo liye aqhilo shikimitheve chekeu do shiveno ngoae). Tishive kethiu liye akilo idewove.

JOB 31:27

tuqhouno imlo zuluve aghipe eno i-u no ikichi kujupesu tipaqo gihu puaghi aye;

JOB 31:9

Kutami nipu pelo imlo musu sawuve puaghi aye, momu iki sughuwu hukikha philo ijeh pesu itshu puaghi aye;

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

ISAIAH 44:20

Ayevu chuakeu kumlho shivae. Pa ghuzunikha kukumsu no pa sapimi kehu paye xaphemla kepu shivae. Ajulho shisukeu pa ulo tsuqupe akeuye khilemu alhou kumo kepi kitilamu pa lolo kumsulukeu kuhake.

HOSIYA 13:9

“Israil lo akemiqo! Ino nongu kutsaleve nani. Tithiuye khuuno nongu kuphuluni kya?

MATTHEW 15:18

Ikemu akichi lono kiu ipeghi nikeno amlo kudauno huthu ipeghi cheni, eno tikithipuno timi shikuchhubeve cheni.

MATTHEW 15:20

Hipaqono timi shikuchhubeve cheni”

MATTHEW 4:1

Tile Aghungu Kimithe no timi kughunamo keu alo Jisu sasu wuve, tiye tughami pelo ghuju peni yeke.

MATTHEW 5:28

Ikemu ino nongu vilo pinikeuye timi khuno totimi lakhi jupesu li jumineni keno pa mlo lono li sasu salhave keu kipimi shivae.

Rommi 7:11

Axineno adokivi phuluveno pa zah kutsu vechewo ipishiqhi pithive.

Rommi 7:13

Tishiaye, kiuno akivipu keno tipauye kishi puzu akithipu ilau sughi cheni kya? Tikumo thono! Hiye axineno akivi peitha puzu ilolo akithipu mla ani, tishianguno axine lhoayeh ye kuchouno axine kepi tipau ithulupe niyeke eno ahza kutsu vechewono axineye ihulo axine shivepeke.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

IBRIMI 3:13

Ikemu kuchoyesulo “Ishi tsala” ipiake kutolo nonguye tsalakipetsulo lakhino lakhi shikumtolo, tishianguno axineno nongu lakhimu pishiqhive pemonike eno amlo mukamughaive pemonike.

James 1:13

Tikithipu pejukeuno timi lakhi ghujuaye paye, “Alhou no ighuju anike” ipi pikepu kumoe. Kughengu alhoksaye Alhou ghujumlae, eno pa ampiye khumu ghuju chemoe.

James 1:15

Tileno pawu shinishi kutukeu lhoksano mishipuluve puzu axine punuqhi cheni; eno kughou axine chhikhoi thuwuveni keno akithipu sughi cheni.