IBRIMI 1:9 - BAIBEL (BSI)

⁹ Noye achipishi keu kimiye eno achipi kumouye mithike, Tipau ghenguno Alhou oLhou no okisheluke; Eno okusami tsukeu nguno shishe gihukepu lokivi pesu otsuvae.”

Sümi Tiqhelimi Bible

⁹ Nono achipiumikucho kimiye ke eno küsakügha mithi ke; Tighenguno Alhou, O Lhou, no alokiqi thazü pesü O nukishe no O pesü O küsàmiqo shou qhike.”

Sumi Naga CL (Re-edited) Bible (BSI)

⁹ Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

IBRIMI 1:9 Mawu Ofanana

LESHELE 11:5

AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

LESHELE 119:104

Niye oyezah lono alokutsu hesheluke, ikehu niye alomokeu ghushoghili kumtsu mithike!

LESHELE 119:128

ikehu niye okukutsu kumtsu papelu cheni; niye alakumo kumtsu mithike.

LESHELE 2:2

Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 23:5

Nono ighumi nhethe lono aghulhu lakhi izulo qhitsue; Nono teli pesu ikutsu nutsu eno ijukhu yele lesutsue.

LESHELE 33:5

AMPEU no amikucho eno achipiu kupu kimiye cheni; pawu iqemo keu kikimiyeno ayeghiqha chhitoi ani.

LESHELE 37:28

Kughengu AMPEU ye achipiu kimiye cheni eno pawu kuchomi pheve chemoe. Pano panoqo pulhapuju susho cheni, ikemu kixikilami laghiye hapheve nani.

LESHELE 40:8

Ogho opulou shinikeuno izukuvuke, O iLhou! Oyezahye imlolo qhi chenike,”

LESHELE 45:6

Alhou no otsukeu yehkipeqhaye pulhapujulo ache nani. Nono achipiu xakutha pesu owu timiqo shou ayehpeke;

LESHELE 45:7

Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

LESHELE 89:20

Iqeu David ye akimthe teli pesu nukishe puzu akukau shipeke.

LESHELE 89:26

Pano ivilo ishi pinani, ‘Noye ipu eno iLhou ke; noye isushokuluu eno ixakuluu ke.’

AHOLE 8:13

AMPEU gihu aniaye tiye alhoksa mithivekeuke; niye aqhekuza ngo akulaki, eno alhoksa-la ngo akimki tsapi mithi cheni.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

ISAIAH 61:8

AMPEU no pi, “Niye achipi xakutha kimiyeke eno nedaqodakeu ngo ghiqhi heqhi keu mithi cheni. Ino kuchouno iwu timiqo asaxu tsu nani. Panoqo sasu lhokta puloshoqhi lakhi shi nani.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

ZEKHARIA 8:17

Kutami ghuzakileni keu laghi kughupe qhikevilo. Tushoqhi akelo kichileu shepe shitsu kevilo. Niye akimki ngo amikucho kumo xakutha eno heqhi buqhikeu mithi chenike.”

Luke 4:18

“Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

John 1:41

Atughushi pano pa thikuzuu Simon phuwu puzu pa vilo ishipi, “Ninguno Mesiya sasu kusholuvae” (hipatsa kiqiye “Khristo.”)

John 10:17

“Ino ikuxu pephetsu eno itaghi ikhichilelu penike tsuvekeu ghenguno Apu no ikimiye cheni.

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Apostolmi 4:26

Ayeghilo kukamiqono kutope ighi eno ayehkipemino kuhokumqoe— Ampeu eno pawu Mesiya sasu shiniyeke.’

Apostolmi 4:27

Kuchouno aphughi hipaulo Herod ngo Pontio Pilat pamano Judakumomi eno Israilmi sasu kuhokumqono akimthe oqeu Jisu nono Khristo shivetsukeu shou akumou shie.

Rommi 12:9

Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

1 Kor. 1:9

Alhou ye pukhubekuluke, pa Nu Jisu Khristo, ningu Mipeu gholo kuposhulukeu apenike pano nongu kulukeu Lhou huke.

2 Kor. 11:31

Ampeu Jisu paPuh eno Alhou, paye alhokupujulo sheqhe akepu likhike, pano ithianike niye mikiamoe.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Ephesiami 1:3

Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

FILIPIAMI 2:9

Highenguno Alhou no a-a akiqheulo pa xuputhu puku, Eno aje kutau kumtsu nguno akiqheu je pesu pa tsue,

IBRIMI 2:11

Pano timiqo xine shikimthetsu cheni, ike pa eno pano shikimthevekemi kumtsu Apu lakhike. Tipau ghenguno Jisu ye tipanoqo pesu pa thikuzumi kepi pinikeu kujochemoe.

IBRIMI 2:9

Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

1 Peter 1:3

Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

1 John 1:3

Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Piyeküsü 2:15

Tihutoi Nikolaitami kukutsu papekemi ghi nongu gholo anike.