ISAIAH 2:8 - BAIBEL (BSI)

⁸ Panoqo yeghilo ajulho shisukeuno chhivae eno panongu uno mlakeu asu-atu mllau khavae.

Sumi Naga CL (Re-edited) Bible (BSI)

⁸ asü-atu julho no pano yeghi chhitoi ani, panongu no pano u lo kümla zülo itsaqi auvae.

ISAIAH 2:8 Mawu Ofanana

KUKAMI ATUGHIU 16:7

Asutsa tipauye AMPEU no Baasha eno pa laghaqo vilo Jehu tungkupuu vechewo Baasha no AMPEU mithi ghi axine shivekeu ghenguno pitsuke. Pano AMPEU loghu shikighide vetsukeuye Akukau Jeroboam no pa zuuno mlaveketoi akumla lhoksa shikeu likhi kumono pano Jeroboam kibolomi kumtsu heqhi pithikhavetsu.

KUKAMI AKINIU 17:10

Atoghi kumtsu eno asubo kicheqho kumtsulo athigho shosuwo eno alhouliu Ashera julho shisu pesu qhi,

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

YEKIKITHI AKINIU 27:2

Papuno shikeu toi pano AMPEU mlo kiqipu shicheke; ikemu Achineki lo tsungqui ta piti puzu axine shive keulo ye papu toi shimo ke. Tishiepimu timiqoye axine shi acheuve.

ISAIAH 17:8

Panonguno tinguno tilauye pano uno akipiti khache mlapuakeu pukhumo nani momu panoqo u-kumla, ti Ashera lhouliuki kimihi ngo axokutsungu kipti khacheqo shou pulubemo nani.

ISAIAH 26:13

AMPEU, niLhou, kutamino nishou ayehpeke, ikemu olikhino ni MPEU ke.

ISAIAH 37:19

tipaqo lhouqo pitile vetsuake, tipaqoye alhouqo kekumoe ikemu timi uno asu ngo atu pesu ajulho kughulhokeuke.

ISAIAH 40:19

Paye akumlamino ajulho shikeu toimoke, ayikumlamino tsandiyi pesu abo ghuno shunayi pesu kuzukeu toimoke.

ISAIAH 41:29

Hi alhouqoye kumtsu adouke; panonguye kiumu shimlake, ajulho kimihi hipaqoye miqemilei eno akuka kuhake.”

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

JEREMIYA 1:16

Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 11:13

Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 2:28

Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

HOSIYA 12:11

Ikeghi Gilead lo ajulho shisukeu mlla acheni eno khunoqono tipaqo mlla cheni keno thi nani. Gilgal lo amshitsu heqhi mllae, ikemu tilehi akumllagho kiptiaqoye aluza thoqhalei keulo atu kumqopuakeu shive nani.”

HOSIYA 13:2

Panonguno mllanike ayi pesu ajulho shikeu lono axine shi acheni, timi kukumsu lono tsandiyi pesu ajulho kutshakughashi shikeu eno timi uno mlakeu! Tishi puzu panonguno pi, “Lhoxu heqhipe tipaqo mllalo!” Kishi puzu timino ajulho shisukeu, amshitsu julho kimihi lono shikeu muma cheni kela!

HOSIYA 14:3

Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

HOSIYA 8:6

Israilmi ayikiyiqimino ajulho shike eno tiye khilemu alhou lakhike kumoe! Samaria shunayi mishitsu mllachekeu huye hepho kighinyive nani!

MICAH 5:12

Nonguno peitha chekeu kuduuqo ino kutsavetsu nani eno nonguye ighinikeu ghili asaqhitsukemi kuhave nani.

Apostolmi 17:16

Kughou Paul no Athen lono Sila ngo Timothi pama ngokhe akelo, aphughi tipaulo asu-atu julhono chhitoi akeu ithulu puzu shishe pa mlo putaqhive.

ZAKINIU 4:28

Tilau nonguye timi uno shikeu lhou qenani, asu atuno shikeu lhouqo, ithulu eno chilu chemokeu lhou momu chulu eno tsungulu chemokeu lhouqo qeuve nanike.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.