HOSIYA 9:3 - BAIBEL (BSI)

³ Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

Sumi Naga CL (Re-edited) Bible (BSI)

³ Panoqo ye Ampeu yeghi lo ngope move nani, ikemu Ephraim ye Egypt lo idewove nani, eno panoqo no Assyria lo mithekumo chuqupu chunani.

HOSIYA 9:3 Mawu Ofanana

KUKAMI ATUGHIU 9:7

ino iwu timi Israilmi ino ayeghi panongu tsuvekeu alono hapheve nani. Imllapeniye a-a khikhi ino shikimthe vetsu akeno akumllaki hipau ghi phevetsu nani. Tithiuye a-a kumtsu lono timiqono Israilmi jukunathano pipusauve nani.

KUKAMI AKINIU 17:6

Hosheya no kakeu mpe atokuu shi akeno, Asiriyami kukau no ighino Samaria leluve eno Israilmi kughasusu Asiriya lo akughumi shi sasuwuve eno panongu khami kughapesu Hala phughilo ngovepe eno khamino sawo Gozan distrik lo Habor ghoki phivilo qhive eno khamino Mediya phughilo ngovepe.

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

AKUMLO 5:6

Akuxu puxu aniaye achuqupu lukumkha lunike ninguno Ijip lo ngo Asiriya lo khuchhuwuke.

EZEKEL 4:13

AMPEU no pi, “Hipaphi lono Israilmiye ino kutami shiayehqo gholo panoqo halesu kelono Ayezahlo lakha puakeu chuqupu panoqono chu nanike.”

DANIEL 1:8

Danel ye akukau hiyam mino chusho chekeu mithekumo chuqu chushono pa shipixive pemo nikeu kukumsu xathaluve, tighenguno Ashpenaz vilo kimiyeno pa kuphu tsulo pive.

HOSIYA 11:11

Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

HOSIYA 11:5

“Panonguye ilau ideighi mopike, tighenguno panonguye Ijip lau idewu masae eno Asiriya no panoqo shou ayeh pe nani.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

HOSIYA 7:16

Panonguye ilauno tsughususu akuka kumto kuhakeu lhou lau wuve acheni. Panonguye asuzu kughuho lhoksa toi pukhubemlake. Panongu sakiphemiqono aqhekuza tsa kipi ghenguno panonguye ghuyi kithi sholu nani eno Ijipmino junuqhi nani.”

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 9:6

Kughou kutsakungo keu ighini keno eno timiqoye apanagha kuhapoveni keno, Ijipmino panoqo xukumqo nani, panonqo xukumqo sawo Memfi lo qhove niyeke! Panoqo wu tsandiyino kini kulushi achekeu ngo panoqo ki khilehi shipuakeno tipaqoye alupi ngo asahuphono qunhave nani.

ACHINE 18:28

tishiaye aghakhuqhaye nongu zuu Alhou mtha kemiqo tuhaphekeu toi nongu tuha phevemo nanike.

ACHINE 20:22

AMPEU no pi, “Iyezah eno ahza tsukeu kumtsu gholulo tishianguno ino nongu sasu iloniye che keu yeghi Kanan no nongu kolephevemo nani.

ACHINE 25:23

Noyeghiye alhokuthu pimhe cheuve penikeulo jesuve kepu kumoe, kughengu nonguye tipau pighiu kumoe, tiye Alhou no apighiuke eno nonguye inaghami toi tipau peitha anipe ke.

AMUS 7:17

Ike AMPEU no no Amaziya vilo piani, ‘Onipuye alaghilalo kutuqhalimi shiwuve nani eno otianuliqoye aghushi lono thi nani. Noghakhuye kijeveno kutami tsuve nani, eno noye akumthami inagha lono thive nani. Israil lo akemiqoye pano yeghi lono sawuve puzu hapuwuve nani.’ ”

MICAH 2:10

Ithulo eno wuvelo, hilauye inaqhoi ngokulupu-a kumoke. Nongu xineno a-a hipau kutsaleve nikeushi kutoveake.”

Apostolmi 10:14

Ikemu Pitor no pi “Tiye khilemu tishimlae, Ampeu! kiu-kiumu mithemokeu momu kitiqevekeu niye khilemu chumphie.”

ZAKINIU 28:63

AMPEU no nongu pelo kinikulu shilu eno alau ikowolu pekeulo alovi ketoi pano nongu kutsaleve eno shipsave keulo ghi paye alovi nani. Nonguno ngoluniye akeu yeghi lono nongu nhujove nanike.

ZAKINIU 28:68

AMPEU no ashukaki lono Ijip lo nongu saide puwuve nani, pano nonguye tilau itaghi khilemu wukithemo nani kepi pivea kemu. Tilau nonguno noghumi lau aqemi shinike nolikhi nojesuniye pukaputsa nani ikemu khuunomu nongu qhulu nishimo nani.”

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

JOSHUA 23:15

Ikemu pano pashoqhi lakhikhi nongu lau shikupu ketoi, pano shikumsa pephe nani.