ISAIAH 26:3 - BAIBEL (BSI)

³ Khunoqono oshou kumsupuku acheni eno opukhupe acheni keno, no, AMPEU no alokiqi kuchou tsuke.

Sumi Naga CL (Re-edited) Bible (BSI)

³ O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 26:3 Mawu Ofanana

YEKIKITHI ATUGHIU 5:20

Panonguye Alhou lau pukhube eno panongu kuphu tsulopi inikhu eno Alhou no panongu kighini chilutsu puzu panonguno Hagritmi eno pano kuphu akeqo shou tokulu shilupe.

YEKIKITHI AKINIU 13:18

Ike Juda lo akemino Israil lo akemiqo shou tokulu shiluve kughengu panonguno AMPEU panoqo puasu Lhou shou pukhubeke.

YEKIKITHI AKINIU 16:8

Sudanmi ngo Libiyami khurkulu ngo khurshimi kutomo akeu ghushimi kuha kesha? Ikemu nono AMPEU pukhu ke ghenguno panoqo shou pano opelo tokulu shilupeke.

LESHELE 119:165

Oyezah kimiyekemiye sushokulu kuchou ani, kiunomu panoqo pelo iluqive pemlake.

LESHELE 125:1

Khunono AMPEU pukhu cheni keno panoye Zion Toghi toike, tiye khilemu sukughu thamlae, khilemu ithamlake.

LESHELE 9:10

Eno khunono oje ithiani keno tipa qoye oshou pukhube cheni, kughengu khunono ophuju cheni keno noye tipaqo pheve chemo.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

ISAIAH 26:12

AMPEU, nono kinikulu ningu tsu nani; ninguno shiqhilukeu kumtsu nono shiakeuke.

ISAIAH 27:5

Ikemu iwu timiqo ghumino ipelo sushope nishi aye panoqoye isasu kulashilu pelo.”

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 32:17

Milakhi khino kiuno achipiu keno tipau shinanike ghenguno kulakishi eno sushokulu pulhapujulo anani.

ISAIAH 32:18

Alhou wu timiqoye amlokusa kuhano ililai nani eno panoqo kiboye iquneikeu anani eno hexakeu kuha nani.

ISAIAH 42:19

Iqeu nguno anhethi kighicheu khuu ani kya? Ighinikishiu nguno akini kughupou khuu ani kya?

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

ISAIAH 49:8

AMPEU no pawu timiqo vilo pike, “Kughono nongu xalukepu ghuloki ighini keno, ino nongu kupuqhiyi keu piye nani eno nonguno kuphulepi ighakeu khochile tsu nani. Ino nongu kheni eno nongu sushoni eno nongu vechewo timi kumtsu sasu puloshoqhi lakhi shi nani. Itehi noyeghi peveno adoushi akeulo itaghi nongu pelo ngolupe nani.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

ISAIAH 66:12

AMPEU no pi, “Ino haumokepu kinikulu nongu lau sughitsuni; aghoki qotamoke toi ashiayehqo kinikulu nongu lau qoighipe nani. Anga lakhi azano tuchomujo, liuno khape eno kimiyeqhiyikeu tsuke toi nongu peitha nani.

JEREMIYA 39:18

Ino okughape akivishi qhi nani eno opithimo nanike. Noye aghukishi lono okuxu pukhaluve nani kughengu nono ipukhubeke, Ni, AMPEU no piveake.”

DANIEL 3:17

Nino puluchekeu Lhou ye pano pulo aye ami lono eno okuka zulono nixaphe luve nani.

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 6:23

Akukauye alovi sheveno abongushu kilono Danel sunhephe luvelopi ahza tsuve. Tileno panonguno Danel sunhephe pe jukelauye kiu lomu ghuza puaghimove, kughengu pano Alhou shou pulube acheke.

MICAH 5:5

Pano alokughuno saghi nani. Kughou Asiriyamino niyeghi leighini eno nino ihjepe akeu kubole ighinikeno, niwu sakiphemi akumtomi puwuno panoqo sasu kumjope nani.

John 14:27

Ino alokiqipu nongu gholo qhitsu ani; alokiqipu ino nongu tsuani; ayeghilomino tsuchekeu hutoi nongu tsuanike kumoe. Nongu mlo kutakihi akevilo momu msakevilo.

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

Rommi 5:1

Tighenguno ninguye akupulu lono Alhou lau achipikaluve akehu, ningu Mipeu Jisu Khristo vechewo ninguye Alhou sasu kulashiluvae.

FILIPIAMI 4:7

Alhou lokiqipu khikhi timino ithikuthulukeu nguno alau keno, tino Khristo Jisu lono nongu mlo eno nongu kukumsu xaqhetsu anani.