HOSIYA 9:16 - BAIBEL (BSI)

¹⁶ Israil lo akemiqoye asubo lakhi akuhu qhaiveno axathi pithimovekeu toivae. Panonguye atianuli kuha nani, eno panonguno atianuli lhoe pinamu panonguno shishe kimiye akeu tianuli ino pithivetsu nani.”

Sumi Naga CL (Re-edited) Bible (BSI)

¹⁶ Ephraim ye micheqhivae; pano kuhu ye qhaivae; panongu ye axathi pithimoae. Panongu no atianuli punu namu, I no pano no qhuivü chekeu tianuliqo pithive tsü nani.

HOSIYA 9:16 Mawu Ofanana

BOTHUBO 41:23

Tipathiu aghipe tsuni ichikhoi eno asayeli kulu mulhuno fukighiyive keu ghi lhoipeghi.

JOB 18:16

Pa kuhuno qhaive eno pa lokano ighuiveniae.

ISAIAH 40:24

Panonguye atsuni lhothe ipeghi akelo eno ilalei akuhu qusupe akeu toike. Kughou AMPEU no amlhu mulhu peni keno, panonguye qhaive eno aghijini toi fupewuve cheni.

ISAIAH 5:24

Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

HOSIYA 5:11

Israil ye nedaqodaqhi, li chipiu akeu ayeghi luvetsuae kughengu lino tsuyikhomo khunoqono kiumu tsukepu kuhakeno tipaqo kuphu niye shike.

HOSIYA 8:7

Panonguno amlhu yisukeulo pasapagha xolu nani! Athi nimokeuye khilemu pesu asho shimlake. Ikemu shilukepu shiepinamu inaghamino tipau chukhave nani.

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.