IBRIMI 4:2 - BAIBEL (BSI)

² Kughengu ningughi panoqo toi Atsakiviu chiluveake. Panonguye atsape tipau chilu ikemu tiye panoqo kivipu shimlaveke, kughengu panonguno tipau chilu kelo akupulu supuzu tipau ikhilumoveke.

Sümi Tiqhelimi Bible

² Kughengu panongu lau shikeu toi ningu kümtsü lau ghí atsakiviu shuphevea ke; ikemu panongu no akükütsü sütsa chilu keu ye panongu ghenguno kumu ameküha ke, kughengu panongu ye khunoqo no aghokulu shi keno panongu küpülü gholo küsajemo ke.

Sumi Naga CL (Re-edited) Bible (BSI)

² Kughengu panoqo lau toi ningu lau ghi atsakiviu ighi, ikemu panongu no chilu keu tsape ye pano lapu shimove, ti ye panongu no aküpülü süno ti chilu kemi sasü küqhalu moke.

IBRIMI 4:2 Mawu Ofanana

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Rommi 2:25

Nonguno Ayezah papelu aye aphighu yiko ghave chekeu avehupu, ikemu nonguno Ayezah gholumo aye, khilemu aphighu yiko ghamo kepushi ake.

Rommi 3:3

Ike panongu khamino pukhubemla kepu shive aye kishini kya? Panongu pukhubemlakeu huno Alhou pukhubekulu puhaveni kesha?

1 Kor. 13:3

Ino aghikeu kumtsu pesu tsupuwu aghiluvi eno iphimpi pitivepeniye ikhiphetsu aghiluvi, ikemu kimiyekini kuha aye niye heshekulupu kiumu kuhae.

Galatiami 3:2

Ipelo hilikhi nongu vilo inijulu pelo. Ayezah lo pikeu shiluke ghenguno keo, akupulu lono atsakiviu chilukeu ghenguno nonguye Aghungu Kimthe ithulu kya?

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

Galatiami 4:13

nongu ghi kumsulu aghi nanike, iphilo kusukini sholukeu lono nongu vilo atsakiviu pikulha nikeu dokivi atughiu ithuluke.

ZAKINIU 1:32

Ikemu nongu vilo pive kethiu ghi nonguye AMPEU pukhubemo ke.

1 Thes. 1:5

Kughengu ninguye atsakiviu nongu lau sughikelo atsapilo likhino kumoe ikemu akuka, Aghungu Kimthe, eno mutsuqheyi ithikuchou shikeu lonoke. Nongu gholo akelo ninguye kishi xuchekeno nonguno ithianike, tiye nongu kivipu shitsuniyeke.

1 Thes. 2:13

Ninguno tamono Alhou shikimthi achekeuye hipau ghenguno ghike. Kughou ninguno Alhou tsa pesu nongu lau sughikeno, nonguno tipau initsuke eno tipauye timi tsa toi kumono Alhou tsa toi ikhilutsuke, mtsuqheyino tiye kuchouke. Kughengu Alhou ye nongu kupulumiqo gholo mla anike.

1 Tim. 4:8

Aphimpi qokiphelo ame hami acheniaye Alhou lau amlo tsukeuye thwokha lono amekuapu ani, kughengu tishikeuno hipa yeghilo kuxu ngo ighiniye akeu kuxu piqhipe puatsuae.

IBRIMI 11:6

Akupulu kuhakeloye timi khumu Alhou mlo kiqipu shi mlae. Kughengu khunono Alhou lau ighini keno paye Alhou acheni eno pa phusu ighikemiqo pano asaxu tsuchenikepi akupulu aghimasae.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

IBRIMI 4:6

Khunoqono puzuuno Atsakiviu chilukeno pulumokeu ghenguno Alhou lokughuno alo ilomlaveke. Tishiepimu kutami khamiye tipaulo ilolupe eno aloino lupeke.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.