HOSIYA 7:11 - BAIBEL (BSI)

¹¹ Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

Sumi Naga CL (Re-edited) Bible (BSI)

¹¹ Ephraim ye miqhedu toi, mbomzü eno tsükhüi moe, Egypt ku püzü Assyria lo pove.

HOSIYA 7:11 Mawu Ofanana

KUKAMI AKINIU 15:19

Tiglat Pilaser Siriyami kukau no Israil le iloghi ke ghulokilo pa saphu pa kukaqha shikumtotsu apenike ghenguno Menahem no tsandiyi kilogram 34,000 pa tsuve.

KUKAMI AKINIU 16:7

Ahaz no Asiriya lo kukau Tiglat Pilaser lau asutsa hipau puwu: “Niye oqeuke, ighino Siriya kukau eno Israil kukau pama ulono ixaphelu tsulo kughengu pamano ni le-ighi ani.”

AHOLE 15:32

Shikaluni keulo nono mopi auve aye olikhi oghuza ani. Shikumzutsu keu ikhilu aye noye alotsu kithe nani.

AHOLE 17:16

Kughuzumi ghenguno akighithi ithiniye pisa puwove akeu kiumu akivipu shini chemoe kughengu paye tile amlo tsu chemoke.

AHOLE 6:32

Ikemu timi khuuno salhashupuni keno paye kumsukulu kitilamu kuhae, paye pa likhi pa kutsave anike.

JEREMIYA 2:18

Ijip lo iqikeu lono kiu ala shilu nani kepi nonguye kumsuve kya? Nayil ghoki zu yeniye kesha? Asiriya lo wukeu lono kiu ala shilu nani kepi nonguye kumsuve kya? Eufrati ghoki zu yeniye kesha?

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

HOSIYA 11:11

Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

HOSIYA 12:1

Israil lo akemiqo inaqheno putho kutolo shikeu adou likhi eno kutsakungove kepu likhike. Kichileu ngo heqhi buqhikeu kumla panoqo gholo ikowo ani. Panonguno Asiriya sasu kulashikile eno Ijip sasu lhidi lhighi shike.’

HOSIYA 12:2

AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

HOSIYA 14:3

Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

HOSIYA 4:11

AMPEU no pi, “Atsayiji akiye eno akitheno iwu timiqo lokutsu xulepuwuvetsu anie!

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

HOSIYA 5:13

“Kughono Israil no liye kishi su ani keno eno kughou Juda no li likhi li ghuzakuqo ithulu keno Israil no Asiriya lo akukatou akijeu vilo akukuphu khuniye wu nani, ikemu paye panoqo shipivi tsumlave momu panoqo ghuzaku vilumo nani.

HOSIYA 5:4

Timiqono alhoksa shivekeuno panoqo Lhou lau ideighi nikeu lakha auve cheni. Ajulho shikeu mllakeuno akumto shi panoqo tsuqupe auve cheni eno panonguye AMPEU ikhilumove cheni.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 9:3

Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

HOSIYA 9:6

Kughou kutsakungo keu ighini keno eno timiqoye apanagha kuhapoveni keno, Ijipmino panoqo xukumqo nani, panonqo xukumqo sawo Memfi lo qhove niyeke! Panoqo wu tsandiyino kini kulushi achekeu ngo panoqo ki khilehi shipuakeno tipaqoye alupi ngo asahuphono qunhave nani.

Obadiah 1:7

Nogholo kuqhape akemi kumtsuno nongu pishiqhike, panonguno nongu hasusu alughi kutolo wuke. Timi khunoqono nongu sasu visho shipe achekeno tipaqono itehiye nongu leluvae. Shompami nongu sasu kumtsa chuchekeqono alichhe shipesu okheke; Panonguno noghili ishi pike, ‘Pano amqukini akeu khile ani kya?’ ”

MATTHEW 10:16

“Julo! Ino nongu pelo bherino atine gholo ilolu aketoi puwu ani. Nonguye apighi toi tsukhuyi shimasae eno amqhi toi ivunheyi masae.