HOSIYA 7:8 - BAIBEL (BSI)

⁸ AMPEU no pi, “Israil lo akemiqoye ashopa xukidemokeu lakhi toike. Panonguno ashiayeh kutami panoqo suhupe akemiqo shou pukhupe acheni.

Sumi Naga CL (Re-edited) Bible (BSI)

⁸ Ephraim no ashiayeqo sasü xukütshü kungo cheni; pa ye asho pügha kuthumo keue.

HOSIYA 7:8 Mawu Ofanana

KUKAMI ATUGHIU 18:21

Elija no timiqo lau iqhoghino pi, “Nongu mlo xakutha shinike ghenguno ado khitohi luani kya? Tsala AMPEU no Alhou aye, pa mllalo; eno Baal no Alhou shi aghiaye, pa mllauvelo!” Ikemu timiqoye atsa lothi lakhimu piqhimove.

EZRA 9:1

Ikemu tipathiu Judami sakiphemi ilau ighi eno pano dolo kutomono, achinemi eno Levi laghami ghi sukuqha no tipa ghakhulomi lhoaye peluvae eno Kananmi, Hatimi, Perizimi, Jebusimi, Amunmi, Muabmi, Ijipmi eno Amarimi no kuchhube kutsula kumla hipaqono shichekeu lo panongu ghi kutshu kungo mithekumo yeh pewuva pi ivilo pi.

EZRA 9:12

Ningu ngaqo pe pano nuqo kilo puwo kevilo momu panonga pe ningu nuqo pelo lupe kevilo eno kiu laghilo nomu pano shiyeh kuphu kevilo ipike. Nino titoi pelu aye ninguye kinikulu shiyeh shinani eno alhokuthu ajekipi ahukulu shi peithano ati anu kutolo amheghi pekishe nani ipi pitsuke.

LESHELE 106:35

Panonguye tipaqo sasu kulakupu shikile eno ayekumthami kuxu ghola pewuve.

HOSIYA 5:13

“Kughono Israil no liye kishi su ani keno eno kughou Juda no li likhi li ghuzakuqo ithulu keno Israil no Asiriya lo akukatou akijeu vilo akukuphu khuniye wu nani, ikemu paye panoqo shipivi tsumlave momu panoqo ghuzaku vilumo nani.

HOSIYA 5:7

Panonguno AMPEU lau amikucho shimoke; panoqo tianuliye pawu kumoe. Tighenguno itehiye panongu ghi eno pano yeghi ghi itheno kutsaleveni cheni.

HOSIYA 7:9

Inaghami shou pukhukeu lono panoqo kumto musulukhave keu panonguye vethalumoe. Panongu tsalaye kihipe qhivae ikemu panonguye tipaumu ithi amoe.

HOSIYA 9:3

Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

ZEFANIA 1:5

Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

MALAKI 2:11

Juda lo akemino Alhou lau ashoqhi shikeu kuboleve eno Jerusalem lo ngo aghakhuqha kumtsulo akuighupu lakhi shiveke. Panonguno AMPEU no kimiyechekeu chineki kitiqeveke, kiptimiqono totimi inaghami lhou mlla chekemi sasu kulakupu shiveke.

MATTHEW 6:24

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.