ISAIAH 4:2 - BAIBEL (BSI)

² Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

Sumi Naga CL (Re-edited) Bible (BSI)

² Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 4:2 Mawu Ofanana

LESHELE 67:6

Ayeghino kupukuno shi athi pithi lupe; Alhou, niLhou no ningu kumghatsuke.

LESHELE 72:16

Ayeghilo aghi asu kupukunoshi apeniu; axajelino naghutoqo kuzupe apelo; ti Libanon toi athi pithikeu shilu pelo. Aphughiqolo timi kutomo apelo, tiye aluzalo atsaneghu chhitoi aketoi.

IPEKULU 28:2

Omu Aron pelo angualei eno juvi penike achinemi phimini mlalo.

ISAIAH 11:4

Paye anhethino ithukulu likhi lono kughathamo nani, momu chikulu lo likhino xathabe mo nani; pano kumlhomiqo ghenguno achipiu lono kughatha nani; eno ichhe imechekemi chipiu phujutsu nani. Pano ahza tsukelo timi ghimeqhive nani, eno kixikilamiye pa tuthu kishe lono pithive nani.

ISAIAH 26:1

Tipa tsalalo Juda ghakhulo Timiqono ale hipau phe nani: Niphughiye mutotoike! Alhou ampino tipau putu puakeu sushoke!

ISAIAH 27:6

Ighinikeu tsalalo, Israil lo akemi, Jakob lagha qoye asubo lakhi toi akuhu qusu nani eno panonguye mini puzu apishe ipeghi nani. Panonguno axathi pithikeuno ayeghi nhakhaluve nani.

ISAIAH 30:23

Kugho kughomu nonguno apiti yisu kelo AMPEU no tsutsughu puwutsu nani eno tipaqo pelo thuwu pe nani tishianguno kinikulushi ghile hulupe nani eno nongu mishiqono muzakepu lukumkhashi alupe nani.

ISAIAH 45:8

Tsughuqhi akeshi atsutsu lono ino tokulu piqitsu cheni; ayeghino tipau lunike lhaphe nani eno ililai khaqhikeu ngo amikucho xakutha puipeghi nani. Ni, AMPEU no hipau shipe nanike.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ISAIAH 60:15

“Nongu peve eno mithive chekehu piyighive eno kughu kughaleyi keu phughi lakhi shiacheke. Ino nongu pesu kije eno jukighilepu shitsuni, alhokupuju ghenguno alokivi-a lakhi shitsuni.

ISAIAH 60:21

Nowu timi kumtsuno kiuno achipikeno tipau shi nani, eno alhokupujulo ayeghi pighiluve nani. Ino panoqo shosuke, ino panoqo lhoke, timi kumtsu vilo ikughushu piyeniyeke.

ISAIAH 61:11

Mutsuqheyino ayeghilono apitino lho ipeghi puzu thuwu keshi AMPEU Alhou no pawu timiqo xalu nani, eno ashiayeh kumtsuno pa sheqhe nani.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 33:15

Tipa ghulokilo David laghami amikucho lakhi akukau shipenike ino kishelu nani. Akukau tipauno aghakhu kumtsulo kiuno achipi eno kuchou keno tipau shi nani.

JEREMIYA 44:14

Juda lo puzupe puaghikemi eno Ijip lo xuauveniye ighivekemiqo gholo milakhimu pomla nani momu puxupemo nani. Panoqo gholo milakhimu Juda lo idewomo nani, panonguye tilehi itaghi xunishi kutu anamu kupokichemi kinia kuthua likhi thono milakhimu idewomo nanike.”

JEREMIYA 44:28

Ikemu nongu gholo kuthua bidiaye akithi lono polupe nani eno Ijip lono Juda lo idewo nani. Tithiuno puxupe puaghi keqono khuu tsano kuchou shive keno ithi nani, nongu tsano keo itsano kuchou keno ithi nani.

EZEKEL 34:29

Ino aghuma luza panoqo tsu nani eno aghakhulo akhuava kishekhavetsu nani. Ashiayeh kutamiye hinguno hilauye panoqo gihu nani.

EZEKEL 36:8

Ikemu Israil naghutoqolo asuboqoye itaghi anipa mini nani eno nongu iwu timi Israilmi ghenguno axathi pithitsu nani. Nonguye itheno noghakhulo ighini cheni.

EZEKEL 7:16

Panongu khamiye akhilalo achekeu miqhedu hakumsavekeu toi naghutoqolo pokawuve nani. Panoqo kumtsu pututa xine kumsu pesu isughughuyi anani.

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

JOYIL 3:18

‘Tipa ghulokiloye naghutoqoye atsayiluno nhachhive nani, Atoghi kumtsulo amshi cheghi nani; Juda lo aghokiti akeu kumtsulo azuno lukumkha shi auve nani. AMPEU Achine ki kudauno aghoki lakhi qoipeghi nani, eno tipauno Akasiabo Khila azu putsuwo nani.

Obadiah 1:17

“Ikemu Zion Toghilo khamiye pokawulu nani eno tiye akimthe-a lakhi shi nani. Jakob wu timiqono pano mheghi ayeghi hu pano wu shiluve nani.

ZEKHARIA 3:8

Tishiaye, hi inilo, no Achinetou Joshua eno nongu pa gholo achinemi shiakemiqo, nongu ighinikeu tsala kivipulo michipuqo, hi inilo: Ino iqeu, Aloka ipi kuchekeu hu pephepiye nani!

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

ZEKHARIA 9:17

Ayeghiye kiutoi jukighilepu eno akivipu shive nani kela! Tipaulo ipeghi keu xatsuni eno atsayijino lhothemiye choshiyi thuwulu nani.

MALAKI 3:17

“Panonguye iwu timiqo shi nani,” ipi Aqokitikhi MPEU no pike. “Ino shiniye kuto akeu shike tsalalo panonguye iwu shive nani. Niye panoqo shou imlo ighiqhiyi nani, tiye anu lakhino papuh qechekeulo apuhno pa kimiyeqhiyi keu toi nani.

MATTHEW 24:22

Tipa tsalaqo Alhou no kihi kughukhovetsumo keaye timi khumu puxumoni cheke. Ikemu kisheluvekemiqo ghenguno Alhou no tipaqo tsala kihi kughukhove tsuni cheni.

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

2 Peter 1:16

Kughou ninguno nongu vilo niMpeu Jisu Khristo no ajekipi jukuvu lono ighinikeu ghili pesu pikeno ninguye timino muqumughashino iqiphekeu kughakichetsa pesu pithike kumoe, ikemu ninguye pa kimthe jukuvu ithulu puakeqoke.