IBRIMI 5:9 - BAIBEL (BSI)

⁹ Pa pelo kupukuluu shiluvepe puzu paye pa gholu kemi kumtsu ghenguno alhokupujulo xakulupu pukishiluveno

Sümi Tiqhelimi Bible

⁹ eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

Sumi Naga CL (Re-edited) Bible (BSI)

⁹ Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

IBRIMI 5:9 Mawu Ofanana

LESHELE 45:17

Ilejono ojekipi pushi alhokupujulo pekishewope nani; eno timi kumtsuno oje shipili acheuve nani.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

LESHELE 51:8

Ipelo alokivi eno alokughunopu sutsa chilu pelo; nono inedaqoda eno iheqhitha pinyive namu niye itaghi alovikithelu nani.

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

ZEKHARIA 6:15

Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

Luke 13:32

Jisu no panongu khochile pi: “Wuno sher vilo pilo, ‘Ino ishi thoghiu tughakusa haphe ani, shikipivi kumla shi ani eno akuthuniye ikumla to nani.’

John 19:30

Jisu no akiqhi-ji muqaluve puzu ishipi, “Hiye shikupuvae!” Eno pa kutsu ihoiqive puzu thive.

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

Apostolmi 5:32

Hipaqolo ninguno thopimi, eno Aghungu Kimthe ghike, paye Alhou gholukemiqo shou Alhou no agho tsukeuke.”

Rommi 1:5

Pa vechewo Alhou no ningu pesu apostolmi shitsuke.

Rommi 10:16

Ikehu panongu kumtsuno Atsakiviu ikhilutsuke kumoe. Isaya no pivae, “Ampeu, nino asutsa peighikeu khuno pulutsu kya?”

Rommi 15:18

Niye kutau kiumu piakepu kuhake, ikemu imlo kumtoshi pikulupu akeuye Khristo no ipeitha puzu, atsapilo, akughuthalo, amchipu, akumzapu shikeulo eno Aghungu Kimthe kuka ishi lono Judakumomi Alhou ghokululo saphe piyelupeke.

Rommi 2:8

Ikemu khunoqono aghukhashini keno eno kuchou gholumo puzu akumou papewuni keno, Alhou no panoqo shou aloghu eno agha kighide lepuku nani.

Rommi 6:17

Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue.

2 Kor. 10:5

Alhou kighithi lakhakeu ghuthu ninguno tula cheni; akukumsu thwokha ninguno tshusawo Khristo gholupe cheni.

FILIPIAMI 2:12

Tishiaye, ino kimiyechekeqo ikualo nonguno pulhapuju aghokulushi ketoi itehiye ino nongu gholo ngomove kelomu alaushi aghokulu shilo, tino alau akhotouke. Nongu xakulupu shikupunike ghenguno musa khokhoshi mla alo;

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 11:40

kughengu Alhou no ningu ghenguno kiukela akiviu jupe pughu puakehue, ike ningu sumokeloye panongu likhino tipau kupukhave pemo niyeke.

IBRIMI 11:8

Akupulu lono Abraham ye Alhou no pa kukelo aghokulu shike, eno Alhou no pa tsunikeushi piqhipuakeu ghakhulo wuke. Paye khilau wucheni keno mthakemu pano yeghi bocho qhiveno wuveke.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 2:10

Alhou no thwokha lhophe eno heju acheni, pano Jisu pelo aghimeshi keu vechewo kupukulu shipe keu tiye achipike, tishianguno anu kutomo saghi puzu pa kimthe jekipi kusaje peniyeke. Kughengu Jisu likhino xakulupu kudau panoqo sawutughiuke.

IBRIMI 2:3

Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.

IBRIMI 9:12

Pano ghuthu khavino pulhapuju ghenguno aphiki vechesu Akimthe-A lo ilokelo, paye anetsu ngo anetiqo jih pesu ilomoe ikemu pa likhi pa jih pesu ilopuzu ningu ghenguno lhokta xakulupu phutsuke.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Jude 1:21

nonguye Alhou kikimiyelo alo; lhokta kuxu kutolo niMpeu Jisu Khristo no nongu lau kupuqhiyi penikeu huqhe alo.