IBRIMI 11:6 - BAIBEL (BSI)

⁶ Akupulu kuhakeloye timi khumu Alhou mlo kiqipu shi mlae. Kughengu khunono Alhou lau ighini keno paye Alhou acheni eno pa phusu ighikemiqo pano asaxu tsuchenikepi akupulu aghimasae.

Sümi Tiqhelimi Bible

⁶ Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

Sumi Naga CL (Re-edited) Bible (BSI)

⁶ Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

IBRIMI 11:6 Mawu Ofanana

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

JOB 21:14

Panonguno Alhou vilo ishi picheni, Hula wuvelo! Ninguye opulou ithi nikeu puloamoe.

LESHELE 106:24

Tipashelo panonguno achhigha kivi yeghi milive kughengu panonguye Alhou shoqhi pulumoe.

LESHELE 119:10

Imlo kuchopu pesu ino oqenishi; oyezah hebidelu nosake isasu alo.

LESHELE 58:11

Timino ishi pinani, “Kuchouno amikuchomi ghenguno asaxu ani; kuchouno ayeghilo xakuthau Alhou anike.”

LESHELE 73:28

Ikemu ighenguye Alhou punukhoi akeu huye shishe akumzapu ke, AMPEU Alhou pesu ino ijehkepu shiluveake, pano mlakeu kumtsu asheshu tsuni cheni.

LESHELE 78:22

Kughengu panonguye pa shou akupulu kuhake eno panoqo xaluve nani kepi panonguye pulumoke.

LESHELE 78:32

Hitoive kethiughi timiqoye axine shi acheuve; akumzapu kumla ithuluve kethiu ghi panonguye Alhou pukhumoe.

AHOLE 11:18

Kixikilamiye ajume ghi pishikiqhi qelu cheni ikemu nono achipiu shiaye asaxu kuchou ithulu nani.

AHOLE 8:17

Khunono ikimiye cheni keno ino tipaqo kimiye, khunono iphu cheni keno iphulu nani.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

ISAIAH 7:9

Israil ye tipau phughitou Samaria nguno akumtou kumoke eno Samaria ye Akukau Peka nguno akumtou kumoe.” “Nongu kupulu mutotoi monapiaye nonguye ngosumla nani.”

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

AKIKIHI 14:11

AMPEU no Muse vilo pi, “Timi hipaqo ye khitohi imilive ache nani kya? Ino panongu dolo akichiqhipu kumla kutomo shitsu pulano panonguye khitohi ipulu mlano auvea kya?

AKIKIHI 20:12

Ikemu AMPEU no Muse ngo Aron pama sakiyi. Pano ishipi, “Nokujono akupulu kupukuno shi Israilmi zulo ikimthe kuka akeu ikhilu piye moveke ghenguno ino panoqo tsunikeu shi tushoqhive keu yeghilo nokujoye panoqo sailomo nanike.”

MATTHEW 11:26

Iye, Apuo, kughengu hiye ogho opulou shikeuke.

MATTHEW 5:12

Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:33

Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

Mark 16:17

Kupulumi lau amchipukuka hipaqo panongu gholo anani: Ije lono panonguno tughami haphelu nani, panonguno amli kithe lono pi nani;

Luke 12:31

Tishinike zuqhu, pa yehkipe paghi phulo eno pano thime hipaqo pesu otsu kupha nani.”

Luke 6:35

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 8:24

Tishikehu ino nongu vilo pikeuno nonguye nongu xinelo thinanie. Kughengu ‘Niye nike’ pikeu nonguno pululumo aye nonguye nongu xinelo thiani.”

Rommi 10:14

Ike panonguno pulumo kenokuu xalulepi inijuni kya? Panonguno chimla aphikeu sutsa kishi puzu puluni kya? Asutsa pikulha moke kishi puzu panonguye chiluni kya?

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

IBRIMI 11:26

Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

IBRIMI 4:2

Kughengu ningughi panoqo toi Atsakiviu chiluveake. Panonguye atsape tipau chilu ikemu tiye panoqo kivipu shimlaveke, kughengu panonguno tipau chilu kelo akupulu supuzu tipau ikhilumoveke.

IBRIMI 4:6

Khunoqono puzuuno Atsakiviu chilukeno pulumokeu ghenguno Alhou lokughuno alo ilomlaveke. Tishiepimu kutami khamiye tipaulo ilolupe eno aloino lupeke.

IBRIMI 7:19

Kughengu Ayezahno kiumu kupukulu shitsupe puamoe. Ikemu itehiye lajupu akiviu sailoghivae, tipau vechewo ninguno Alhou kupunu ighilu cheni.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

2 Peter 1:10

Tighenguno athikuzumiqo, Alhou no nongu kulu eno kishekululo ithamono mutsuqheyi shilupe nike pukaputsa alaushi azukini shialo; titoi shi aye nonguye khilemu akupulu phevemo nanike.

2 Peter 1:5

Highenguno tolukivi thaqhulo akiqheu shipuzu akupulu shou alokepu pesu veqabelo; alokepu shou akighithi pesu veqalo;

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

RUTH 2:12

Nono mulavekeu lo AMPEU pelo olochile peni. Eno Israilmi MPEU Alhou chishibo qholo oshokhalu penike ghengu ighini keulo ojume tsupeni!”