HOSIYA 9:8 - BAIBEL (BSI)

⁸ Alhou no pawu timi Israilmi kutughu peniaye tungkupumi lakhi shi-ghi ipuwuke. Ikeghi, ino khile khile wuni keno tikumtsulo aghau lakhi toi imeluveniye nonguno pukaputsa cheni. Alhou wu ayeghilo akemiqoye tungkupmi ghumike.

Sumi Naga CL (Re-edited) Bible (BSI)

⁸ Tungkupu ye I Lhou gholono Ephraim kheu huke; ikeghi pa laghi kümtsü lo ashihami lichhe ani eno akimthi no pa Lhou kilo ani.

HOSIYA 9:8 Mawu Ofanana

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 18:1

Ado hami thiu, tsughumovekeu mpe akuthuu shi akelono AMPEU no Elija vilo pi, “Wuno okutoshi Akukau Ahab zulo piyelo eno ino tsutsughu puwu tsuni.”

KUKAMI ATUGHIU 18:19

Itehi Israilmi kumtsu Karmel to lono isasu kusholu penike ahza shilo. Baal tungkupumi 450 khikhi kukaliu Jezebel no saphu acheni keno kumtsu sasu ighilo.”

KUKAMI ATUGHIU 22:11

Panongu gholo milakhi Kenaana nu Zedekiya ipikeuno ayino akibo shipe qhino ishi Ahab vilo pi, “Hiye AMPEU no ishi pi ani: Ayikibo hipau pesu Siriyami sasu aghushi nani eno panongu theqhilu nani.”

KUKAMI ATUGHIU 22:22

‘Kishino shilu nani kya?’ pi AMPEU no inijuju. Aghahwuno khochilepi, ‘Ino wuno Ahab wu tungkupumi kumtsu pelono mikive penie.’ AMPEU no pi, ‘Wulo eno pa pishiqhilo, noye tolu nani.’ ”

KUKAMI ATUGHIU 22:28

“Tsala nono achipishi ide ighilu aye AMPEU ye iputsa puamoepi ithivelo!” Tilikhi kumono highi ishipi, “Nongu kumtsu ino itehi kiu piqhi keno iniju pualo!” ipi Mikaiya no pive.

KUKAMI ATUGHIU 22:6

Tighenguno Ahab no tungkupumi 400 kutolo kukutsuno panongu iniju, “Niye Ramot lewukepu keo mokya?” “Lelo, kughengu AMPEU no tokulu otsu nani,” ipi panonguno khochile.

KUKAMI AKINIU 13:21

Ghuthu lakhilo Israilmino timi lakhi kumo shiqho akelono paikhavi lono aghumino leniye cheghikeu panonguno ithuluve; ike panonguye timi kumo hu pesu Elisha kumolo vesuve. Kughou timi kumo no Elisha saghi dilukeno timi huye akuxu shive eno puthugho ithughive.

KUKAMI AKINIU 2:14

Pano ti Elija wu chijeboboi keu phikuzu pesu azulo hesu eno ishipi, “Elija Lhou AMPEU khile ani kya?” Tishino itaghi pano akiniu azulo hesu ikelaye azu kikije kini shive eno paye chesu ikuluve.

KUKAMI AKINIU 2:21

tishino pano azupukilo wuno amti pesu azulo vesuno pi, “AMPEU no hishi pi ani; ino azu hipau shikimitheve tsua eno hinguno hilauye kithikuha eno alalo haukeu shimae.”

KUKAMI AKINIU 4:41

Elisha no alibe hami khuno pesu alilo su eno pi, “Akulhozu alau lesuno panongu tsulo.” Tishikelaye kumu shipusakeu shimove.

KUKAMI AKINIU 4:43

ikemu pano khochile, “Hiye timi 100 ghenguno kughomo nanipi kumsu anike sha?” Elisha no khochile, “Panongu pelo chukepushi tsulo, kughengu AMPEU no pi anike panonguno chue pinamu itaghi achili kutomo qhive nani,” ipi.

KUKAMI AKINIU 5:14

Tileno Naaman no Jordan lo ilono pa kutoshino ghuthu tsuni azulo kuptsu. Elisha no shilo pikeutoi, kuchono paye aloqhi viluve. Payikono anga lakhi toi mutshaminheyi eno ighono juvi sheve.

KUKAMI AKINIU 5:27

Tighenguno Naaman kusu huno oshou ikughiniae eno tiye no eno olaghaqo lau alhokuthu acheuvenia!” Kuchono Gehazi no cheve kemtsa paye apugha kusu hu ithuluve, pa yikono murasu kimiyetoive.

KUKAMI AKINIU 7:19

ishipikelo ti akijeu huye ishi khochilepua, “Khilemu tishi shilumo nani—tsala AMPEU no pa ampino ghuthu khavino tsutsughu puwu pinamu!” Elisha no khochileve keuno, “Tishi nani putsake nono ju alo, ikemu noye achuqupu lakhimu chulumo nani” ipipua.

KUKAMI AKINIU 7:2

Akukau ghukheuno Elisha vilo pi, “Khilemu tishimlae, tsalatsa AMPEU no pa ampino paikhavi lono tsutsughu puwutsu namu tiye tokulupu tsa kumoe! “ “Tishi nani putsake ju alo, ikemu noye kiu chuqupumu chulumo nani pi Elisha no khochile.”

LESHELE 124:7

Ninguye aghauno alichhe kishimi lichhe lono pokaluve kemi toike; alichhe icheve eno ninguye kuqhophevae!

YETSAPIU 9:12

Kughono odo oghuloki ighi nani keno noye khilemu ithimo nani. Alichhe lono paikhavi no aghau meluveke toi eno akhamelo akha meluveke toi, nino kumsumo mitheno ake lono ado lhoksa lono ningu meluve cheni.

ALE KIMCHI 3:3

Aphughilo iqhoiqi khechekemino ijuthuluve. Ino panoqo vilo iniju, “Nonguye ilomi ithulukeo mokya?”

ISAIAH 62:6

Jerusalem, oliwolo ino aghukhemi qhipuani; panonguye putho pucho khilemu inaqhoi kepu kumoe. Panonguye AMPEU vilo pano piqhi puakeqo pesu pikichichi akepu eno pa pelo khilemu panoqo kumsumavepe kevilo.

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

JEREMIYA 14:13

Tileno ino ishi pike, “AMPEU Alhou, nono ithi anike tungkupmino timiqo vilo aghukishi momu akhu-ava ighimo nani kepi piani kughengu panonguno pikeuno nono tushoqhive keuno niyeghilo iquighakeu likhi anikepi piani.”

JEREMIYA 23:13

Samaria lo tungkupmi xine ino ithuluvae: panonguno Baal jelono piacheni eno iwu timi sakughuzuveke.

JEREMIYA 31:6

Kughengu, aghukhemino Efraim tolono ishi asheshu kupuwunikeu tsala wocheni: ‘Ningu Zion lo iqhoni nolo, AMPEU, niLhou lau wunike!’ ”

JEREMIYA 6:14

Iwu timiqo ghuzakuqoye kuxushope akeu paphi lono panonguno mla itha cheni. Kumtsulo akivishimono akelo ghi panonguno, ‘Kumtsu vi ani’ ipi cheni.

JEREMIYA 6:17

Tileno, AMPEU no aghukheu kutope qhi eno afuko lono kutughu keu inipeniyeke. Ikemu panonguno pi, “Ninguye tipau inimoe.”

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

AKUMLO 4:13

Ikemu liwu tungkupmino axine shive eno achinemino kuqukeu ghenguno pimimokemi pithive kepu shiveke.

EZEKEL 3:17

Pano pi, “Thinikuau timio, Israil shiayeh ghenguno ino opelo aghukhemi lakhi shianipeke. Ino kutughukeu tsa otsukeu pesu noye panoqo lau pivetsulo.

EZEKEL 33:7

“Ikehu thinikuau timi, ino opelo Israil shiayeh ghenguno aghukhemi lakhi shipeni cheni. Noye panoqo vilo ino kutughukeu pesu otsukeu pewo tsulo.

HOSIYA 5:1

“Nongu achinemiqo, hipau inilo! Israil lo akemiqo amlo tsuqhiyi inilo! Nongu kukami bolomiqo, hi inilo! Nonguye achipiu xakutha pesu kughathabe kepuke tighenguno nongu shou kughathabe keu ikughi nani! Nonguno Mizpa lo alichhe lakhi ilhouveke, Tobor toghilo akhame sukhope akeu shiveke,

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

MICAH 7:4

Panoqo gholo akiviu eno achipi kuchou ipikemino alupi toi ame kuhamitheke. Alhou no timiqo ghime nikeu tsala ighivae, tiye pano tungkupumi vechewo panoqo kutughuvekeu toike. Itehiye timiqoye avehu izuvulaivae.

John 15:24

Khunomu shichemokeu kumla ino panongu gholo shimo ke aye panonguye axine shikeu kukuqu kuhani cheke, ikemu itehiye ino kiu mlakeno panonguno ithuluve keghi panonguno ni eno iPuh ikujo mithi cheni.

Rommi 3:7

Ikemu ikimiki vechewo Alhou ye kuchou ipikeu heshe pesu sheqhekepu shilu aye, kushiye axinemi lakhi hutoi ipimi ani kya?

IBRIMI 13:17

Nongu sakiphemi gholulo eno panoqono pikeu qhoqhulo. Panongu kumla Alhou lau kihikulayi tsu nani kehu panonguye tamo puzu nongu kuxu jukutotsu achenike. Ikehu panongu pelo amlo saqhiyimono aloviqhiyi pano kumla shipelo, kughengu tishimoaye nongu vehupu kiumu shimlave nani.