IBRIMI 6:2 - BAIBEL (BSI)

² baptiz shilu keu, a-u kukumgha betsukeu, kithimi xuputhukeu eno lhokta kutolo kughatha bevekeu vehu ishi pesu itaghi aboqha qhakithe akepu kumoe.

Sumi Naga CL (Re-edited) Bible (BSI)

² baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

IBRIMI 6:2 Mawu Ofanana

YETSAPIU 12:14

Ninguno thwokha shikeu ti akivi na alhoksa namu Alhou no kughathani cheni, tuqho-tughouno mla puakeu thime shou ghi kughatha be nani.

ISAIAH 26:19

Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

DANIEL 12:2

Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

MATTHEW 3:14

Ikemu Johan no pa lakha ghi ishipi, “Nono ikughape baptiz shitsu kepu thono, khilauno nouno ilau ighi ani kya?”

Mark 16:16

Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

Mark 7:4

Panoqoye kughou alhikishi-a lono ighini keno pano shikimtheve mphi loye chuchemoe. Tinguno alau ghi apu-asu launo pekishe sughikeu panonguno pepimhe che, ajukhu, alazayili, ali eno azu-a ngo ishi pano khuayeh gholauno shikimthe che.

Mark 7:8

Jisu no highi pi, “Nonguye Alhou no ahza tsukeu qhive puzu timi launo pekishe sughikeu kukutsu mutotoi tsuqupe acheni.”

Luke 11:38

Chumphi zulo Jisu no au mutsu moveke ithulu puzu Farisiu huye akichiqhive.

Luke 12:50

Niye baptiz shikeu lakhi lukepu shi ani, eno hi hecheve moke kutolo niye kiutoi kutakihi ania!

Luke 14:14

eno noye kumghakeu ithulu nani; kughengu panonguye olochile mlae. Ikemu kivimi xuchileputhuke tsalalo Alhou no olochile nani.”

Luke 3:16

Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

John 1:33

Niye pa mthano ake, ikemu ivilo azu pesu baptiz shitsupe nike Alhou no ivilo ishipi, ‘Aghungu Kimthe no khuu shou iqighi puzu ngokeu nono ithulu nikeno tipauno Aghungu Kimthe pesu baptiz shitsu nikeu ke.’

John 5:29

tipaqono panoqo kumoki lono ipeghi nani: akivi mlapuakemiqoye akuxupulo xuputhuve nani, eno alhoksa mlapuakemiqoye kughakutha ghenguno xuputhu nani.

Apostolmi 10:47

Tile Pitor no pi, “Ningu shou ighike toi, timi hipaqo shou ghi Aghungu Kimthe ighivae. Imaye, panonguno baptiz lunikeulo khualano panoqo lakha kepu ani kesha?”

Apostolmi 13:3

Panonguno kumvu akighini shi eno a-u chhope pama shou kukumgha betsuno puwuve.

Apostolmi 16:15

Kughou lino abolomiqo sasu baptiz shiluve keno lino ningu ku-su ghi ishi pi, “Nonguno niye Ampeu pukhubelu vea ipi aghi aye ighino ikilo ngolo.” Tishieno lino ningu sasu wu.

Apostolmi 16:33

Putho tipa tuqhudo lono pano pama sawo pama philo azaku qhuvetsuno mtazu pano pa kibolomi kumtsu sasu baptiz shiluve.

Apostolmi 17:18

Epikure kukutsu papekemi eno Stoiks kukutsu papekemi khami ghi ighieno pa sasu kighe. khamino ishi pi, “Tsathipa hipauye kiu piniepi ani kya?” Kutami khamino ishi pi, “Paye kutami shiayeh lhou ghili pi aghikepu toi anike.” Panonguno ishi pikeuye kutau ghenguno kumo puzu Paul no Jisu ghili eno xuchilethughi keu ghili pikeu ghenguno ke.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

Apostolmi 23:6

Ikemu Paul no jupuwo kelo timiqo dolo khamino Sadukimi eno khamino Farisimi shiakha kehu, pano Ahoholo ishi asheshu thuve: “Athikuzumiqo, niye Farisimi lakhi, eno Farisimi nu lakhi ke; hile ishou atsa kugha akeu hipauye kutau lono kumono kithimiye xukithethu shiluve naniepi ino lakuju akeu ghengunoke.”

Apostolmi 24:15

Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani.

Apostolmi 24:21

Panongu gholo puthughokelo ino asheshu pikeuye hilikhi: ‘Ishi tsalalo nongu zulo ishou kughatha akeuye kithimiye akuxupu shi xuputhuve nanie pi pulukeu ghenguno ke.’ ”

Apostolmi 24:25

Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.”

Apostolmi 26:8

Nongu gholo khuu khumu Alhou no kithimi xuputhukeulo kushiye pulumlano acheni kya?

Apostolmi 4:2

Apostolmi pamano Jisu akithi lono xuthuvekeu eno kithimi xuthughi nikeu vehu pesu timiqo vilo asheshu aghikeulo panongu mulo ideve.

Apostolmi 6:6

Timiqono sawo apostolmi zulo qhi, eno panonguno panoqo shou a-u beno inikhu tsue.

Rommi 2:16

Ino pikulha chekeu tsakiviu kiqiloye, kughou Alhou no Jisu Khristo vechewo timi mlolo tuqhou kukumsu kumtsu shou kughathanikeu tsalalo, hitoi shi nani.

1 Kor. 10:2

Panongu kumtsu Muse papemiqo kepi akimhi ngo Azughi gholono baptiz shiluke,

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

FILIPIAMI 3:21

Pano ningu phimpi hi thivenikuau pesu pa phimpi akimthe jukuvupu kimihi toi kilivetsu nani, tiye pano thwokha pa yehkipe qholo saghilukeu kuka hu peithano shitsu nani.

Kolosiami 2:12

Kughou nongu baptiz shitsu keno nonguye Khristo gholo qhoveke, eno baptiz shitsukelo nongu ghi Khristo gholono peputhuvae, tiye Alhou no akithi lono Khristo xuputhuvekeu kukano mla akeulo nonguno akupulu akeu lonoke.

2 Tim. 2:18

Pamaye kuchou laghi pheveno ningu wu xuchilethughi keuye hechevae ipi puzu timi khami kupulu shipusavetsu anike.

IBRIMI 11:35

Akupulu vechewo kithimi xuchile puthuvetsukeu totimiqo pelo ithulupe. Khamiye akuxu akiviulo xuputhu peniaye, kuqhopheve nikeu ghi milive puzu panoqo shikighime qhipeke.

IBRIMI 9:10

Tipaqoye kuchu kusho eno qhukimthe anikeu yeh likhike. Hipaqoye Alhou no shikithekeu sughikumo dolo aphimpi ghenguno bekutha yehqoke.

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.