ISAIAH 2:2 - BAIBEL (BSI)

² Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

Sumi Naga CL (Re-edited) Bible (BSI)

² Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 2:2 Mawu Ofanana

BOTHUBO 49:1

Jakob no panuliqo kupuwuno pi, “Nongu kumtsa kumqolo, nongu ye hithi azuu kiu shive nani kela ino nongu vilo pitsunie:

JOB 19:25

Ikemu ino ithi ani, ixakuluuye xuanie, eno ashekhalo pano ayeghi shou puthugho nani.

LESHELE 102:23

Ilhothe lono AMPEU no ipelo kulhokughomi toi shivepe, Pano ikuxu kughukhovetsu.

LESHELE 2:8

Ivilo khulo, ino ashiayeh kutami kumtsu omheghipu shi tsuni eno ayeghiqha owu shipeni.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 22:28

Ayehkipeqhaye AMPEU wuke, eno pano shiyeh kumtsu shou ayehpe ani.

LESHELE 48:2

Pa kimthe toghi Zion, Alhou wu naghutoye chuqumghai eno jukivike; Akukau akijeu phughino ayeghiqha kumtsulo lokivi sughi.

LESHELE 68:17

AMPEU no Sinai lono pawu khurkulu kutomo qhethonhe kutolo sasu akimthe-alo ighi.

LESHELE 72:8

Pa kukaqhaye azughi lono azughi kuto apelo, Eufrati ghoki lono ayeghi shekichi kuto.

LESHELE 86:9

Ashiayeh nono lhopuakeqo kumtsuno ozulo ighipuzu itsaiqi omlla nani; panonguno noye kije kepi sheqhe nani.

LESHELE 87:1

AMPEU no akimthe tolo pa phughi shike;

LESHELE 87:2

Israil lo a-a kutau kumtsu nguno pano Jerusalem phughi kupuke.

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 25:6

Hi Zion toghilo Aqokitikhi MPEU no ayeghiqhalo ashiayeh kumtsu ghenguno aghulhu lakhi kuto nani, tiye achuqupu kiviu eno atsayiji akiqheu.

ISAIAH 27:13

Tipa tsalalo, Asiriya lo ngo Ijip lo Israilmi khije halepuwu puakhani keno tipaqo kuchilekeu shi ghi afuko lakhi kuyigha nani. Panonguno ighino Jerusalem lo, pa kimthe toghilo AMPEU mlla nani.

ISAIAH 30:29

Ikemu nongu, Alhou wu timiqoye nonguno akimthe ghulhu jilo shicheketoi alokivishive nani eno alephe nani. Nonguye Israil sushokuluu, AMPEU Achine kilo xuchekelo fulili ghugha kiqi lono alache chekemiqo toi alokivishi nani.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 56:5

nono atianuli lhopesu aghikepu shi akeu nguno ado kushuwa kuto ichinekilo ngo iwu timiqo gholo oje kumsu acheuve nani. Khilemu okumsumavemo nanike.”

ISAIAH 56:7

“Ino nongu sasu ikimthe toghi, Zion lo saghi nani, ikighini kilo alokivi nongu tsu nani eno nonguno akipti khachelo aghashi keu ikhilutsu nani. Ichinekiye ashiayeh kumtsulo timiqo ghenguno akighiniki lakhikepi kunani.”

ISAIAH 60:3

Ashiayeh kutamiqo nongu kuvu kudau ighi nani, nongu tsala kithe ipechekeu kudau kukamiqo ighi nani.

ISAIAH 65:11

“Ikemu nongu iqhiveno Zion ikimthe toqhi gihumoveno anguksa lhou Gad ngo Meni mlla chekemiqoye pakutakeu anani.

ISAIAH 66:20

Panonguno nokusami ashiayehqo kudauno agho itsukeu lakhi shighi sasu ideghi nani. Panonguno panoqo sasu ikimthe toghi Jerusalem lo saghi nani, khamino khurshi shouno, khamino gadaha tsu ngo Kemel shou eno khurkulu ngo khurshi no anhemgha pukeu bolono ighi nani, tiye Israilmino achine yelo akimthe bohu lono tuxatini pewo mllake toi shi nani.

ISAIAH 66:23

Aqhi kithe tiqhetini kumtsulo eno Sabat pinye kumtsulo, ashiayeh kumtsu lono timi ighino Jerusalem hileno imlla nani,” ipi AMPEU no piani.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 23:20

pano kiu shiniye kutopesu ani keno shikhave moke kutolo tiye tavemo nani. Ighinikeu tsalalo pawu timiqono hipau thebei vethalu nani.”

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

JEREMIYA 30:24

Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

JEREMIYA 48:47

Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

JEREMIYA 51:44

Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

EZEKEL 40:2

Kungunhetsu lono Alhou no Israilmi yeghilo isawuve eno naghuto chuqumughai keu lakhi shou ikughape qhi. Aphughi lakhi ithulu akeu toi igizulo akikuloghi amqoshi akeu ino ithulu.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

DANIEL 2:35

Paikhavi lono ayi, aghani, alazayi eno shunayino shikeu hu tsuka tsalalo aniqalo ayeghi mukhu toi mukhumuno shi kubove. Amlhuno tipau fupe wuveke loye tipa-alo azuumu khilemu achemo ketoi mithe mithei kiumu kuhave, ikemu atu tipauno naghuto kiqhe pahi kije kusho shiveno ayeghiqha chhitoive.

DANIEL 2:45

Atuqu lakhi kiu nomu bumono pakutoshi ijo ipeghi keu eno tipauno ajulho lakhi ayi alazayi, aghani, tsandiyi eno shunano shikeu kusuphove tsukeu ghi nono ithuluvae. Akiqheu Alhou no ighinikeu dolo kiu shive nani keno tipau olau piye sutsuke. Nono kiu pumo lukeno atho ovilo pivea eno tipau kiqi kuchou ghi ovilo pivae.”

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

ZEKHARIA 14:10

Ahuu kudau Geba lono apeu Rimon tokujo qhaye kulaqa khave nani. Ikemu Jerusalem ye tipa sukumxalo ayeghi akeqo shou chuqumughai shi anani; eno aphughiye Benjamin Khagho lono Acheku Khagho puzuu ghi tilehi khagho achekeu kuto to nani, eno aphughi tiye Hananel Liwo lono akukau tsayithi qochekeu-a kuto to nani.

ZEKHARIA 14:9

Tileno AMPEU no ayeghiqha kumtsu shou akukau shive nani; kumtsuno paye Alhou kepi pa mlla nani eno aje tipau tholono pa ithiwove nani.

ZEKHARIA 8:22

Timi kumzapu eno akuka kumto shiayehqono Jerusalem lo Aqokitikhi MPEU mlla nike eno pa kukumgha khuini nike ighi nani.

ZEKHARIA 8:3

Niye Jerusalem, ikimthe phughilo ideighi nani eno tile anani. Tiye pichebekulu phughi ipi ithipe nani eno Aqokitikhi MPEU toghiye akimthe toghi ipi ku nani.

MALAKI 3:12

Tileno ashiayeh kutami kumtsuno nonguye akumghau kepi pi nani kughengu noyeghiye kughunakepu-a kivi shi nani.

AKIKIHI 24:14

Balam no Balak vilo pi, “Itehi niye niwu timiqo lau idewove niake ikemu ino wumphi lono Israilmino ighinikeu lo nowu timiqo shou kiu shinani keno ino okutughuve tsunike.”

Apostolmi 2:17

‘Ashekhalau tsalalo hitoi shi nanie pi Alhou no pie: Ino timi kumtsu shou iGhungu lepukuni. Nongu nu ngo nongu ngaqono tungkuptsa pi nani; nongu pumiqono kungu nhetsu ithulu nani, eno nongu wu muchomiqono asamo pumo nani.

2 Tim. 3:1

Hi ithitoilulo! Ashekhalau tsalaloye shiluksa ghuloki ighi nani.

IBRIMI 1:2

Ikemu itehi ashekhalau tsalaloye pano Anu lakhi vechewo ningu vilo pivae. Alhou no pa vechewo atsutsu ayeghi kumtsu lhoke eno pa pelo thwokhalo amheghi kiyighiu shitsuke.

2 Peter 3:3

Atughishi nonguno hipau ithikututa shimasae, ike ashekha tsalaloye timino alikhi ashi ajino ngosukumla papewuve puzu nongu thaigha nani,

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.