IBRIMI 2:9 - BAIBEL (BSI)

⁹ Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

Sümi Tiqhelimi Bible

⁹ Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

Sumi Naga CL (Re-edited) Bible (BSI)

⁹ Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

IBRIMI 2:9 Mawu Ofanana

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

ISAIAH 11:1

Jese suzungu lono apishe lakhi ipeghi nani eno pakuhu lono aloka lakhi ipeghi nani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 6:28

‘Maye kushiye aphimini ghenguno amlo kutakihi cheni kya? Aluqalo lapu xamunuqono kishi thuwu acheni kela kumsukutojulo. Panonguye akumla shichemo momu panoqo sala aphimini gho chemoe,

Mark 9:1

Jisu no panoqo vilo pi: “Kucho-kuchono ino nongu vilo pini, hilehi puthugho akemi gholo khamiye Alhou yehkipe akuka kumto ighikeu ithumlake kutolo thimo nani.”

Luke 9:27

Ikemu ino kuchouno nongu vilo pini, hile puthugho akemi gholo khamiye Alhou yehkipe ithulu mphilo panonguye akithi michemo nani.”

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 10:17

“Ino ikuxu pephetsu eno itaghi ikhichilelu penike tsuvekeu ghenguno Apu no ikimiye cheni.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

John 8:52

Judami qono pa vilo pi, “Itehino ninguno mtsuqheyi ithiveake noye tughami ololo aniputsae. Abraham ye thivae, eno tungkupumi qoye thivae, ikeghi nono pikeuno, ‘Timi khunono itsa peluni keno paye khilemu thimo nani’ ipike.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Apostolmi 3:13

Abraham, Isak eno Jakob Lhou, nipu-asu Lhou huno pa qeu Jisu akimthe jekipipu shive tsuae. Nonguno ayehkipemi ulo pa phesuvetsue, Pilat no pa phepuwuveniye kughathave kemu nonguno Pilat zulono pa miliveke.

Rommi 5:18

Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

Rommi 5:8

Ikemu Alhou no ningu kimiyeqhiyi keu pephepiye keuye ninguno axinemi shiaphi lono Khristo no ningu ghenguno thiveke.

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

2 Kor. 5:15

Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

IBRIMI 1:9

Noye achipishi keu kimiye eno achipi kumouye mithike, Tipau ghenguno Alhou oLhou no okisheluke; Eno okusami tsukeu nguno shishe gihukepu lokivi pesu otsuvae.”

IBRIMI 10:5

Tishike ghenguno, Khristo no ayeghiqhalo iloghi nichekelo pano Alhou vilo ishipi: “Noye lhoxu heqhipe aghashikeu eno mllakeulo aghaqi chemoe, Ikemu ighenguno nono aphimpi lakhi kutope qhitsuke.

IBRIMI 11:5

Akupulu lono Enok ye thive pemoniaye Alhou no kunguu saikuve; ikehu khunomu pa phumlave kughengu Alhou no kunguu pa saikuveke. Pa saikuve mphi lono paye Alhou mlo kiqipu shiche kepi pa shepe tsupe puani.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 2:7

Ado kitila ghenguno nono pa pesu kungumi nguno aqhokigheu shi lhoke, Akimthe jekipi ngo agigihupu pesu nono pa qhopipeke.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

IBRIMI 8:3

Achinetomi lakhi khino akumllagho ngo lhoxu heqhi pesu Alhou mlla penike susupe puani; tighenguno nichinetou ghi kiwala pesu mlla masakepu shiani.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

Piyeküsü 19:12

Pa nhethiye ami mili toi eno pa kutsulo akutsukuqho kutomo puae. Pa shou aje lakhi yepuku puae, ikemu pa likhino kumoaye khunomu tipau mthae.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.