IBRIMI 2:10 - BAIBEL (BSI)

¹⁰ Alhou no thwokha lhophe eno heju acheni, pano Jisu pelo aghimeshi keu vechewo kupukulu shipe keu tiye achipike, tishianguno anu kutomo saghi puzu pa kimthe jekipi kusaje peniyeke. Kughengu Jisu likhino xakulupu kudau panoqo sawutughiuke.

Sümi Tiqhelimi Bible

¹⁰ Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

Sumi Naga CL (Re-edited) Bible (BSI)

¹⁰ Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

IBRIMI 2:10 Mawu Ofanana

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

AHOLE 16:4

AMPEU no mlape puakeu jeli kumtsu pututa kimji ani; eno kixikilamiye kutsapinyiveni keu kimji shipe puani.

ISAIAH 43:21

Isala ghenguno panonguye ino lhophe puakeqo timike, panonguno isheqhe shipili nani!’

ISAIAH 55:4

Ino pa pelo ashiayehqo shou saki pheu eno ahza kutsuu shipeke, eno ino pa vechewo ikuka panoqo piyeke.

HOSIYA 8:10

Ikemu itehiye ino panoqo hekutsu kumqono ghimeqhi nani. Kushuwo womono Asiriya lo akukatouno panoqo qodaqhi eno panonguno sukelauno pidepukhu ihi nani.

MICAH 2:13

Alhou no panoqo ghenguno ala khaqhitsu nani eno halepupokeu lono panoqo saipe nani. Panonguno aphughi kikha vexu ipeveno ililayi wu nani. AMPEU ampino akukau shino panoqo saipe nani.

Luke 13:32

Jisu no panongu khochile pi: “Wuno sher vilo pilo, ‘Ino ishi thoghiu tughakusa haphe ani, shikipivi kumla shi ani eno akuthuniye ikumla to nani.’

Luke 2:14

“Kungughalo Alhou lau ajukuvu shilo! Eno ayeghilo pa lokiqi akemi shou aloinokeu apelo!”

Luke 24:26

Alhou no Kishephe puwukeu Mesiya ye hipaqo ime kupuno pawu ajukuvulo ilonikeu shike kumokesha?”

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

John 11:52

panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

John 19:30

Jisu no akiqhi-ji muqaluve puzu ishipi, “Hiye shikupuvae!” Eno pa kutsu ihoiqive puzu thive.

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Rommi 11:36

Kughengu thwokha kumtsu pa launo ighi, thwokha kumtsu pa vechewo ani eno thwokha kumtsu pa launo kishekha ani.Alhou lau akimthe jekipi pulhapuju apelo! Amen.

Rommi 9:23

Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

1 Kor. 2:7

Ino piakeu suqekighithiye Alhou tuqhou suqekighithike, tiye timi launo kusupe puachekeu ke, ayeghiqha lhomphi lono Alhou no ningu kimthe jukuvupu shitsunike kughuqhikeuke.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

2 Kor. 4:17

Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.

2 Kor. 5:18

Hipaqo kumtsu Alhou launo ke, pano alashilupeke eno kutami pelo pa sasu alashilu penikeu kumlapu saje ningu tsuke.

2 Kor. 6:18

eno ino nongu paPuh shive nani, nonguno inuliqo eno ingaqo shive nani, ipi Akughushu Mipeu no pike.”

Galatiami 3:26

Kughengu akupulu vechewo Jisu Khristo gholo kimepe akeu lono nongu kumtsu Alhou nuliqoke.

Ephesiami 2:7

Pano tipau shikeuye Khristo Jisu gholono pawu kupukini kutomo ningu lau kimiyekeu lono piyeniyeke.

Ephesiami 3:10

tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke.

Kolosiami 3:4

Nongu kuxu kuchouye Khristo ke, eno kughou pano ipeghini keno tileno nongu ghi pa gholo ipeghi nani eno pa kimthe jukuvupu kusaje nani!

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 6:20

Jisu no nizuuno nizuqhushi tilehi ilovae. Pano Melkhizedek no shikeu ghola lono alhokupuju ghenguno achinetou shiluvae.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

IBRIMI 7:28

Muse yezah no miqemileyikemi pelo achinetomi shipenikeu susu cheni; ikemu Alhou shoqhitsa, ti ayezah thiuno ighikeu huno kupukulu Anu hu alhokupuju ghenguno susulue.

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.