ISAIAH 48:3 - BAIBEL (BSI)

³ AMPEU no Israil vilo pi, “Kiu shiveni cheni keno kha-ghino ino ashe-azu tsa pike; zuleno ino tipau shivepeke.

Sumi Naga CL (Re-edited) Bible (BSI)

³ “I no khaghino pichho tsüe; I kichi lono I no sheshue; paikhavi tipaqo ye shikupuve.

ISAIAH 48:3 Mawu Ofanana

ISAIAH 29:5

Jerusalem, inaghami khunoqono oleighinikeno panonguye ayeghi mukhu toi fulesawuve nani eno panoqo ghushimi akuighupu shiakeqoye aghijini toi fupe wuve nani. Zuleno eno huqhemoke lono

ISAIAH 30:13

Nonguye kuquke. Nonguye atu pesu qhemghai putupuakeu lakhilo kunguuno aqhou kutolo ipoipeghi akeu toike; zuleno nonguye iluqive nani.

ISAIAH 37:29

Tipa xu kighide eno oqhekuza tipau sutsa itovae, ike itehiye ino ayi pesu onigipelo fupe eno ayi pesu okichi putape ishi puzu nono khipa lalono ighikeno tipau la lono osachilesawo nani.”

ISAIAH 37:7

AMPEU no Asiriyami kukatou pelo uyeu tsa lakhi chilupe nani eno tipauno pa yeghilo idewuvepe kepu shi nani, eno tilauno AMPEU no pa pithive pe kepu shi nanike.”

ISAIAH 41:22

Hila ighilo eno kiu shive nani kela asheazushi pijulo, tishianguno kughono tishini keno ino ithinike. Kughakutha-alo wovekeulo kishive keno chixechilei pitsulo, eno tipaqo kiqiye kiu keno ivilo pilo.

ISAIAH 41:27

Ni, AMPEU no atughushi Zion vilo hipa sutsa kithe pike; Ino Jerusalem lo aqemi lakhi puwuno ishi pipeke, ‘Nowu timiqo cheni! Panonguye akilo cheni!’

ISAIAH 42:9

Ino asheazu shi pi puakeqoye kuchouno shikupu ighivae. Itehiye akithe vehu ino shuphetsuni cheni; tipaqo shi ipeghi mphi lono ovilo pinike.”

ISAIAH 43:9

Kughatha junike ighilopi ashiayehqo kulo. Panoqo lhou khikhiuno ashe-azu vehu pitsulu nani kya? Tipaqo gholo khuuno itehi kiu shiani keno pi puatsu kya? Hi alhouqo vilo panoqo wu thopimi saghino panonguye achipi kepi piju pelo, eno panoqo tsaye kuchou kepi piju pelo.’

ISAIAH 45:21

Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

JOSHUA 21:45

AMPEU ye pano Israilmi lau ashoqhi shikeu lakhi khino shikupuke.