IBRIMI 12:2 - BAIBEL (BSI)

² Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

Sümi Tiqhelimi Bible

² eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

Sumi Naga CL (Re-edited) Bible (BSI)

² Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 12:2 Mawu Ofanana

LESHELE 110:1

AMPEU no impeu akukau vilo pi, “Iu ajeu hile iqalo ino aghumiqo pesu opukhu qholo qhitsumoke kuto.”

LESHELE 138:8

Nono piqhivekeu kumtsu shikupu nani; AMPEU, okikimiye ye lhokta kutolo ani. Okumla huthuvekeu hu qhive kevilo.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

ISAIAH 8:17

AMPEU ye pawu timiqo launo itshuluvae, ikemu niye pa pulu acheni eno pa lau iwu lajupu bepe achenike.

MICAH 7:7

Ikemu niye AMPEU kheju anike; niye pulopiniyi ixalu nikeu Alhou huqhe anani. ILhou no ikighini initsu nani.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

AKIKIHI 21:9

Titoi Muse no alazayi pesu apighi lakhi kughulhono aqhaqhi lakhi shou bepe qhi. Khuu khumu mighi puaghikemiye alazayino shikeu pighi shou jupukuno viluve cheke.

MATTHEW 16:21

Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

Mark 14:36

Pano ishi inikhu, “Apuo, o iPuo, noye thwokha kumtsu shikulupue, aghime jukhu hipau ilauno peuve tsulo, tishimu ipulou kumono opulou shilo!”

Mark 15:28

[Hino kuchoyesulo ishi pipuakeu shikupuve, “Pa pesu alhoksami paphishi kihi.”]

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Mark 9:12

Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?

Mark 9:24

Itimi papuh no tipamtsa igha ithughino pi, “Ino pulu ani, ikupulu tomono akeulo kuphu tsulo”

Luke 17:5

Akhopemino Ampeu vilo pi, “Ni kupulu kughuko tsulo.”

Luke 23:11

Herod eno pawu ghushimino Jisu thaqhi eno jumthiqhi ghi peitha. Panonguno aphi aghile lakhi pe pa pu-u eno Pilat lau saidewuvepe.

Luke 24:26

Alhou no Kishephe puwukeu Mesiya ye hipaqo ime kupuno pawu ajukuvulo ilonikeu shike kumokesha?”

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 12:24

Kuchouno ino nongu vilo pini, athi lothi lakhiye ayeghilo ikiqi ilono thive moke thaqhuloye tilikhi patho acheni; ikemu tipauno thive aye alothi kutomo pithilu cheni.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 8:56

Nongu papuh Abraham ye itsala ithuluni cheni kepi alokivishi cheke, eno pano tipau ithulu puzu alokivishie.”

Apostolmi 2:36

“Tighenguno Israil lo timi kumtsuno hi mtsuqhei ithi pelo, Jisu khuu nonguno yedavekeno tihu Alhou no pa pesu Ampeu eno Khristo kinikujo shivetsuae!”

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

1 Kor. 1:18

Kughengu puhave nichekemi ghenguye Khristo no kros lo thikeu ghili pikulhakeuye mbomzu tsake; ikemu ningu khunoqomi xaluve akeno tiye Alhou kuka ke.

1 Kor. 1:23

ikemu ninguno Khristo kros lo yedavekeu pesu asheshu cheni. Judami ghenguno tiye shokukho kepushive eno Judakumomi ghenguno tiye anikha tsa shive;

Ephesiami 2:16

Pano Kros lo thikeu vechewo kimthikile chekeu shipuhavetsu niye eno ningu timi aqo kini pesu timi muqo lakhi shikuqhaveno Alhou lau saghiniyeke.

Ephesiami 5:2

Khristo no ningu kimiyeno axokutsungu kumllagho eno Alhou lopushi tsungquyikeu kumllagho eno lhoxu pesu akumllagho lakhi ningu ghenguno pa kuxu pephetsuveke toi nonguye kimiyekeu lono xulo.

FILIPIAMI 1:6

Ino mutsuqhei ithi akeuno khuno akumla kivi hipau nongu lolo huthuvetsu keno Khristo Jisu Tsala kutolo pano shikupu tsu nani.

FILIPIAMI 3:20

Ikemu ninguye kungu ghakhumike, ninguye ni Xakuluu Ampeu Jisu Khristo kungugha lono ighinikeu khekulhoshi ani.

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

IBRIMI 1:13

Ikemu Alhou ye pawu kungumi lakhi vilomu ishi pipuamoe: “Ino oghumiqo pesu opukhuno nepuku kepu shitsumphi kutolo, Hile i-u ajeu iqalo.”

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 10:14

Tishiaye, pano ghuthu lakhi aghashikeu huno axine launo shikimthe pesu pa huthu peniye qhikemiqo alhokupuju ghenguno kupukulu shivetsue.

IBRIMI 10:33

Khaniloye aqo zulono nongu thaigha eno peithapusake, khaniloye timino hitoi khunoqo peithapusa keno tipaqo sasu nonguno aghime kusajeke.

IBRIMI 11:36

Khamiye ghushoqhi eno heqhi buqhie, tshuluve eno akughu shipeke.

IBRIMI 12:3

Jisu ye axine shichekemi qono shishe pa mithikelo paye kishive keno tsaquyi kumsujulo! Tishianguno nonguye aghuthi sumo nani eno amlo hauvemo nanike.

IBRIMI 13:13

Tighenguno ninguye kughunachekeua nguno khalau pa lau wuni eno pa jukunatha keu kusajeni nolo.

IBRIMI 5:9

Pa pelo kupukuluu shiluvepe puzu paye pa gholu kemi kumtsu ghenguno alhokupujulo xakulupu pukishiluveno

IBRIMI 7:19

Kughengu Ayezahno kiumu kupukulu shitsupe puamoe. Ikemu itehiye lajupu akiviu sailoghivae, tipau vechewo ninguno Alhou kupunu ighilu cheni.

IBRIMI 8:1

Ti pi ighivekeulo atsa akhoto huye hike: ninguye achinetou hukithipu anie, kungughalo Akughushuu kuka lakhu ajeu iqa chekeuke;

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

James 2:1

Ithikuzumiqo, nonguno niMpeu Jisu Khristo, Akimthe jukuvu Mpeu lono akupulu tsuqupe akeulo, nonguye khilemu ashou koghekughu jupesu timi peitha kevilo.

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

Jude 1:21

nonguye Alhou kikimiyelo alo; lhokta kuxu kutolo niMpeu Jisu Khristo no nongu lau kupuqhiyi penikeu huqhe alo.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Piyeküsü 2:8

“Smurna akukuhoulo kungumi akeu lau yelu ani: “Atsape hipauye atughiu eno ashekhau tsapeke, khuu thiveno akuxu shiluve keno tipau tsapeke.