ISAIAH 10:3 - BAIBEL (BSI)

³ Alhou no kughou nongu ghimeqhini keno nonguye kishive nani kya? Pano putou ghakhumi pelo nongu shou kutsakungo keu sughikelo nonguye kishive nani kya? Akukuphu phunike nonguye khilehi powu nani kya? Nongu wu kinikuluye khile kusulu nani kya?

Sumi Naga CL (Re-edited) Bible (BSI)

³ Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

ISAIAH 10:3 Mawu Ofanana

BOTHUBO 31:1

Jakob no Laban nuliqo tsa chilu keuno, “Jakob no ningu papu wu kuakini kumtsu luvetsue eno ningu papu wu kuakini pesu paye kinikulu shiluvae,” ipie.

KUKAMI AKINIU 7:15

Ike timiqoye Jordan kutolo ighilu eno alaghi kumtsu aphi nhemgha ngo aghunanu Siriyamino pocheke lono qhiveno povekeu panonguno ithulu. Panonguno ide ighino akukau vilo kishekulu pithivetsu.

JOB 31:14

Alhou no ipeghi kelo niye kishini kya? Eno pano kughathaniye ighi kelo kiu khochileni kya?

AHOLE 11:4

Okithi tsalalo kinikuluye okivipu shimla nani ikemu amikuchono okuxu xaluve nani.

ISAIAH 13:6

Aghime launo ighalo! AMPEU tsalaye kupunupe ani, Akughushuuno kutsakungo keu sughikeu tsalanike.

ISAIAH 17:4

AMPEU no pi, “Tipa tsalalo Israil jekipiye ashekha shive nani, eno tipaulo kinikulu zuqhulo aquagha shive nani.

ISAIAH 20:6

Tipa tsalalo, Filistiyami azu phivilo achekemino ishi pinani, ‘Asiriya kukatou launo nisusholupe nike ninguno pukhu achekemi lau kiu shive akeno julo! Ninguye kishi puzu poluni kya?’ ”

ISAIAH 26:14

Itehi panoqoye thivae eno xulumoae; panoqo ghahwuye idethughimoa, Kughengu nono panoqo ghimeqhi eno kutsaqhike. Khunomu panoqo kumsulumoake.

ISAIAH 26:21

AMPEU ye ayeghilo akemiqo shou pano xine ghenguno ghimeqhinike pano ngochekeu kungugha lono cheni. Ayeghilo kusuuno timi ghiqhikeqo hu ashou pephe nani, eno khunoqo ghiqhi puani keno ayeghino kusupuamlove nani.”

ISAIAH 28:20

Aholetsa lakhilo timi lakhino zuniye kelauye azua kughukho ghenguno chhomla eno aphino mughulo kehu pa nhawotomoke, ike nonguye tipaphi shive nani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 30:16

Tishinike zuqhulo, nonguno khurshi kumthu shou ikupuzu noghumiqo launo kajo ipeveniaye kughuke. Nonguye koha pokeuno achipi shiniake! Taun khurshiye shishe muthu ani kepi nonguno kumsu ani, ikemu nongu hachekemi ye nongu nguno akumthuu shi nani!

ISAIAH 30:5

mutomokeu shiayeh khileno pukhu chekelapi Judamiye amlo sa nani; panonguno akukuphu laju akelauye panoqo phevekeu huno akukujopu shiayeh shi aghiveke.”

ISAIAH 30:7

Ijip no kuphukeu huye adouke, ikehu ino Ijip pesu ‘ghuzamlakeu Dragon’ ipi aje kupuatsu ake.”

ISAIAH 33:14

Zion lo axine shiche kemiqoye musaighu khokho shi ani. Panonguno ishi pi, “Alhou wu kughakuthaye pulhapuju ami toi iqu acheni. Ningu khuuno titoikeu mi lono puxukulupu kya?”

ISAIAH 39:3

Tileno tungkupu Isaya no akukau Hezekiya lau wupuzu iniju, “Timi hipaqoye khilauno ighikemi eno panonguye ovilo kiu pikya?” Hezekiya no khochile, “Panonguye ala kushuwalo akeu Babilon ghakhu kudauno ighike.”

ISAIAH 5:14

Kithimi yeghino muzuthi puzu panoqo khe ani eno tiye pa baxa kije sukhope ani. Tipauno Jerusalem lo kijemi ngo aqokitikhi asutsa igha akemi kutamiqo munoqhiluve nani.

ISAIAH 5:26

AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

JEREMIYA 22:7

Tipau kutsavepe nike ino timi puwuni cheni. Panongu kumtsuno pututa mughu sughi nani eno kedar suno shikeu jukighilepu tsukuchoqo ghichheqhi puzu amilo tipaqo vesuve nani.

JEREMIYA 4:30

Jerusalem! Noye kutsaveni putsa! Noye kushiye huchuikeu phimini pepu kya? Kushiye achiku pepu eno onhethi nuda pusu ani kya? Noye adou lono olikhi ojukivipu shipesu ani! Olojipumino omilive ake eno oheqhi pithivenishi anike.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 9:9

Hipaqo thime ghenguno niye panoqo ghimeqhimoni kesha? Hitoikeu shiayeh shou niye amkhu lumoni kesha? Ni, AMPEU no piqhiveake.”

HOSIYA 5:13

“Kughono Israil no liye kishi su ani keno eno kughou Juda no li likhi li ghuzakuqo ithulu keno Israil no Asiriya lo akukatou akijeu vilo akukuphu khuniye wu nani, ikemu paye panoqo shipivi tsumlave momu panoqo ghuzaku vilumo nani.

HOSIYA 9:5

Kughou AMPEU gigihupushi kishekiphe tiqhetini tsala ighini keno, panonguye tilehino kiu shi nani kya?

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

AMUS 5:19

Tipa tsalaye timi lakhino abongushu sholuno poche kelono ava sasu kusholukeu toi nani! Momu timi lakhino akilo ighi puzu pau pesu atozulo bekelauye apighino mighivekeu toi nanike!

MICAH 7:4

Panoqo gholo akiviu eno achipi kuchou ipikemino alupi toi ame kuhamitheke. Alhou no timiqo ghime nikeu tsala ighivae, tiye pano tungkupumi vechewo panoqo kutughuvekeu toike. Itehiye timiqoye avehu izuvulaivae.

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

Luke 19:44

Panonguno okutsave nani, no eno oti onuli obocho alou akemi kumtsu; eno panonguno atu lakhimu puzuu alo qhipemove nani, kughengu Alhou no oxaluni ke ighikeu ghuloki nono mthaveke!”

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.