IBRIMI 3:1 - BAIBEL (BSI)

¹ Tighenguno athikuzumi akimthemiqo, khunoqo Alhou no kuluve akeno nikupulu pepimhe chekeulo Apostol eno Achinetou Jisu hu jukutolo.

Sümi Tiqhelimi Bible

¹ Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

Sumi Naga CL (Re-edited) Bible (BSI)

¹ Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:1 Mawu Ofanana

LESHELE 110:4

AMPEU no tsaquikeu shoqhi shivae eno tipau ikhichileluvemo nani. “Noye Melkhizedek chine ghola lono alhokupujulo achineu lakhi shiniake.”

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

ISAIAH 41:20

Timino hipau jupuzu ithi nanike, ni AMPEU no hipau shipuanike. Israil Lhou akimtheuno hipau shipe puanikepi panonguno ithithaive nani.’

ISAIAH 5:12

Nonguno shichu shisho kelo akighi lebo ngo turtur lebo ngo fulili eno atsayiji peitha cheni. Ikemu AMPEU ye kiu shiani kela nonguye vethalu chemoe,

EZEKEL 12:3

“Tighenguno thinikuau timio, kupokichemi lakhino shichekeu toi akho lakhi khakumqolo eno tsuzu mphi lono chevelo. Panongu kumtsu pelo nono chevekeu eno a-a kutau wuvekeu ithulu pelo. Ishiake hu hekibidemi ghi tileno ovethalu nani keniake.

EZEKEL 18:28

Paye pano kiu shi anikeno kumsu kutoju puzu axine shimoveke, paye mutsuqheino thimo nani ikemu xualu nani.

HAGAYI 1:5

Nongu shou kiu shi ikughi ani keno nonguye ithumla kesha?

HAGAYI 2:15

AMPEU no pi, “Nongu shou kiu shive keno ithumla kesha? Nonguno Achineki shikithe puku mphilo

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 20:21

Jisu no itaghi panongu vilo pi, “Alokughuno nongu gholo apelo. Apu no ipuwuke toi nighi nongu puwu ani.”

John 20:27

Tishieno pano Thoma vilo pi, “O-u loti hile suju eno i-u julo; tishi puzu o-u chhopheno ijibolo sujulo. Omlo lipi kevilo ikemu pulululo!”

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Rommi 11:17

Pighichekeu Oliv subolo aloka hamino icheiqiveke aghalo Oliv loka suwo tipaulo kimepeqhi. Nongu Judakumomi qoye aghalo Oliv loka toi kemu itehiye Judami kuxulo kinikulu kumto kusajelu anie.

Rommi 15:27

Panonguno hi shikeu amlo kiqishi, kuchouno panonguye kumlhomiqo kuphukuzue, kughengu Judami no kukumgha ngu-agha pesu Judakumomi sasu kusajeke, ikehu Judakumomi ghi panongu kukumgha tinhemgha akeu hu pesu Judamiqo huthu kepue.

Rommi 15:8

Kughengu ino nongu vilo piakeuno Khristo ye Judami qeu lakhi shive puzu Alhou ye pukhube lukeu kepi piyeni ke eno apu-asu lau piqhipuakeu hu shikumtoniyeke.

Rommi 9:24

Ninguye pano kuluvekeqoke, tiye Judami gholo likhino kumoe ikemu Judakumomi gholono ghike.

1 Kor. 1:2

Aqha kumtsulo ningu Mipeu Jisu Khristo gholono nonguye shikimtheluve kemi eno Alhou timiqo shipenike kuluvekemike.

1 Kor. 10:17

Kughengu ashono lakhi kehutoi, ningu kutomo kemu aphimpi lakhi ke, kughengu ningu kumtsu asho lakhi kusajeke.

1 Kor. 9:23

Niye lokivipu tsa ghenguno hipaqo kumtsu shi cheni,tishianguno tipau wu kukumgha gholo nighi kusajeni kehuke.

2 Kor. 1:7

Ikehu nongu shou ninguno lajuakeuye ithamono mutotoi ani, kughengu ninguno ithi akeuno nonguno ni shilukusa kusaje kehu toi, ni lokughuno ghi nonguno kusaje nani.

2 Kor. 9:13

Nonguno hipakumla shikeu huno nongu kupulu mutsumisheyi shitsu ani kehu nonguno Khristo tsakiviu gholu keu ghenguno eno kumtsu sasu pofushi kusajekeu ghenguno timi kutomono Alhou lau akimthe jukuvupu tsu nani.

Ephesiami 3:6

Tuqhou kukughuye hike: atsakiviu vechewo Judakumomino Judami gholo amheghi kiyighimi, kumtsa aphimpilo kihikusumi eno Khristo Jisu gholono Alhou no piqhi puakeulo kusajekemi ke.

Ephesiami 4:1

Tishiaye, ni Paul, Ampeu ghenguno akughumi shi achekeuno nongu qhuiniju anike, Alhou no kiu qhemilo nongu kuluve akeno tipaulo akuzupushi xulo.

Ephesiami 4:4

Alhou no lajupu lakhilo nongu kuluve ketoi aphimpi lakhi eno Aghungu lakhi likhi anike.

FILIPIAMI 3:14

Ike niye akimiji kudau vejoi pokive wucheni tishianguno asaxu qeluniyeke, asaxu tiye Khristo Jisu vechewo Alhou no kungugha kuxulo kulukeu ke.

Kolosiami 1:12

Eno alokivishi Apu shikimthi alo, pa kuvu kukaqhalo pawu timiqo ghenguno amheghi iyighilupe nike pano nongu pelo akuzupu shilupeke.

Kolosiami 1:22

Ikemu itehiye, pa Nu no timi shiahji puakeu pithivekeu lono Alhou no nongu pesu pa shounoqo shivetsuke, tishi anguno nongu pelo akimthe, mutsumisheyi eno tukutiye kuhano pa zulo saghiniyeke.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

1 Thes. 5:27

Ampeu jelono ino nongu piputo anike, athikuzumi kumtsu lau yesu hipau phisulo.

2 Thes. 1:11

Tighenguno ninguye pulhapuju nongu ghenguno inikhu acheni, tishianguno ningu Lhou no nongu pelo pano kuluvekeu kuxulo akuzupushi xulupe niyeke eno pano pa kuka kumto pesu nongu kivipu eno akupulu lono akumla shikeu kumtsu shikupulu peni.

2 Thes. 2:14

Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.

1 Tim. 6:12

Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

1 Tim. 6:2

Aqu-axemi khunoqono pano mipemiqoye kupulumi keno Khristo lono athikuzumi shive ake ipi puzu tipaqo phimo gihumove kepu kumoe. Tishinike zuqhu akiviushi panoqo qemasae, kughengu khunoqono panoqo kumla launo avehupu shilu ani keno tipaqoye panonguno kimiyechekemi kupulumike. Nono kutsu shika keulo hipaqo pesu akhotoshi pimasae,

2 Tim. 1:9

Ninguno kiuala shilupuaghike ghenguno kumoe ikemu pa pulou kimiji eno pa kukupu ghenguno ningu pelo pawu timi shipeniye pano ningu xalu eno kuluke. Hiye khaghino Khristo Jisu gholono ningu tsuke,

2 Tim. 2:7

Ino kiu pianikeno kumsukuto julo kughengu Ampeu no opelo thwokha ithitoilupe nanike.

IBRIMI 10:19

Tighenguno athikuzumiqo, Ampeu Jisu no thivekeu jih lono Akimthe- A lo ilonikeu ningu mlo mutotoi anike.

IBRIMI 10:21

eno Alhou ki shou ninguye achinemi akijeu lakhi anikehu

IBRIMI 10:23

Ninguye khilemu ithamo puzu ninguno kugha-kuptsa chekeu lajupu mutotoi tsuqupeni nolo, kughengu Alhou ye pano piqhikeu penani kepi ninguno pa pukhulu nani.

IBRIMI 13:22

Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

IBRIMI 2:11

Pano timiqo xine shikimthetsu cheni, ike pa eno pano shikimthevekemi kumtsu Apu lakhike. Tipau ghenguno Jisu ye tipanoqo pesu pa thikuzumi kepi pinikeu kujochemoe.

IBRIMI 2:17

Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

IBRIMI 6:20

Jisu no nizuuno nizuqhushi tilehi ilovae. Pano Melkhizedek no shikeu ghola lono alhokupuju ghenguno achinetou shiluvae.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

IBRIMI 7:28

Muse yezah no miqemileyikemi pelo achinetomi shipenikeu susu cheni; ikemu Alhou shoqhitsa, ti ayezah thiuno ighikeu huno kupukulu Anu hu alhokupuju ghenguno susulue.

IBRIMI 9:11

Ikemu Khristo ye thime kivi achekeqo ghenguno achinetou shi ighivae. Pano achineu shiakeu phikiye akijeu eno kupukuluu alau timino shikeu phiki kumoe, ike tiye lhophekeu yeghilo akeu kumoe.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

1 Peter 3:5

Kughengu khaghi akimthemi totimi khunono Alhou lau panoqo lajupu bechekeno tipaqoye pano kimi qhoqhukeu pesu pano jukivipushi pepucheke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

1 John 1:3

Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!