ISAIAH 4:4 - BAIBEL (BSI)

⁴ Pa kuka kumto launo AMPEU no tipa shiayeh shou kughatha eno thakimtheni eno Jerusalem no kuqukeu ngo tilehi ajih kichijivekeu qhuvetsu nani.

Sumi Naga CL (Re-edited) Bible (BSI)

⁴ Ampeu no Zion limiqo xine qhuve tsüno küghatha kepu mi pesü Jerusalem no aji dapu akeu pitive kethiuno titoi shinani.

ISAIAH 4:4 Mawu Ofanana

LESHELE 51:2

Ilhoksakugha kumtsu qhukimthe vetsulo eno ixine lono ishikimthe vetsulo!

ALE KIMCHI 3:11

Zion lo totimiqo ighilo eno Akukau Solomon julo. Paye pazano pakutsu qhopipekeu kutsuqho pepu ani, tiye pa kukula tsalanino pepipe keu, pa lokivi eno pa lokughunopu tsalanino pepipe keuke.

ISAIAH 1:15

“Kughou nonguno au peqhe pe inikhuni keno niye nongu lau jupuwumo nani. Nonguno khijejehi inikhu anamu niye initsumo nani kughengu nongu ulo aji dapusu anike.

ISAIAH 1:25

Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 1:31

Ami kumpano aghijinilo ami iquveke toi timi akumtomiqo hu pano kumla lhoksano kutsapinyive nani eno khunomu kutsakungokeu hu lakhamlave kepu shive nani.

ISAIAH 27:9

Ikemu kughono Alhou kumthamino mllachekeu khache tuquqo amukhu shiveni keno eno tsungqui keu kipiti khache kuhave eno alholiu Ashera julho kuhave kethiu likhino Israilmi xineqo pevetsu kepu shi nani.

ISAIAH 28:6

Khunoqono kughakuthami shini keno pano amikucho xakutha kukumsu tsu nani eno aphughi liwo kikha leighi kelo tipau mujochile akemi lau amlo kuloghi pesu tsu nani.

ISAIAH 9:19

Aqokitikhi shou AMPEU ye aloghuide anike ghenguno pano ghimeqhikeu huno ami kuyiqu toi anike kumtsu timiqo kutsaqhike eno pututa kuxu pukhauveke.

ISAIAH 9:5

Leighikemi ghushimiqo pukhukuqho ngo panoqo phimini ajipususuyi keu kumtsu ami pesu pitivetsu nani.

JEREMIYA 9:6

Panonguye heqhi buqhikeu lakhino lakhi papesu shi acheni, eno pishikiqhi lakhino lakhi papesu shi acheni.

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

EZEKEL 22:15

Ino nowu timiqo aghakhu kutaulo eno ashiayeh kutaulo kutholeve nani nokumla lhoksa kishekhave tsu nani.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

EZEKEL 36:29

Nongu kitiqeve chekeu jeli thwokha launo ino nongu xalu nani. Ino athi jeli pelo kupukuno shilu penike ahza tsu nani tishianguno nonguye puqumiye kithemo nani.

JOYIL 3:21

Ino panoqo ghiqhikeu mukhu lutsu nani eno kuquvekeu niye qhimonanike, kughengu ni AMPEU no Zion Toghilo acheuve nanike.”

ZEFANIA 3:1

Jerusalem ye ahasapue, tiye vimokeu, hekibide eno pawu timi qaqhi chekeu phughi!

ZEKHARIA 13:1

“Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

MATTHEW 23:37

“O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?