ISAIAH 10:1 - BAIBEL (BSI)

¹ Nonguye ahakusapuke! Nonguno amikucho kumo yezah mlape qhino iwu timiqo qaqhi chenike.

Sumi Naga CL (Re-edited) Bible (BSI)

¹ Akumou xaküthaza eno qaqhikeu yezah mla chekemi hasapue,

ISAIAH 10:1 Mawu Ofanana

Luke 11:52

“Nongu Ayezah kukutsumi ghengu ahae! Nongu no akighithi hukikha wu akhadu ikhisuwuve puzu nonguno ilo kea-kumo puzu kutamino iloniye akeu ghi lakha ke.”

MATTHEW 23:23

“Nongu Ayezah kukutsumi ngo Farisimi ghenguno ahakusapue! kuhakughaqo! Nonguno pulakhu, napa eno thuvu yetsuni kutolo chighi sajelo lakhi Alhou tsucheni, ikemu nonguno Ayezah akhoto qo: achipiu kukutsu, kikimiye eno amikucho kumla shinike kughuchove cheni. Kutauqo ghi kughuchove kepu kumo kemu nonguye hipaqo pepimhe kepuke.

John 19:6

Kughou achinetomi ngo aghukhemi qono pa ithulu keno panonguno ighamuku pi! “Kros lo pa yedavelo! Kros lo pa yedavelo!” Pilat no panoqo vilo pi, “Niye pa pithivekepu akiqi lakhimu phumla. Nongu kutoshino pa sawuno kros lo pa yedavelo!”

John 9:22

Pa puazano hipatsa pikeuye kutau kumono panonguye Judami musaveke, kughengu Judamino xatha pe puakeuno timi khuno Jisu ye Khristo kepi pipheni keno Sinagog lono timi tipau haphevenikeu shiae.

HABAKUK 2:6

Leluvekemino panoqo leluvekemi cheqhi nani eno thaighakeu panoqo vilo pi nani. Panonguno ishi pi nani, “Owu kumoamu nono luveke, ikemu noye puhaniake! Nongu piagha pua kemi pelo tsuvepe nike anguka vesu puzu ado khitohi nonguye kinimi shikithe ache nani kya?”

ISAIAH 5:8

Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

MATTHEW 23:29

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguno tungkupumi kumona shitsu cheni, eno kivimi ghenguno athigho jukivipu shitsu acheni,

MATTHEW 23:27

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguye akumona metsughoyikeu pesu nupe puakeu toike, ashouye aloqhiyi ithulu cheni; ikemu alouye kithimi saghi ngo akutsu kumnano chhitoi anie;

HABAKUK 2:12

Nonguye puhaveni putsa! Nonguno heqhi buqhikeu lono aphughi shike eno ghiqhi kilekeu pesu tipau phughi shiqhepukuke.

HABAKUK 2:9

“Nonguye puhaveni putsa! Nonguno heqhi buqhikeu lono ikhisughi keu pesu nokibolomi pelo kinikulu shipe eno nokiboqo shikupusa ngo akuyighupu sholu pemoniaye pukaputsake!

MICAH 6:16

Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

MATTHEW 11:21

“Khorazin, oghenguno ahasapu anie! Bethsaida, oghenguno ahasapu anie! Kughengu nongu gholo akumzapu kumla shikeu hu Tur ngo Sidon lo shitsuke aye, panonguye khaghino yeqhiye phi pepu eno ayevu pesu aphi nupu puzu panongu mlo Alhou lau xaideghivekeu piyeve aghini cheke!

HABAKUK 2:19

Nonguye puhaveni putsa! Nonguno asu tachu vilo, “Idathuvelo! momu atumqo vilo ithughivelo” ipi nani. Ajulho shisukeuye nongu vilo kiuala piyesulu nani kesha? Tiye shunayi ngo tsandiyino kuzupe aghiluvi ikemu tipaulo akuxu kuhake.

HABAKUK 2:15

Nonguye puhaveni putsa! Nongu xukighide lono nonguno nokusami pughuqhi eno shikukujoke; nonguno panongu pelo shomzupu akeshi kulokuloyive peke.

JEREMIYA 22:13

Khuuno kuchou kumo pesu paki shipuku acheni, eno achipikumo pesu tipau pekho cheni keno pa hasapuke; timi khuno panowu timiqo pelo adou lono mla chenipe, eno panoqo jume tsuchemo keno pa hasapuke.

ISAIAH 5:18

Nonguye ahakusapuke! Nonguye nongu xineqo launo vexuipeve mlake.

ISAIAH 3:11

Ikemu alhoksamiye ahakusapue! Panoqoye avekusapu sholu nani; panonguno timi lau kiu shiche keno tipau panoqo shou shipuku nani.

LESHELE 58:2

Moe, nonguye alhoksa shinikeu likhi kumsupu acheni eno ayeghi lo nonguno heqhi buqhikeu peitha acheni.

ISAIAH 5:11

Nonguye ahakusapuke! Nonguno shoni ye inaqhe itheno ithucheni eno kijiliu shomzukeu lono ado kushuwa puwove cheni.

KUKAMI ATUGHIU 21:13

Timi ghusho chekeu atuna pamano Nabot ye Alhou eno akukau ghusho vea pi ngukuthuve eno pa sasu aphughi khalacheu saipeno kughupe puakeutoi atuno pa veqhi pithive.

ISAIAH 3:14

AMPEU ye pawu timi sakiphemi ngo mijekutsumi kughakuthapulo saghini cheni. Pano hipau vehu pesu panoqo nguku ani: “Nonguno atsayilu pukaqhike eno kumlhomi launo luvekeu pesu nongu kilo chhitoi puani.

ISAIAH 5:23

Ikemu kulugho luveno nonguno pimivekemi phepuwuve cheni eno pimipuamo kemiye achipiu xakutha ithumlave cheni.

ISAIAH 29:21

Khunoqono kutami thaigha, khunoqono heqhi buqhi kemi ghimeqhini keu lakha cheni eno khunoqono amikuchomi pelo achipiu xakutha ithulupemo niaye akimki tsa picheni keno Alhou no kutsapinyive nani.

ISAIAH 59:4

Nonguno kughakutha alo wucheni, ikemu kuchou xakutha nokudau ighi chemoe. Nonguno atsakukugha toniaye akimki shou bepe acheni. Nonguno kutami ghuzaniye akukughu shi cheni.

ISAIAH 59:13

Ninguno oshou hebide, omilive eno opapemo kepi hebideve. Ninguno kutami qodaqhi eno olauno tsughuchile wuve. Nikukumsuye kichileu eno nitsaye akimki ke.

IPEKULU 23:3

momu kumlhomi shou kughatha akelo pa lau agi jukevilo.

IPEKULU 23:6

“Kumlhomi lakhino kughakutha alo ighikelo kuchou xakutha pa tsumove kevilo.

AMUS 2:7

Panonguno kumlhomi qodaqhi eno shilukusami tuha pupoveke. Timi lakhi ngo papuh pamagha aqeliu lakhi sazuke eno tishike lono ije kimthe kitiqeveke.