HOSIYA 9:6 - BAIBEL (BSI)

⁶ Kughou kutsakungo keu ighini keno eno timiqoye apanagha kuhapoveni keno, Ijipmino panoqo xukumqo nani, panonqo xukumqo sawo Memfi lo qhove niyeke! Panoqo wu tsandiyino kini kulushi achekeu ngo panoqo ki khilehi shipuakeno tipaqoye alupi ngo asahuphono qunhave nani.

Sumi Naga CL (Re-edited) Bible (BSI)

⁶ Kughengu panoqo ye kütsakungo keu lono pochea kemu Egypt no panongu hekütsü nani; Memphis no pano shiqho nani. Apüghübo no panow akughupu ghükayi thime luve nani; pano phiki lono asahubo ipeghive nani.

HOSIYA 9:6 Mawu Ofanana

KUKAMI AKINIU 13:7

Jehoahaz ye ghushimi kuha ipuzu khurshi kusami lhopungu, khurkulu chighi apukhu lono chewuni kemi 10,000 likhi ae, kughengu Siriya kukauno kutomo heqhi khavetsu eno ayeghi mukhu toi kughulhovetsu.

LESHELE 107:34

Pano ayeghi ghuma kivi pelo amiti akeu asayeqha shivepeke tipaulo xuakemino alhoksa kumla shikehu.

AHOLE 24:31

Ike tipaqolo asahubono ghusupe ake eno apughu ngo alupino qunhape ake. Atupe tipau putukhakeu ileiqiveno ake.

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 19:13

Zoan ngo Memfi lo sakiphemiye kughuzumi ke. Panonguye pano shiayeh saphe kepu kelauye tipaqo saphe pusa anike.

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 32:13

eno asahu ngo koghesahuno iwu timiqo yeghilo ipeghi ani. Aki khilehi timiqono alokivishi achekeu, eno aphughilo alokivi kuxu shiakeu ghenguno qahlo.

ISAIAH 34:13

Asahu ngo koghesahuno kukami kungoki eno putupuakeu taun kumtsulo ipeghi nani eno tungtugha ngo aqhaqhono tipaqolo acheuve nani.

ISAIAH 5:6

Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

ISAIAH 7:23

“Tipa tsalaniye, atsayilu kivilo atsaibo 1,000 akeqoye lakhikhino tsandiyi 1,000 khi me shinamu kumtsu asahupho ngo aghusahuno qunha khave nani.

JEREMIYA 2:16

Iyei, Memfi ngo Tapanhe lo akemi qono pa boghe kubolevetsu.

JEREMIYA 42:22

Tighenguno hipau kumsululo: nonguno khipa yeghilo wunishi ani eno tilau xuauveniye ani keno tilauno nonguye aghukishi, akhuava momu kusukini lono thi nanike.”

JEREMIYA 44:1

Ijip yeghilo Migdol, Taxpanhes, Memfi eno aghakhu apeu akeqolo Israilmi xuakemi kumtsu ghenguno AMPEU tsa hipau itsuke.

JEREMIYA 44:12

Ike Juda lo timi khijehi ghupe puanikeno eno panonguno Ijip lo wu puzu tilau auvenikeu shi pulo akhani keno, panoqo kumtsu kutsalekha kemo kela ino tsaqui jutsu nani. Panoqo kumtsu kijemi na kitilami namu aghukishilo momu akhuava lono Ijip lono thikhave nanike. Panongu junike kumsa kimshipu shi nani; timino panongu phimo ghi peitha nani eno panongu jeku ghi musuini keu shinani.

JEREMIYA 44:13

Ino Jerusalem ghimeqhi ketho lono, aghukishi ngo akhuava eno kusukini pesu khunoqomino Ijip lo xu aghini keno tipaqo ino ghimeqhi nani.

JEREMIYA 46:14

“Ijip lo taunqo lo hipau pesu asheshulo, Migdol ngo Memfi ngo Taxpanhes lo: ‘Nolikhi noshokhalu kepushi kutolulo; nonguno aghikeu kumtsu aghukishi lono kutsaleve nani.

JEREMIYA 46:19

Nongu Ijipmiqo, akughumi shi susu wunike kutolo! Memfi ye asayeqha shive nani khunomu ngomoveno ixapinyive nani.

EZEKEL 30:13

Akughushu MPEU no piani, “Memfi lo asu-atu julho ngo kichileu lhouqo ino kutsaleve nani. Ijip lo ayehpekemi lakhimu kuhave nani eno ino timi kumtsu shithughuyi nani.

EZEKEL 30:16

Ino Ijip lo ami sunani eno Pelusium ye amlo kusa kije shi nani. Theb putukeuye ipopinyive nani eno aphughiye yeliqoleive nani.

HOSIYA 10:8

Naghuto toghilo Aven chinichekea, khilehi Israilmino asu-atu mlla cheni keno tipauye kutsaleve nani. Asahu ngo alupino tipaqo akumllagho kipti-a qunhaluve nani. Timiqono naghutoqo vilo, “Ni-kughutshuluvelo!” eno atoghiqo vilo, “Ni-nhaluvelo!” ipi nani.

HOSIYA 11:11

Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

HOSIYA 2:6

Tighenguno niye asahupho pesu li putukhani cheni eno aliwo shipesu li lakhani cheni.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

HOSIYA 7:13

“Panoqoye ahasapuke! Panonguno iqhive puzu isasu kumjo ani. Panonguye kutsave nani. Niye panoqo xalunishi akemu panonguno imllakeuye kichileke.

HOSIYA 7:16

Panonguye ilauno tsughususu akuka kumto kuhakeu lhou lau wuve acheni. Panonguye asuzu kughuho lhoksa toi pukhubemlake. Panongu sakiphemiqono aqhekuza tsa kipi ghenguno panonguye ghuyi kithi sholu nani eno Ijipmino junuqhi nani.”

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 9:3

Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

ZEFANIA 1:11

Nongu aphughi chhiliu kudau akemiqono kughou hipau chiluni keno qanhenhe igha qalo, kughengu alhikishimi kumtsu thiveniake!”

SAMUEL ATUGHIU 13:6

Tishi puzu panonguno khughu shi Israilmi lethuve, ikehu Israilmiye kumu shimlave. Israilmi khamiye asuki, atuki, akuthoku, alahu kumtsu lo itshu lukhave;