HOSIYA 9:4 - BAIBEL (BSI)

⁴ Inaghami yeghilo panonguye atsayiji pesu AMPEU lau akumllagho tsulukepu shimo nani momu lhoxu heqhipe pa lau sughi mla nani. Khunoqono panoqo chuqupu chuni keno kumtsu kitiqeve nani, tiye akumo shiqhokelo chuqupu toi nani. Tiye panongu khuava ghapiqini keulo likhi peitha nani; tipaqo gholo lakhimu AMPEU chinekilo akumllagho shi puwulumo nani.

Sumi Naga CL (Re-edited) Bible (BSI)

⁴ Panongu no Ampeu lau atsaiji kümllagho tsümo nani, eno pano ghakishi ye Pa lopiqi tsümla nani. Ti ye mloqa akemi sho toi, tipau chukemi kümtsü kitiqeve nani; kughengu pano sho ye panongu müzü ghengu likhino ke; tipau ye Ampeu kilo peighimo nani.

HOSIYA 9:4 Mawu Ofanana

IPEKULU 29:40

Bheriti atughiu gholono asho kukubo kilogram lakhi pesu kiumu kitemokeu oliv teli liter lakhilo kunuveno mllalo. Atsayiji liter lakhi pesu akumllagho shikeulo leqhilo.

IPEKULU 40:23

eno tipau shou AMPEU mllakeu sho pesu qhi.

ISAIAH 57:6

Nonguno tipau lono atumlo muduniyikeu ikhipewo alhouqo kepi mlla chenike. Tipaqo kumtsu shikeulo niye aloqi cheni kughashi nonguye kumsu ani kesha?

ISAIAH 66:3

“Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

JEREMIYA 16:7

Khuumu timi lakhino pa bolomi thive akelo akithiu bolomi lokughuno tsunike tipau sasu kuchu kusho shimo nanike. Khualano apuh momu aza thive aghi namu khunomu amlo saqhiyikeu piyemo nani.”

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

EZEKEL 24:17

Okuqa chilupe kevilo. Muloqakeu michipu shi apukhu kumsa, akutsusa nhapumono iqho iqikeu shikevilo. Ogi nhapu kevi momu muloqakemi no chuchekeu chuqupu chukevilo.”

EZEKEL 24:22

Tileno nonguye ino kiu shiveakeno tipau shi nani; nonguye nongu gi kuzupumo nani momu muloqakemino chuchekeu chuqupu chumo nani.

DANIEL 1:8

Danel ye akukau hiyam mino chusho chekeu mithekumo chuqu chushono pa shipixive pemo nikeu kukumsu xathaluve, tighenguno Ashpenaz vilo kimiyeno pa kuphu tsulo pive.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

HOSIYA 7:16

Panonguye ilauno tsughususu akuka kumto kuhakeu lhou lau wuve acheni. Panonguye asuzu kughuho lhoksa toi pukhubemlake. Panongu sakiphemiqono aqhekuza tsa kipi ghenguno panonguye ghuyi kithi sholu nani eno Ijipmino junuqhi nani.”

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

JOYIL 1:13

Yeqhiyephi pepuno qanimlolo, nongu achinemi, akipti-alo mlachekeqo! Achinekilo ilolo eno puthotsu mloqalo! Nongu Lhou mlla kepu thi momu atsayiji kuhake.

JOYIL 1:9

Achinekilo athi momu atsayiji pesu mlla kepu kuhaveake; Achinemino mloqa ani kughengu panonguye AMPEU mlla kepu kiumu kuhake.

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

ACHINE 17:11

Xuakeu jeli kumtsu akuxuye ahjilo ani kehu timiqo xine ikhi suwuvetsu nike ghenguno ahjiye kumtsu akiptia shou lepukuvelo pi AMPEU no ahza tsuke.

ACHINE 21:17

Aron vilo pike, “Nongu polo kughukomi milakhimu aphi ampilo tukutiye akemiye achuqupu kumllagho ilau sughi kevilo. Hiye ighinikeu ghulokilo ghi shichemasake.

ACHINE 21:21

Aron achineu polo kughukomi aphi mpilo tukutiye akemi khuu pelomu achuqupu kumllagho ilau sughi pekevilo.

ACHINE 21:6

Paye akimthe shimasa eno ije shiputha kevilo. Pano achuqupu kumllagho pesu imlla chenike eno paye akimthe shimasake.

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

AMUS 5:22

Kughou nonguno akiptipu akumllagho ngo athi kumllagho ilau sughi nikeno niye tipaqo ikhilutsuni chemoe; nonguno imllaniaye lhoxu ashi pubeleyi keu hu niye lutsuni chemoe.

MALAKI 2:13

Nonguno hipau ghi shi acheni. Nonguno anhezu ngo akuqa kumlo pesu AMPEU mllakeu khache putsuqhi cheni, kughengu nonguno pa lau akumllagho sughikeu ikhilutsumoyeke.

AKIKIHI 19:11

Khuu khumu akithikumo diluve keuye atsala tsuni ghenguno achinepulo mithemo nani.

AKIKIHI 28:2

Israilmi pelo ado aghuloki kichetsu puakeulo achuqupu kumllagho avehupu shi akeu pesu Alhou lau tsulo pike tiye pa lokutu chekeuke.

AKIKIHI 4:7

Asho pesu Ampeu mllache keu kibepu lipa shou panonguno tsulakibe phi khobeni eno tipaqo shou akhuqo beni,axokutsungu khu, akumllagho khu, eno ahji pesu mllakeu gho sukepu bohu ishi beni. Akibe lipa shou alhokuthulo asho qhipuakeu zah shi.

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

ZAKINIU 26:14

Ino mloqa akelo niye tipau kiumu chupuamoe; ino achinepulo mithemono akelo tipau lono kiumu ikhi pesu iki lono halau ipemoke; eno tipau lono kiumu ikhi pesu kithimi ghenguno akumllagho tsupe puamoe. Niye aghokulu shike, O AMPEU; nono chighi saje ghenguno ahza tsukeu thwokha kumtsu ino shipuani ke.