IBRIMI 10:11 - BAIBEL (BSI)

¹¹ Judami achinemino tsalakipetsu puthughono pa kumlapu shi acheni eno lhoxu heqhipe mllakeu hipaphi likhi pesu anguno anguno mlla acheni, ikemu tipaqoye khilemu axineqo ikhisuwuve tsumlae.

Sümi Tiqhelimi Bible

¹¹ Atsala kipetsü achineu lakhi ye puthugho no achineye kümlàpuqo shi acheni; anguno-anguno pa ye aghakishi atho khikhi khilemu axinéqo ikhipe wuvelu chemo keno tipau pesü mülá acheni.

Sumi Naga CL (Re-edited) Bible (BSI)

¹¹ Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

IBRIMI 10:11 Mawu Ofanana

IBRIMI 10:4

Kughengu amshitsu jih ngo ane jihye khilemu axine ikhisuwuve tsumlae.

IBRIMI 5:1

Kughengu achinetouye timi gholono kishephe puzu timiqo zuqhushi axine ghenguno akumllagho ngo lhoxu heqhipe mllakeu pesu Alhou zulo pewu cheni.

AKIKIHI 28:3

Achuqupu kumllagho hipaqo AMPEU lau qhitsu penikeu shike: tsalakipetsu lo piti mllakepu ghenguno bheriti tsu ampe lakhikhi shi akeu kiumu tukutiye kuhakeu kini.

IBRIMI 7:27

Paye achinemi kutami toimoke. Paye atsala kipetsu pa likhi pa xine ghenguno eno tipathiuno timiqo ghenguno lhoxu heqhi pesu Alhou lau akumllagho tsukepu avehupu kuhae. Kughou pano pa likhi pa mpi ikhiphepe tsukeno tileno ghuthu khavino alhokupuju ghenguno hipau shivae.

ISAIAH 1:11

Pano piani, “Nonguno aghashipe hijejehi imlla achekeu niye lunishi ani kughashi kumsu cheni kesha? Nongu lhoxu heqhino akuchopu pesu pitikeu kumlla shikeu eno lhoxu kivi tha pesu pitikeu kumllagho lukumkhashi kughokumovae. Niye amshitsu ji bheri ji eno anetsu ji ingaghaivae.

IBRIMI 10:1

Judami yezah ye mutsuqheyi no thime kuchou akeqo sasu aphiphi kumoe. Hiye thime kivi ighiniye kuto akeu julhoke. Ampe atsutsu ishwokibe aphiphishi lhoxu heqhipe mllache keuye Alhou lau kupunu ighikemiqo pesu khilemu viwotolu keu shipemlae.

DANIEL 12:11

Tsalakipe ghiqhino mllachekeu lakhaveke tsala lono, ike ado tipauye, Jukikichipu tsala lono wo atsala 1290 kuto shi nani.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

DANIEL 9:21

Ino akighini shi akelono, Gabriel, khuu azuu ghi ino kungunhetsu lono ithuluvea keno, ino ngo akelono yesusu iqi cheghi. Hiye avelau ghiqhipe mllachekeu ghuloki shia.

DANIEL 8:11

Pano kughughalo ghushimi gholo sakipheu tsa ghi lumo. Tsalakipe tsulo ghiqhino mllachekeu ghi lakha vetsu eno achineki tipau shikuchhubevetsu.

EZEKEL 45:4

Hiye aghakhulo akimtheu qha shi nani, achinemi khunoqomino Achinekilo AMPEU qe acheni keno tipaqo ghenguno tikutashi qhikeu. Tipaulo panoqo ki anani eno Achineki ghenguno ayeghi kothakeu anani.

AKIKIHI 29:6

Aqhi aqhilo atsala atughiulo akipti kumllagho gholo athi kumllagho ngo atsaiji kumllagho tsuche keu nguno alau vebeghi hipaqo pesu mllalo. achuqupu kumllagho hipaqoye AMPEU lopu shiche keu xo lakhike.

AKIKIHI 28:24

Tipaphi shi,achuqupu kumllagho qo atsala tsuni ghenguno AMPEU lau mllalo, pa lau alokiqipu xo lakhike. Tsalakipetsu lo akipti kumllagho ngo atsaiji kumllagho tsuche keu nguno alau hipau mllalo.

IPEKULU 29:36

Ghulo atsutsu, axine qhivetsu penike ghenguno amshitsu lakhi pesu aghashikeu kumllagho shilo. Hipau no akiptia thakimthe nani, tishi no tipau akimthe shipenike oliv teli pesu nulo.

MICAH 6:6

Kughou ino pa mlla nike ighini keno, niye AMPEU, kungugha Lhou lau kiu peighini kya? Niye pa lau akumllagho piti penike amshiti akeu peighini kesha?

IBRIMI 8:2

Shishe Akimthe-alo, tiye timino shikeu kumono Ampeu no shipe puakeu phiki kuchoulo achinetou kumla shi acheni.

IBRIMI 8:4

Pano ayeghilo akenapiaye paye khilemu achinemi lakhi shimoni cheke, kughengu Ayezah kiqi lono akumllagho pesu mllakemi achinemi akhanike.