IBRIMI 8:10 - BAIBEL (BSI)

¹⁰ Ampeu no pi, Tipa tsalaqo thikhauno ino Israil kibolomi sasu puloshoqhi hipau shi nani, Ino iyezah pesu panongu kukumsulo sutsu nani, Ino tipau panongu mlolo yepukutsu nani, Ino panongu Lhou shive nani, Eno panonguye iwu timi shive nani.

Sümi Tiqhelimi Bible

¹⁰ Tipau do thiu I no Israel timiqo lau puloshoqhi hipau shini, ipi Ampeu no shuphe ke. I no panongu kükümsü lo I yezaqo sǘtsü nani eno panongu mlo lo tipaqo yèpuku tsü nani. I no panongu Lhou shi nani, eno panongu ye iw timi shi nani.

Sumi Naga CL (Re-edited) Bible (BSI)

¹⁰ Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

IBRIMI 8:10 Mawu Ofanana

IPEKULU 24:4

Muse no AMPEU zahkutsu kumtsu yepe qhive. Thanau itheno pano naghuto pukhu phivilo akiptia lakhi shipe qhino Israil shiayeh chighikini jehi pano atuqu chighi kini pewo qhi.

IPEKULU 24:7

Tishi puzu puloshoqhi kaku, khilehi AMPEU zahkutsu yepuakeno pano ikhilu eno timiqo lau asutsa vekipighi tipau phisu. Timiqono pi, “Ninguye AMPEU gholunike eno pano ahza tsukeu kumtsu shini.”

IPEKULU 34:1

AMPEU no Muse vilo pi, “Atughiulo tsukeu toi atu pha kini yethalo, eno atughiu khikhi nono kubove keno tipaulo akeu tsaqo ino tipaqo shou yepuku ni.

IPEKULU 34:27

AMPEU no Muse vilo , “Atsa hipaqo yepesu qhilo,kughengu atsa hipaqo pesu aboqha shipuzu ino Israilmi ngo osasu puloshoqhi shi anike.”

ALE KIMCHI 2:16

Ilomiye iwuke eno niye pawuke. Pano lapu xamunulilo pa tsu-aqu qo achu kumzake.

JEREMIYA 24:7

Panoqo pelo niye AMPEU kepi ithipeni shikeu ape nani. Tileno panonguye iwu timi shive nani eno ino panoqo Lhou shive nani kughengu panonguno amlo kuchopu tsupuzu ilau ideighi nani.

JEREMIYA 31:1

AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

EZEKEL 39:22

Tinguno tilauye Israilmino niye panoqo Lhou AMPEU kepi ithi nani.

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 8:8

Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

MATTHEW 22:32

‘Niye Abraham Lhou, Isak Lhou eno Jakob Lhou ke.’ Paye kuxumi lhou kethono kithimi Lhou kumoe.”

Rommi 11:27

Kughou ino panoqo xine ikhipeve tsuni keno, hipauno panoqo sasu iwu puloshoqhi shi nani.”

1 Kor. 6:16

Timi khuno kusalhami sasu ashi-aji kuqhani keno paye li sasu aphi-ashi lakhi shivea kepi nonguye mtha kesha? Kuchoyesulo mtsuqheyi ishi yevae, “Pamaye aphi-ashi lakhi shi nani.”

2 Kor. 3:3

Nonguye mutsuqheyino Khristo launo ighikeu, ninguno ikhiphe sughi keu yesu lakhike. Hiye akiyezu pesu atu luphaqo shou yepuku keu kumono Alhou Ghungu pesu timi mlolo yesupukukeu ke.

ZAKINIU 30:6

AMPEU Alhou no nongu eno nopolo kughukomi lau aghokulu mlo tsu nani tishianguno nongu mlo kuchopu pesu pa qhuivulu nani eno ayeghi tipaulo tishi xu acheu luve nani.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 11:16

Tishinike zuqhulo, panonguye ayeghi akiviu, ti kungughalo akeu kumsukutu cheke. Tighenguno panonguno Alhou ye pano Lhou kepi pikeulo Alhou ye kujomzavemoe kughengu panoqo ghenguno pano aphughi lakhi kutopuanike.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

1 Peter 1:23

Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.