HOSIYA 9:12 - BAIBEL (BSI)

¹² Ike panonguno atianuli saputhu puaghi pinamu ino tipaqo ikhisuwuve nani eno milakhimu puxumove nani. Kughou ino timi hipaqo qhiveni keno akumsa kuighupu panoqo shou ikughi nani.”

Sumi Naga CL (Re-edited) Bible (BSI)

¹² Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

HOSIYA 9:12 Mawu Ofanana

KUKAMI AKINIU 17:18

AMPEU no Israilmi shou amlo ideveno pa zulono panongu hapheve puzu Juda kukaphu likhi qhiluve.

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

JOB 27:14

Pa nuli kutomo ikowo aghiluvi, ikemu tipaqoye ghuyi lono wonike, eno pa tianuliye achuqupu chukumkha ithumla nani.

JEREMIYA 15:7

Aghakhulo taun atsu-tsulo aghijini toi ino amlhu gholo nongu vepuwuke. Nongu iwu timiqo kutsaveke, ino notianuli pithivetsu kughengu nonguno alhoksa laghiqo lakhavemoke.

JEREMIYA 6:8

Jerusalem lo akemiqo, akupuna hipaqo pelo nongu lo putsutsu pelo tikumoaye niye nongu qhive nani; ino nophughi pesu asayeqha timi khunomu ngochemokeu-a kughulhove tsu nani.”

AKUMLO 2:20

Julo, O AMPEU! nono ghimeqhi akeqo julo! Topumino panonguno kupuqhiyi tuchomujo chekeu tianuliqo shi chuani! Achinemi ngo tungkupmiqo Achineki lono ghiqhive ani!

AKUMLO 2:22

Nono ighumi kusuno aqha kumtsu lo isuhu pesu shikumsa keu ghulhu shipe, eno omlo kighide tsalalo khunomu pokaulu momu puxulu pe move. Ino ati anuli khunoqo tuchomujo saputhu keno panonguno ghiqhivetsuke.

HOSIYA 7:13

“Panoqoye ahasapuke! Panonguno iqhive puzu isasu kumjo ani. Panonguye kutsave nani. Niye panoqo xalunishi akemu panonguno imllakeuye kichileke.

HOSIYA 9:13

AMPEU, panoqo tianuli haqhi puzu pithivekeu ino ithulu ani.

HOSIYA 9:16

Israil lo akemiqoye asubo lakhi akuhu qhaiveno axathi pithimovekeu toivae. Panonguye atianuli kuha nani, eno panonguno atianuli lhoe pinamu panonguno shishe kimiye akeu tianuli ino pithivetsu nani.”

MALAKI 2:12

Khuno hikithipu shipuani keno AMPEU no Israilmi muqo lono ikhivetsupe nike eno nishiayehqo no Aqokitikhi MPEU lau akumllagho peighikeulo timi tipau pelo itaghi khilemu kusaje movepe nike.

AKIKIHI 14:34

Nonguye nongu xine jume ampe lhobidi ime nani, nonguno ayeghi xujuwu kelo tsala lhobidi luvekeu hu atsala lakhikhino ampe lakhikhi qhemi shive peni. Nonguno ipelo nongu shou akumou shipeniye shikeu kiqiye kiukeno nonguno ithi nani!

AKIKIHI 26:65

AMPEU no pipua keuno panongu kumtsu asayeqha lono thive penikeu shi eno Jefuni nu Kaleb ngo Nun nu Joshua pama likhi thono panongu kumtsu thi khave.

ZAKINIU 28:18

“AMPEU no nongu shou musuini keu lono atianuli aghulo likhi punu, tuxatini akivi shimo eno amshi ngo bheri aghulo likhive pe nani.

ZAKINIU 28:32

Nonguno ju apulaghi nopu nongaqoye inaghami lau aqemi shipenike tsupu wuve nani. Ghulo atsu-tsu notianuliqo ideighini malaye juaniepi nongu nhethino qeive nani.

ZAKINIU 31:17

Kughono tipau shini keno niye panoqo lau amlo ideve nani; ino panoqo qhiveno panonguye kutsaleve nani. Kutsakungo keu akumsapu kutomo panoqo shou ighi nani eno tithiuno panonguno kumsuchilelu nikeuno hipaqo panongu shou shikeuye ni pano Lhou ye panoqo gholo achemove ake ghenguno kena ipi ithi nani.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

XAKUTHAMI 4:16

Barak no khurkulu ngo Judakumomi Haroshet wu ghushimi eno Sisera wu ghushimi kumtsu hasasu wuno ghiqhi pithikhave tsu. Timi lakhimu ghumono pithivetsu.

SAMUEL ATUGHIU 16:14

AMPEU ghunguye Saul qhive, tileno aghungu lhoksa AMPEU no puwukeu huno pa shikighime thuve.