ISAIAH 10:2 - BAIBEL (BSI)

² Nonguno tishi puzu kumlhomi pelo achipiu ithulu nikeu eno amikucho kughakutha ithulu kepushi akeu ithumlave cheni. Nonguno tishi puzu topuchimemi ngo mighimghaqo tinhemgha luvetsu cheni.

Sumi Naga CL (Re-edited) Bible (BSI)

² Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

ISAIAH 10:2 Mawu Ofanana

JOB 31:16

Ino kumlhomi pulou suchileluve aghi aye, momu chimemi pelo amlo kichi puha ghi xuvepe aghi aye;

LESHELE 94:6

Panonguno chimemi ngo mighimgha qo pithike, eno inami ni yeghilo akeqo ghiqhike.

IPEKULU 23:6

“Kumlhomi lakhino kughakutha alo ighikelo kuchou xakutha pa tsumove kevilo.

AHOLE 22:22

Nono tolu aniepi kumlhomi wu lutsu kevilo; kughakutha-alo shilusa akeqo munudave kevilo.

AHOLE 30:14

Timi khamiye kumlhomi ngo aqu aghami shou ayikusashi akumou shino pano kuxu xulu cheni.

ISAIAH 1:17

achipiu shini keu shikalulo. Achipi lono xathakeu phulo, nedaqoda vekemiqo xaqhelo, mighimghaqo saphulo eno chimemi susholo.”

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 29:21

Khunoqono kutami thaigha, khunoqono heqhi buqhi kemi ghimeqhini keu lakha cheni eno khunoqono amikuchomi pelo achipiu xakutha ithulupemo niaye akimki tsa picheni keno Alhou no kutsapinyive nani.

ISAIAH 3:14

AMPEU ye pawu timi sakiphemi ngo mijekutsumi kughakuthapulo saghini cheni. Pano hipau vehu pesu panoqo nguku ani: “Nonguno atsayilu pukaqhike eno kumlhomi launo luvekeu pesu nongu kilo chhitoi puani.

ISAIAH 3:15

Iwu timiqo chunuqhikeu hiye kiu eno kumlhomi shipughuqhi keu hiye kiu kya? Ni, Aqokitikhi shou AMPEU Alhou no pi anike.”

ISAIAH 32:6

Kughuzumi lakhiye aghuzutsa pi cheni eno alhoksa shinikeu kumsupu acheni. Pano mla itha eno piche keuye AMPEU piputha keuke eno paye muzuthi kemi khilemu pulhu chemo momu tughuthi kemi kiumu piye chemoe.

ISAIAH 5:23

Ikemu kulugho luveno nonguno pimivekemi phepuwuve cheni eno pimipuamo kemiye achipiu xakutha ithumlave cheni.

ISAIAH 5:7

Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

ISAIAH 59:15

Amikuchoye shishe kitila shivekehu timi khuno alhoksa shimoveni keno paye kutami no tsaqhikepu shive aghi cheni.” AMPEU no hipau ithuluke eno kuchou xakutha kuhakeulo paye amlo shimove.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

AMUS 2:6

AMPEU no pi, “Israil lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguye amikuchomino apiagha lomlano akeqo, kumlhomi khunoqono pano pukhukuqho tuna lakhi me ghi lochilemlano akeno tipaqo kugha pesu timi qecheuve peniye panonguno jechuke.

AMUS 2:7

Panonguno kumlhomi qodaqhi eno shilukusami tuha pupoveke. Timi lakhi ngo papuh pamagha aqeliu lakhi sazuke eno tishike lono ije kimthe kitiqeveke.

AMUS 5:19

Tipa tsalaye timi lakhino abongushu sholuno poche kelono ava sasu kusholukeu toi nani! Momu timi lakhino akilo ighi puzu pau pesu atozulo bekelauye apighino mighivekeu toi nanike!

MICAH 3:1

Israil lo ayehkipemiqo, hi inijulo! Nonguye kuchou xakutha shi nikeulo kumsukuto akepuke,

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”