ISAIAH 26:1 - BAIBEL (BSI)

¹ Tipa tsalalo Juda ghakhulo Timiqono ale hipau phe nani: Niphughiye mutotoike! Alhou ampino tipau putu puakeu sushoke!

Sumi Naga CL (Re-edited) Bible (BSI)

¹ Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 26:1 Mawu Ofanana

EZRA 3:11

Panonguno hipau lephe pesu AMPEU akishe tsu hitoi pheide ae: “AMPEU ye aloe, pa kikimiye eno pa kukupu Israilmi lau lhokta kuto acheni.” Timi kumtsuno akiqheu lono igha AMPEU she, kughengu achineki boqha kumla shiluveke hu.

LESHELE 31:21

AMPEU sheqhe kumghatsulo! kughengu aghumino ikhasuluveno iyiveniye ake lono iqemokeu kikimiye hu akumzapu shi ipiyetsu.

LESHELE 48:12

Alhou wu timiqo, Zion vehosu aliwoqo kihijulo;

LESHELE 48:4

Kukamiqono kuhokumqono Zion toghi leniye ighi.

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

ISAIAH 14:31

Ighamuku muloqalo, nongu Filistiyami phughiqo! Nongu kumtsu musa khokhoshivelo! Ahuu kudauno ayeghi mukhu phoboleyi ipeghi ani, tiye ghushimi muqoke eno tipanoqo gholo musa ichikemi lakhimu kuhae.

ISAIAH 2:11

Timino aqhekuza shichekeu kishekha nikeu eno timino akuchhoma shiche keu kutsapinyive nikeu tsala lakhi cheni. Tipanino AMPEU likhi xaqhepuku keu tsala shinani.

ISAIAH 2:20

Tipa tsala ighikelo panonguno shunayi ngo tsandiyino shisukeu ajulhoqo peve nani eno tipaqoye idelaghu ngo ashuqha sala shi qhive nani.

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

ISAIAH 31:5

Aghau lakhino liti sushoni kehu lipusu yemxa kehutoi, ni Aqokitikhi MPEU no Jerusalem susho nani eno tipau shokhalu nani.”

ISAIAH 31:9

Panoqo shou akukatouno musakhokhoshi pove nani, eno kijemiqo ye shishe kichimamave kelauye panoqo michiphi ghi qhive nani.” Jerusalem lo mlla chekeu MPEU eno akumllagho ami pesu pitive chekeu MPEU no piveake.

ISAIAH 33:5

AMPEU ye kiutoi kije kya? Pano thwokha shou ayehpe nani. Pano achipiu xakutha ngo amikucho pesu Jerusalem shepichhi nani

ISAIAH 33:6

eno tipano shiayeh iqughayikeu pesu tsu nani. Pano pulhapuju pawu timi susholu cheni eno alokutsu ngo akighithi panoqo tsucheni. Panoqo wu akinikua akijeuye AMPEU sumsakeuke.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ISAIAH 5:1

Ino ale hipau phe akelo inijulo, ishou ngo pawu atsayilu shipili keu leke: Shishe aghuma akeu toghi lakhilo ishouye atsayilu lakhi ache.

ISAIAH 56:5

nono atianuli lhopesu aghikepu shi akeu nguno ado kushuwa kuto ichinekilo ngo iwu timiqo gholo oje kumsu acheuve nani. Khilemu okumsumavemo nanike.”

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

ISAIAH 62:10

Jerusalem lo akemiqo, aphughi lono khalau ipelo eno nowu timi idewoche kemi ghenguno alaghi lakhi ghelo! Alaghila shikepu lakhi kutolo; tipalalo atuqo kichevelo! Amchi shikepu lakhi suqhelo tishi anguno ashiayeh kutamino

ISAIAH 62:11

AMPEU no ayeghiqha kumtsulo asheshu puwu akeu ithiwo nani: “Jerusalem lo akemi vilo pilo, AMPEU ye oxalunike cheni, pano xapheluve kemiqo sasu wocheni.”

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

EZEKEL 40:5

Ino ithulukeuye Achineki eno tipau vehomxa atupino putupesu ae. Timi huno pawu mighikepu qhaqhi akushulau miter pungu hu ikhipesu putupuakeu atupikiye mighijuke. Tiye akiqhelau miter kuthu eno akishilau miter kuthuke.

ZEKHARIA 2:5

AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”

ZEKHARIA 2:9

“AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.” Kughono hipau shikupuni keno timi kumtsuno Aqokitikhi MPEU no ipuwu kepi ithi nani.

AKIKIHI 21:17

Tipa ghulokilo Israilmino ale hipau pheke: “Azukikheqo, nozu ipeghipelo; Eno ninguno ale lakhi pheghi tipau sasu kushoni.

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.